ହାଇଦ୍ରାବାଦ: ବଢିଚାଲିଛି ବେକାରୀ ସମସ୍ୟା । ସରକାରୀ ଚାକିରି ପାଇଁ ସମସ୍ତେ ଆଶାବାଦୀ । ଏଭଳି ସ୍ଥିତିରେ ଭାରତୀୟ ରେଳବାଇ ଆଣିଦେଇଛି ଖୁସି ଖବର। (ନନ୍ ଟେକ୍ନିକାଲ ପପୁଲାର କ୍ୟାଟେଗୋରୀ) NTPC ରେ ବାହାରିଛି ଖାଲି ପଦବୀ । ଆସନ୍ତୁ ଜାଣିବା କେଉଁ ପୋଷ୍ଟ ପାଇଁ କେତେ ପଦବୀ ରହିଛି ଏବଂ କିପରି ଆବେଦନ କରିବେ ।
ଖାଲି ଥିବା ପଦବୀ ସଂଖ୍ୟା:
ଏକାସହ 8 ହଜାର 113 ଖାଲି ପଦବୀ ବାହାରିଛି । ଯେଉଁଥିରେ ରହିଛି ଚିଫ୍ କମର୍ସିଆଲ କମ୍ ଟିକେଟ୍ ସୁପରଭାଇଜର ପାଇଁ 1,736 ଟି ଖାଲି ପଦବୀ । ଷ୍ଟେସନ ମାଷ୍ଟର ପାଇଁ ରହିଛି 994 । ଗୁଡସ ଟ୍ରେନ ମ୍ୟାନେଜର ପାଇଁ 3 ହଜାର 144, ଜୁନିୟର ଆକାଉଣ୍ଟ ଆସିଷ୍ଟାଣ୍ଟ କମ୍ ଟାଇପିଷ୍ଟର 1 ହଜାର 507 ଏବଂ ସିନିୟର କ୍ଲର୍କ କମ୍ ଟାଇପିଷ୍ଟ ପାଇଁ ବାହାରିଛି 732ଟି ପଦବୀ।
କେଉଁ ପଦ ପାଇଁ କେତେ ଦରମା ?:
ଚିଫ୍ କମର୍ସିଆଲ କମ୍ ଟିକେଟ୍ ସୁପରଭାଇଜର ଏବଂ ଷ୍ଟେସନ ମାଷ୍ଟର ଏହି ଦୁଇଟି ଲେବଲ-6 ଅନ୍ତର୍ଗତ। ଯେଉଁଥିରେ ମୂଳ ବେତନ ରହିବ 35 ହଜାର 400 ଟଙ୍କା । DA, HRA ଏବଂ ଅନ୍ୟାନ୍ୟ ଖର୍ଚ୍ଚ ବାବଦକୁ 65 ହଜାର ରହିବ । ସେହିପରି ଅନ୍ୟ ପୋଷ୍ଟ ଗୁଡ଼ିକ ଲେବଲ-5 ଅଧୀନରେ ଆସୁଥିବାବେଳେ ମୂଳ ବେତନ ରହିବ 29 ହଜାର 200। DA, HRA ଏବଂ ଅନ୍ୟ ଖର୍ଚ୍ଚ ବାବଦକୁ 55 ହଜାର ଟଙ୍କା ମିଳିବ।
କେମିତି କରିବେ ଆବେଦନ ?:
ଏହି ଚାକିରି ପାଇଁ ଆପଣଙ୍କୁ ଅନଲାଇନ ଆବେଦନ କରିବାକୁ ପଡ଼ିବ । ଆବେଦନ ଗ୍ରହଣର ଶେଷ ତାରିଖ 13 ଅକ୍ଟୋବର 2024 ରହିଛି। ଅନୁସୂଚିତ ଜାତି, ଜନଜାତି, ଭିନ୍ନକ୍ଷମ, ମହିଳା, ପୂର୍ବତନ ସେନା ଅଧିକାରୀ, ସଂଖ୍ୟାଲଘୁ ଏବଂ ତୃତୀୟ ଲିଙ୍ଗୀଙ୍କ ପାଇଁ ଆବେଦନ ରାଶି 250 ଟଙ୍କା ଧାର୍ଯ୍ୟ ହୋଇଛି । ସେହିପରି ଅନ୍ୟାନ୍ୟ ବର୍ଗଙ୍କୁ 500 ଟଙ୍କା ଦେଇ ଆବେଦନ କରିବାକୁ ହେବ ।
ପରୀକ୍ଷା ତାରିଖ:
ବର୍ତ୍ତମାନ ସୁଦ୍ଧା ପରୀକ୍ଷା ତାରିଖ ଘୋଷଣା ହୋଇନଥିଲେ ବି ଏହା ଖୁବଶୀଘ୍ର ଜଣାପଡ଼ିବ । ଆବେଦନ କରିବାକୁ ଚାହୁଁଥିଲେ ରେଳବାଇ ୱେବସାଇଟ୍ https://www.rrbapply.gov.in/ ରେ କ୍ଲିକ୍ କରି ଆବେଦନ କରପାରିବେ ।
