ପାଟଣା: ମହାଦେବଙ୍କୁ ଜଳଲାଗି ହେଲା କାଳ । ଶ୍ରାବଣ ମାସ ଚତୁର୍ଥ ସୋମବାରରେ ବଡ ଅଘଟଣ ଘଟିଛି । ବିହାରର ଜହାନବାଦ ଜିଲ୍ଲା ବାବା ସିଦ୍ଧନାଥ ମନ୍ଦିରରେ ମହାଦେବଙ୍କୁ ଜଳଲାଗି କରିବା ବେଳେ ପ୍ରବଳ ଭିଡ ଯୋଗୁ ଦଳାଚକଟାରେ ପାଖାପାଖି ୭ଜଣ ଭକ୍ତଙ୍କ ମୃତ୍ୟୁ ହୋଇଥିବା ବେଳେ ୯ ଜଣ ଗୁରୁତର ଆହତ ହୋଇଥିବା ନେଇ ସୂଚନା ରହିଛି । ଆହତଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିବା ବେଳେ ସେଠାରେ ସେମାନଙ୍କ ଚିକିତ୍ସା ଜାରି ରହିଛି । ଅନ୍ୟପଟେ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
Bihar | " at least seven people died and nine injured in a stampede at baba siddhnath temple in makhdumpur of jehanabad district. we are monitoring everything and now the situation is under control, " says jehanabad dm alankrita pandey to ani<="" p>— ani (@ani) August 12, 2024
ଶିବ ମନ୍ଦିରରେ ଦଳାଚକଟା:
ସୂଚନା ଅନୁଯାୟୀ,ଗତକାଲି (ରବିବାର) ବିଳମ୍ବିତ ରାତି ପ୍ରାୟ ୧୨ ସୁଦ୍ଧା ବିହାରର ଜହାନବାଦ ଜିଲ୍ଲାର ପ୍ରସିଦ୍ଧ ଶୈବାଳୟ ସିଦ୍ଧାନାଥ ମନ୍ଦିରରେ ଏହି ଅଘଟଣ ଘଟିଛି । ପବିତ୍ର ଶ୍ରାବଣ ମାସର ଚତୁର୍ଥ ସୋମବାରରେ ମହାଦେବଙ୍କୁ ଜଳଲାଗି କରିବା ପାଇଁ ଭକ୍ତଙ୍କ ପ୍ରବଳ ଭିଡ ହୋଇଥିଲା । ଅତ୍ୟଧିକ ଭିଡ ମଧ୍ୟରେ ଅଚାନକ ବିଳମ୍ବିତ ରାତିରେ ଭକ୍ତଙ୍କ ମଧ୍ୟରେ ଦଳାଚକଟା ହୋଇଯାଇଥିଲା ।
#WATCH | Bihar: Divakar Kumar Vishwakarma, SHO Jehanabad says, " dm and sp visited the spot and they are taking stock of the situation...a total of seven people have died...we are meeting and inquiring the family members (of the people dead and injured)...we are trying to identify… https://t.co/yw6e4wzRiY pic.twitter.com/lYzaoSzVPH
— ANI (@ANI) August 12, 2024
୫ ମହିଳା ସମେତ ୭ ମୃତ:
ଏଥିରେ ୭ ଜଣଙ୍କ ଜୀବନ ଯାଇଥିବା ବେଳେ ୯ ଜଣ ଗୁରୁତର ଆହତ ହୋଇଛନ୍ତି । ଆହତମାନଙ୍କୁ ଉଦ୍ଧାର କରାଯାଇ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି । ସେଠାରେ ସେମାନଙ୍କ ଚିକିତ୍ସା ଜାରି ରହିଛି । ଅନ୍ୟପଟେ ୭ ମୃତକଙ୍କ ମଧ୍ୟରେ ୫ଜଣ ମହିଳା ରହିଛନ୍ତି । ଆହତଙ୍କ ମଧ୍ୟରେ ଅଧିକଙ୍କ ଅବସ୍ଥା ଗୁରୁତର ଥିବାରୁ ମୃତ୍ୟୁସଂଖ୍ୟା ଆଗକୁ ବଢିପାରେ ବୋଲି ଆଶଙ୍କା କରାଯାଉଛି ।
କଣ କହୁଛନ୍ତି ସ୍ଥାନୀୟଲୋକେ:
ସ୍ଥାନୀୟ ଲୋକଙ୍କ କହିବାନୁଯାୟୀ, ସୋମବାର ଥିବାରୁ ମନ୍ଦିରରେ ଶ୍ରଦ୍ଧାଳୁଙ୍କ ପ୍ରବଳ ଭିଡ ହୋଇଥିଲା । ପତଲା ଗଙ୍ଗା ଓ ଗଉଘାଟ ରାସ୍ତା ଦେଇ ଅଧିକ ସଂଖ୍ୟାରେ ଭକ୍ତ ପାହାଡ ଉପରେ ଥିବା ସିଦ୍ଧନାଥ ମନ୍ଦିରକୁ ଯାଇଥିଲେ । ମନ୍ଦିରରେ ପ୍ରବଳ ଭିଡ ହୋଇଯାଇଥିଲା । ଏହାମଧ୍ୟରେ କିଛି ଶ୍ରଦ୍ଧାଳୁ ଏତେତେଣେ ଦୌଡାଦୋଡି କରିଥିଲେ । ଯେଉଁଥିପାଇଁ ଦଳଚକଟା ସ୍ଥିତି ଉପୁଜିଥିଲା । କିଛି ମହିଳା ତଳେ ପଡିଯାଇଥିଲେ । ସେମାନଙ୍କ ଉପରେ ଲୋକମାନେ ଚଢି ଏତେ ତେଣେ ଦୌଡି ପଳାଉଥିଲେ । ଘଟଣାସ୍ଥଳରେ ହିଁ ସେମାନଙ୍କର ମୃତ୍ୟୁ ହୋଇଯାଇଥିଲା । ଅନ୍ୟପଟେ କିଛି ଜଣ ଗୁରୁତର ଆହତ ମଧ୍ୟ ହୋଇଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
