ଭୋପାଳ: ମଧ୍ୟ ପ୍ରଦେଶରେ ଟ୍ରେନ ଦୁର୍ଘଟଣା । ଟ୍ରାକରୁ ଖସିଲା ଯାତ୍ରାବାହୀ ଟ୍ରେନ । ଜବଲପୁରରେ ଲାଇନଚ୍ୟୁତ ହେଲା ‘ସୋମନାଥ ଏକ୍ସପ୍ରେସ’ । ଟ୍ରେନର 2ଟି କୋଚ ଟ୍ରାକରୁ ଲାଇନଚ୍ୟୁତ ହୋଇଛି । ଏଥିରେ କୌଣସି କ୍ଷୟକ୍ଷତି ହୋଇନଥିବା ସୂଚନା ରହିଛି । ଟ୍ରେନଟି ଇନ୍ଦୋରରୁ ଜବଲପୁରକୁ ଆସୁଥିବା ବେଳେ 2ଟି ବଗି ଟ୍ରାକରୁ ତଳକୁ ଖସିଯାଇଥିଲା । ସମସ୍ତ ଯାତ୍ରୀ ସୁରକ୍ଷିତ ଥିବା ପଶ୍ଚିମ-କେନ୍ଦ୍ରୀୟ ରେଳବାଇ ଜୋନର ମୁଖ୍ୟ ଲୋକସମ୍ପର୍କ ଅଧିକାରୀ (ସିପିଆରଓ) ହର୍ସିତ ଶ୍ରୀବାସ୍ତବ ସୂଚନା ଦେଇଛନ୍ତି । ତେବେ ଉକ୍ତ ରୁଟରେ ରେଳ ଚଳାଚଳ ପ୍ରଭାବିତ ହୋଇଛି । ରିଷ୍ଟୋରେସନ କାମ ଜାରି ରହିଛି । ଖୁବ ଶୀଘ୍ର ରେଳ ଚଳାଚଳ ସ୍ବାଭାବିକ କରିବା ପାଇଁ ରେଳ ବିଭାଗ ଯଥାସମ୍ଭବ ପ୍ରୟାସ ଜାରି ରଖିଛି । ଦୁର୍ଘଟଣା ପରେ ଉକ୍ତ ରୁଟରେ ଟ୍ରେନ ଚଳାଚଳ ସାମାନ୍ୟ ବାଧାପ୍ରାପ୍ତ ହୋଇଛି ।
- କଣ କହିଲେ ସିପିଆରଓ :-
#WATCH | Madhya Pradesh: Harshit Shrivastava, CPRO, West Central Railway says, " the train was coming from indore. when it was heading towards jabalpur railway station's platform number 6, the train was moving slowly and 2 coaches derailed. all passengers are safe. the incident… https://t.co/8zzhTjTgdV pic.twitter.com/lIEEIHkp4u
— ANI (@ANI) September 7, 2024
ଓ୍ବେଷ୍ଟ ସେଣ୍ଟ୍ରାଲ ରେଲଓ୍ବେ ସିପିଆରଓ କହିଛନ୍ତି," ସୋମନାଥ ଏକ୍ସପ୍ରେସ ଟ୍ରେନ୍ ଇନ୍ଦୋରରୁ ଆସୁଥିଲା । ଯେତେବେଳେ ଜବଲପୁର ରେଳ ଷ୍ଟେସନର ପ୍ଲାଟଫର୍ମ ନମ୍ବର 6 ଅଭିମୁଖେ ଯାଉଥିଲା ସେତେବେଳେ ଟ୍ରେନର ଗତି ଧୀର ଥିଲା । ଏହି ସମୟରେ ଟ୍ରେନର ଦୁଇଟି ବଗି ଲାଇନଚ୍ୟୁତ ହୋଇଯାଇଥିଲା । ସମସ୍ତ ଯାତ୍ରୀ ସୁରକ୍ଷିତ ଅଛନ୍ତି। ସକାଳ ପ୍ରାୟ 5.50 ମିନିଟ ସମୟରେ ଏହା ପ୍ଲାଟଫର୍ମଠାରୁ ପ୍ରାୟ 150 ମିଟର ଦୂରରେ ଟ୍ରେନ ଲାଇନଚ୍ୟୁତ ହୋଇଥିଲା ।
ନିକଟରେ ସାବରମତୀ ଏକ୍ସପ୍ରେସ ହୋଇଥିଲା ଲାଇନଚ୍ୟୁତ :
ଦେଶରେ ବାରମ୍ଭାର ଟ୍ରେନ ଦୁର୍ଘଟଣା ଖବର ସାମ୍ନାକୁ ଆସୁଛି । ଗତମାସ (ଅଗଷ୍ଟ) ମାସରେ ଉତ୍ତର ପ୍ରଦେଶ କାନପୁର ନିକଟରେ ‘ସାବରମତୀ ଏକ୍ସପ୍ରେସ’ ଇଞ୍ଜିନ ସମେତ 22ଟି ବଗି ଲାଇନଚ୍ୟୁତ ହୋଇଥିଲା । ଏଥିରେ କେହି ଯାତ୍ରୀ କିମ୍ବା ରେଳ କର୍ମଚାରୀ ମୃତାହତ ହୋଇନଥିଲେ । ଟ୍ରେନଟି ଉତ୍ତର ପ୍ରଦେଶ ବାରାଣସୀରୁ ଗୁଜୁରାଟ ଅହମ୍ମଦାବାଦ ଅଭିମୁଖେ ଯାତ୍ରା କରୁଥିଲା । କାନପୁର ଏବଂ ଭୀମସେନ ଷ୍ଟେସନ ମଧ୍ୟରେ ଏହି ଦୁର୍ଘଟଣା ଘଟିଥିଲେ । ଟ୍ରାକରେ ବଡ ପଥର ଖଣ୍ଡ ପଡିଥିବାରୁ ଇଞ୍ଜିନ ଧକ୍କା ଖାଇବାରୁ 22ଟି ବଗି ଲାଇନଚ୍ୟୁତ ହୋଇଥିବା ତଦନ୍ତରୁ ଜଣାପଡିଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
