ହାଇଦ୍ରାବାଦ: କୋଲକାତାର ଏକ ସରକାରୀ ହସ୍ପିଟାଲରେ ଜଣେ କନିଷ୍ଠ ମହିଳା ଡାକ୍ତରଙ୍କୁ ଦୁଷ୍କର୍ମ ଓ ହତ୍ୟା ମାମଲାରେ ବ୍ୟାପକ ହେବାରେ ଲାଗିଛି ଡାକ୍ତରଙ୍କ ଆନ୍ଦୋଳନ । ଆଜି ରାସ୍ତାକୁ ଓହ୍ଲାଇଛନ୍ତି ସମଗ୍ର ଦେଶର ଡାକ୍ତର । ବିଭିନ୍ନ ସହରରେ ଆଜି ଡାକ୍ତରମାନେ କାର୍ଯ୍ୟବନ୍ଦ ଧାରଣା ଦେଇଛନ୍ତି । ‘ନୋ ସେଫ୍ଟି, ନୋ ଡ୍ୟୁଟି’ ନାରାରେ ଏମାନେ କାର୍ଯ୍ୟ ବନ୍ଦ ଆନ୍ଦୋଳନରେ ବସିଛନ୍ତି । କେବଳ ଜରୁରୀକାଳୀନ ବିଭାଗକୁ ଛାଡିଦେଲେ ପ୍ରାୟ ଅନ୍ୟ ସମସ୍ତ ବିଭାଗରେ ସ୍ବାସ୍ଥ୍ୟସେବା ସମ୍ପୂର୍ଣ୍ଣ ଠପ ହୋଇଯାଇଛି । ବିଭିନ୍ନ ହସ୍ପିଟାଲରେ ‘ଓପିଡି’ ବନ୍ଦ ରହିଛି । ଦିଲ୍ଲୀରେ ‘ଏମ୍ସ’ ସମେତ ଅନେକ ସରକାରୀ ହସ୍ପିଟାଲରେ ସ୍ବାସ୍ଥ୍ୟସେବା ପ୍ରଭାବିତ ହୋଇଛି ।
#WATCH | Jaipur, Rajasthan: Doctors and medical students of Sawai Man Singh Medical College, hold a protest against the sexual assault and murder of a woman post-graduate trainee (PGT) doctor at Kolkata's RG Kar Medical College and Hospital, on August 9
— ANI (@ANI) August 13, 2024
AIMA (Federation of All… pic.twitter.com/nYx5OJD0YT
- କେନ୍ଦ୍ର ସ୍ବାସ୍ଥ୍ୟମନ୍ତ୍ରୀଙ୍କୁ ଡାକ୍ତର ସଂଘର ଚିଠି:-
ଫେଡେରେସନ ଅଫ ରେସିଡେଣ୍ଟ ଡକ୍ଟର୍ସ ଆସୋସିଏସନ (FORDA) ଗତକାଲି ଏହି ଦେଶବ୍ୟାପୀ କାର୍ଯ୍ୟବନ୍ଦ ଘୋଷଣା କରିଥିଲା । କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଜେ.ପି ନାଡ୍ଡାଙ୍କୁ ଲେଖିଥିବା ଏକ ଚିଠିରେ ସଂଘ ଦର୍ଶାଯାଇଥିଲା ଯେ, କୋଲକାତା ହସ୍ପିଟାଲରେ ଘଟିଥିବା ଏହି ଘଟଣା ଡାକ୍ତର ସମୂଦାୟ ପାଇଁ ହୁଏତ ଏକ ସର୍ବାଧିକ ଦୁଖଃଦ ଘଟଣା । ଏହାକୁ ସରକାର ଗମ୍ଭୀରତାର ସହ ନିଅନ୍ତୁ । ସମ୍ପୃକ୍ତ ମହିଳା ଡାକ୍ତରଙ୍କ ଜୀବନ ଓ ମର୍ଯ୍ୟାଦା ରକ୍ଷା କରିବା ଦିଗରେ ଯେଉଁ ଅଧିକାରୀମାନେ ଦାୟିତ୍ବରେ ଥାଇ ମଧ୍ୟ ଅବହେଳା ପ୍ରଦର୍ଶନ କରିଛନ୍ତି, ସେମାନଙ୍କୁ ତୁରନ୍ତ ଦାୟିତ୍ବରୁ ବରଖାସ୍ତ କରାଯାଉ । ଏହା ସହିତ ସ୍ବାସ୍ଥ୍ୟସେବା କର୍ମଚାରୀଙ୍କ ସୁରକ୍ଷା ପାଇଁ ଏକ ପ୍ରୋଟେକଲ ପ୍ରସ୍ତୁତ କରିବା ପାଇଁ ମଧ୍ୟ ସେମାନେ ଚିଠିରେ ଦାବି କରିଛନ୍ତି ।
#WATCH | Uttar Pradesh: Doctors and medical students hold a protest at KGMU Lucknow.
— ANI (@ANI) August 13, 2024
FAIMA (Federation of All India Medical Association) calls for a nationwide shutdown of OPD services from today, August 13, as a protest against the sexual assault and murder of a woman… pic.twitter.com/mdMXgxlifD
#WATCH | RG Kar Medical College and Hospital rape-murder incident | West Bengal minister Javed Ahmed Khan and TMC MLA Swarna Kamal Saha face protest by students at Calcutta National Medical College & Hospital in Kolkata, as they arrive here.
— ANI (@ANI) August 13, 2024
Principal of RG Kar Medical… pic.twitter.com/kNHfKBgPQ3
ଅନ୍ଯପଟେ କୋଲକାତା ମାମଲାରେ ଏବେ ରାଜ୍ୟ ପୋଲିସ ତଦନ୍ତ ଜାରି ରଖିଛି । ଏକମାତ୍ର ମୁଖ୍ୟ ଅଭିଯୁକ୍ତକୁ ଗିରଫ କରାଯାଇଛି । ମେଡିକାଲ କଲେଜ ହସ୍ପିଟାଲର ନିର୍ଦ୍ଦେଶକ ଥିବା ଡାକ୍ତର ସନ୍ଦୀପ ଘୋଷ ମଧ୍ୟ ନିଜ ପଦରୁ ଇସ୍ତଫା ଦେଇସାରିଛନ୍ତି । ବିଭିନ୍ନ ସ୍ଥାନରେ ଏହାକୁ ନେଇ ପ୍ରତିବାଦ ଜାରି ରହିଛି । 9 ତାରିଖରେ କୋଲକାତାର ଆର.ଜି କର ହସ୍ପିଟାଲ ଓ ମେଡିକାଲ କଲେଜରେ ସ୍ନାତକୋତ୍ତର ମେଡିକାଲ ଛାତ୍ରୀ ଥିବା 31 ବର୍ଷୀୟା କନିଷ୍ଠ ଡାକ୍ତରଙ୍କୁ ଦୁଷ୍କର୍ମ ଓ ହତ୍ୟା କରାଯାଇଥିଲା । 10 ତାରିଖ ସକାଳୁ ସେମିନାର ହଲରୁ ତାଙ୍କ ଅର୍ଦ୍ଧନଗ୍ନ,କ୍ଷତାକ୍ତ ମୃତଦେହ ଉଦ୍ଧାର ହୋଇଥିଲା । ଖବର ପାଇ ପୋଲିସ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଥିଲା । ବ୍ୟବଚ୍ଛେଦ ରିପୋର୍ଟରୁ ତାଙ୍କ ସହ ଦୁଷ୍କର୍ମ ହୋଇଥିବା ସ୍ପଷ୍ଟ ହେବା ପରେ କୋଲକାତା ସମେତ ସାରା ଦେଶରେ ଉଦବେଗ ସୃଷ୍ଟି ହୋଇଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
