ନୂଆଦିଲ୍ଲୀ: କୋଲକାତାରେ ମହିଳା ଡାକ୍ତରଙ୍କୁ ଦୁଷ୍କର୍ମ ଓ ହତ୍ୟା ଘଟଣାରେ ସାରା ଦେଶରେ ଡାକ୍ତର ଆନ୍ଦୋଳନ ବ୍ୟାପକ ହେବାରେ ଲାଗିଛି । ସାରା ଦେଶରେ ଚିକିତ୍ସା ସେବା ପ୍ରଭାବିତ ହୋଇଛି । ଏହାକୁ ନେଇ ଆକ୍ସନମୋଡକୁ ଆସିଛି କେନ୍ଦ୍ର ଗୃହ ମନ୍ତ୍ରଣାଳାୟ । ଜାରି ରହିଥିବା ଡାକ୍ତର ଆନ୍ଦୋଳନ ଓ ଆଇନ ଶୃଙ୍ଖଳା ସ୍ଥିତି ସମ୍ପର୍କରେ 2 ଘଣ୍ଟାରେ ଥରେ ଅପଡେଟ ଦେବାକୁ ପ୍ରତ୍ୟକ ରାଜ୍ୟକୁ ନିର୍ଦ୍ଦେଶ ଦେଇଛି ଗୃହ ମନ୍ତ୍ରଣାଳୟ । ରାଜ୍ୟ ପୋଲିସ ପ୍ରଶାସନକୁ ଗୃହ ମନ୍ତ୍ରଣାଳୟ ତରଫରୁ ଏନେଇ ଚିଠି ହୋଇଛି ।
#WATCH | Koraput, Odisha: Nursing Employee Association held a protest against Kolkata's RG Kar Medical College and Hospital rape-murder incident. (17/08) pic.twitter.com/nMxz7wGAd4
— ANI (@ANI) August 18, 2024
- ଆଇନ ଶୃଙ୍ଖଳା ନେଇ ଅପଡେଟ ଦିଅ:
ଚିଠିରେ ଉଲ୍ଲେଖ ରହିଥିବା ନିର୍ଦ୍ଦେଶ ଅନୁସାରେ, ବିରୋଧ ପ୍ରଦର୍ଶନ ଜାରି ରହିଥିବା ବେଳେ ଆଇନ ଶୃଙ୍ଖଳା ବ୍ୟବସ୍ଥା ଉପରରେ ପ୍ରତି ରାଜ୍ୟ ନଜର ରଖିବେ । ରାଜ୍ୟଗୁଡିକରେ ସ୍ଥିତି କିପରି ରହିଛି ସେନେଇ ଗୃହ ମନ୍ତ୍ରଣାଳୟକୁ ପ୍ରତି ଦୁଇ ଘଣ୍ଟାରେ ଅପଡେଟ ଦେବେ । ଅପରାହ୍ନ 4ଟା ପରଠାରୁ ଫ୍ୟାକ୍ସ, ଇ-ମେଲ, ହ୍ବାଟ୍ସଆପ ଦ୍ୱାରା ଗୃହ ମନ୍ତ୍ରଣାଳୟର ନିୟନ୍ତ୍ରଣ କକ୍ଷକୁ ରିପୋର୍ଟ ପଠାଇବେ । ଗୃହ ମନ୍ତ୍ରଣାଳୟ ହ୍ବାଟ୍ସଆପ ନମ୍ବର, ଫ୍ୟାକ୍ସ ଆଇଡି ଓ ଇ-ମେଲ ଆଇଡି ମଧ୍ୟ ପ୍ରଦାନ କରାଯାଇଛି ।
#WATCH | Rajasthan: Doctors and medical students held a protest in Jaipur against the rape and murder of a woman resident doctor in Kolkata's RG Kar Medical College and Hospital. (17/08) pic.twitter.com/02wYmpNM0V
— ANI (@ANI) August 18, 2024
- ତଦନ୍ତ କରୁଛି ‘ସିବିଆଇ’
ଅଗଷ୍ଟ 9 ତାରିଖରେ କୋଲକାତାର ସରକାରୀ ଆର.ଜି କର ମେଡିକାଲ କଲେଜ ଏବଂ ହସ୍ପିଟାଲରେ ଡ୍ୟୁଟିରେ ଥିବାବେଳେ ଜଣେ ଟ୍ରେନି ଡାକ୍ତରଙ୍କୁ ଦୁଷ୍କର୍ମ ଓ ହତ୍ୟା କରାଯାଇଥିଲା । ଘଟଣାର ପରଦିନ କୋଲକାତା ପୋଲିସର ଜଣେ ସିଭିଲିଆନ ଭଲ୍ୟୁଣ୍ଟିଅରଙ୍କୁ ଗିରଫ କରାଯାଇଥିଲା । କୋଲକାତା ହାଇକୋର୍ଟ ମଙ୍ଗଳବାର ଏହି ମାମଲା ସିବିଆଇକୁ ହସ୍ତାନ୍ତର କରିଥିଲେ । ଏହି ଘଟଣାରେ କୋଲକାତା ସମେତ ଦେଶର ବିଭିନ୍ନ ସ୍ଥାନରେ ଡାକ୍ତରମାନେ ରାସ୍ତାକୁ ଓହ୍ଲାଇ ପ୍ରତିବାଦ ଜାରି ରଖିଛନ୍ତି ।
ଏହି ଘଟଣାର ତଦନ୍ତଭାର ‘ସିବିଆଇ’ ଗ୍ରହଣ କରିବା ପୂର୍ବରୁ ନାଟକୀୟ ଢଙ୍ଗରେ ବୁଧବାର ରାତିରେ ଏକ ଗୋଷ୍ଠୀ ହସ୍ପିଟାଲକୁ ପ୍ରବେଶ କରି ବ୍ୟାପକ ଭଙ୍ଗାରୁଜା କରିଥିଲେ । ପ୍ରମାଣ ନଷ୍ଟ କରିବା ପାଇଁ ଏହା ଏକ ରାଜନୈତିକ ଷଡଯନ୍ତ୍ର ବୋଲି ଅଭିଯୋଗ ହୋଇଥିଲା । ଏହି ଘଟଣାରେ ପୀଡିତାଙ୍କୁ ନ୍ୟାୟ ଦେବାକୁ ପାଇଁ ସାରା ଦେଶରେ ଆନ୍ଦୋଳନ ଜାରି ରହିଛି । ସମସ୍ତ ରାଜ୍ୟରେରେ ଡାକ୍ତରମାନେ ପ୍ରତିବାଦ କରୁଛନ୍ତି । ଗତକାଲି ‘ଆଇଏମଏ’ ତରଫରୁ 24 ଘଣ୍ଟିଆ ବନ୍ଦ ଡାକରା ଦିଆଯାଇଥିଲା । ହସ୍ପିଟାଲଗୁଡିକରେ ମହିଳା ଡାକ୍ତରଙ୍କ ସୁରକ୍ଷା ପାଇଁ ପ୍ରଧାନମନ୍ତ୍ରୀଙ୍କ ହସ୍ତକ୍ଷେପ ଲୋଡିଛି ‘ଆଇଏମଏ’ ।
ବ୍ୟୁରୋ ରିପୋର୍ଟ, ଇଟିଭି ଭାରତ
