ରାଞ୍ଚି (ଝାଡ଼ଖଣ୍ଡ): ୨୦୨୪ ବିଧାନସଭା ନିର୍ବାଚନରେ ଆସିଲା ଜନାଦେଶ । ମହାରାଷ୍ଟ୍ର ଏବଂ ଝାଡ଼ଖଣ୍ଡରେ ଶାସକ ଦଳ ହାତରେ ବଜାୟ ରହିଲା କ୍ଷମତା । ଝାଡ଼ଖଣ୍ଡରେ JMM-Congress ଇଣ୍ଡିଆ ମହାଗଠବନ୍ଧନ (INDIA) ସାନଦାର ବିଜୟ ହାସଲ କରିଛି । ଇତିହାସ ରଚିଛନ୍ତି ଜେଏମଏମ ସୁପ୍ରିମୋ ତଥା ମୁଖ୍ୟମନ୍ତ୍ରୀ ହେମନ୍ତ ସୋରେନ । କ୍ରମାଗତ ଦ୍ବିତୀୟ ଥର ପାଇଁ କ୍ଷମତା ହାତେଇଛନ୍ତି ।
ଝାଡ଼ଖଣ୍ଡରେ ସୋରେନ ସରକାର :
୨୦୨୪ ଝାଡ଼ଖଣ୍ଡ ବିଧାନସଭା ନିର୍ବାଚନ ଉଭୟ ଶାସକ ଇଣ୍ଡିଆ ମେଣ୍ଟ ଏବଂ ବିରୋଧୀ ବିଜେପି ନେତୃତ୍ବାଧୀନ ଏନଡିଏ ମେଣ୍ଟ ପାଇଁ ଚ୍ୟାଲେଞ୍ଜିଂ ଥିଲା । ଆଉ ଏହାକୁ ଅଧିକ ଗୋଳମାଳିଆ କରିଥିଲା ଓପିନିଅନ ପୋଲ (Opinion Poll) ଏବଂ ଏକଜିଟ ପୋଲ ଆକଳନ (Exit Poll) । ନଭେମ୍ବର ୨୩ ଜନାଦେଶ ସବୁ କଳ୍ପନା ଜଳ୍ପନାରେ ପୂର୍ଣ୍ଣଛେଦ ପକାଇଛି । ପୂର୍ଣ୍ଣ ବହୁମତ ସହ ଝାଡ଼ଖଣ୍ଡରେ ପୁଣି ଥରେ ସରକାର ଗଠନ କରିବାକୁ ଯାଉଛି JMM ନେତୃତ୍ବାଧୀନ INDIA ମେଣ୍ଟ ।
#WATCH | Giridih: As JMM-led Mahagathbandhan continues its lead in Jharkhand, party candidate from Gandey and CM Hemant Soren's wife, Kalpana Soren says " i want to thank the people of gandhey, giridih and the people of the state for showering love on me and blessing me like their… pic.twitter.com/ySLCZeB2Z6
— ANI (@ANI) November 23, 2024
ହେମନ୍ତ X ଫ୍ୟାକଟର:
ବିଧାନସଭା ନିର୍ବାଚନରେ X ଫ୍ୟାକ୍ଟର ମୁଖ୍ୟମନ୍ତ୍ରୀ ହେମନ୍ତ ସୋରେନ । ନିର୍ବାଚନର ପୂରା ଦାୟିତ୍ବ ନିଜେ ମୁଣ୍ଡାଇ ଥିଲେ ହେମନ୍ତ । ଜେଲରେ ଥିବା ବେଳେ ପତ୍ନୀ କଳ୍ପନା ସୋରେନ ଗ୍ରାଉଣ୍ଡ ସମ୍ଭାଳୁଥିବା ବେଳେ, ଜେଲରୁ ବାହାରି ପୁଣିଥରେ ମୁଖ୍ୟମନ୍ତ୍ରୀ ଆସନରେ ବସିବା ସହ ନିର୍ବାଚନ ପାଇଁ କରିଥିଲେ ସ୍ବତନ୍ତ୍ର ରଣନୀତି । ହେମନ୍ତ ଏବଂ ପତ୍ନୀ କଳ୍ପନା ଦୁହେଁ ୨୦୦ରୁ ଅଧିକ ନିର୍ବାଚନୀ ରାଲି ଏବଂ ଜନସଭା କରିଥିଲେ । ସେ ନିଜ ଦଳ ଜେଏମଏମ ପ୍ରାର୍ଥୀମାନଙ୍କ ପାଇଁ ପ୍ରଚାର କରିବା ସହ INDIA ମେଣ୍ଟ କଂଗ୍ରେସ ଏବଂ ଆରଜେଡି ପ୍ରାର୍ଥୀଙ୍କ ପାଇଁ ଜୋରଦାର ପ୍ରଚାର କରିଥିଲେ । ସବୁଠୁ ବଡ଼ କଥା ହେଉଛି, ହେମନ୍ତ ଏବଂ କଳ୍ପନା ରାଜ୍ୟର ସମସ୍ତ ୮୧ ବିଧାନସଭା କ୍ଷେତ୍ର ବୁଲି ପ୍ରଚାର କରିବା ସହ ଦଳୀୟ କାର୍ଯ୍ୟକର୍ତ୍ତାଙ୍କ ମନୋବଳ ସୁଦୃଢ଼ କରିଥିଲେ ।
#WATCH | JMM workers congratulate party candidate from Gandey and CM Hemant Soren's wife, Kalpana Soren on leading from the constituency#JharkhandAssemblyElection2024 pic.twitter.com/ajv8wtmYbk
— ANI (@ANI) November 23, 2024
ହେମନ୍ତଙ୍କୁ ଜେଲ୍ ଟର୍ଣ୍ଣିଂ ପଏଣ୍ଟ :
ଝାଡ଼ଖଣ୍ଡ ନିର୍ବାଚନ ପୂର୍ବରୁ ମନି ଲଣ୍ଡରିଂ ମାମଲାରେ ପ୍ରବର୍ତ୍ତନ ନିର୍ଦ୍ଦେଶାଳୟ (ED) ଦ୍ବାରା ଗିରଫ ହୋଇଥିଲେ ହେମନ୍ତ । ଗିରଫଦାରୀ ପୂର୍ବରୁ ହେମନ୍ତ ମୁଖ୍ୟମନ୍ତ୍ରୀ ପଦ ଛାଡ଼ି, ଚମ୍ପାଇ ସୋରେନଙ୍କୁ ସିଏମ୍ ସିଟରେ ବସାଇ ଜେଲ୍ ଯାଇଥିଲେ । ଜଣେ ଆଦିବାସୀ ମୁଖ୍ୟମନ୍ତ୍ରୀଙ୍କୁ ଜେଲ୍ ପଠାଯାଇଥିବା ଅଭିଯୋଗ ଆଣି, ଲୋକଙ୍କ ପାଖକୁ ଯାଇଥିଲେ ପତ୍ନୀ କଳ୍ପନା । ଗ୍ରାଉଣ୍ଡ ଜିରୋର ଏହାକୁ ପ୍ରସଙ୍ଗ କରିଥିଲା ଝାଡ଼ଖଣ୍ଡ ମୁକ୍ତି ମୋର୍ଚ୍ଚା (JMM) । ଭିକ୍ଟିମ କାର୍ଡ ଖେଳିଥିଲା ଜଏମଏମ । ଆଉ ଏକ ଗୁରୁତ୍ବପୂର୍ଣ୍ଣ କଥା ହେଲା, ହେମନ୍ତ ସୋରେନ ନିଜ ପୋଷ୍ଟରରେ ଜେଲ୍ ଏବଂ ହାତକଡ଼ି ପିନ୍ଧିଥିବା ଦର୍ଶାଯାଇଥିଲା । ଏହା କେବଳ ହେମନ୍ତ ସୋରେନ କିମ୍ବା ସିବୁ ସୋରେନ ବୀରାସତ ପ୍ରତି ସମବେଦନା ସାଉଣ୍ଟି ନଥିଲା, ବରଂ ସମର୍ଥନ ବଢ଼ାଇଥିବା ଝାଡ଼ଖଣ୍ଡର ରାଜନୀତି ବିଶ୍ଳେଷକମାନେ ମତ ଦିଅନ୍ତି ।
#WATCH | #JharkhandElectionResults | Ranchi: Congress observer for the state Tariq Anwar says, " this is good, we were expecting this. our govt did good work, and worked for every section of society, especially for women. so, we had expected to win, to achieve success." pic.twitter.com/TB2T4RObwR
— ANI (@ANI) November 23, 2024
ହେମନ୍ତ-କଳ୍ପନା ଏବଂ ଆଦିବାସୀ ଅସ୍ମିତା:
ଝାଡ଼ଖଣ୍ଡରେ ସବୁଠୁ ବଡ଼ ଭୋଟ ବ୍ୟାଙ୍କ ଆଦିବାସୀ ଏବଂ ମୁସଲିମ ମତଦାତା । ଆଦିବାସୀ ଭୋଟରଙ୍କୁ ଆକର୍ଷିତ କରିବାରେ ସଫଳ ହୋଇଛନ୍ତି ହେମନ୍ତ । ସେ ଜଣେ ଆଦିବାସୀ ହୋଇଥିବାରୁ ତାଙ୍କୁ ବାରମ୍ବାର ହଇରାଣ ହରକତ କରାଯାଉଥିବାର ବାର୍ତ୍ତା ଲୋକଙ୍କ ନିକଟରେ ପହଞ୍ଚାଇବାରେ ସଫଳ ହୋଇଥିଲା ଦଳ । ଆଦିବାସୀ ବହୁଳ ବିଧାନସଭା ନିର୍ବାଚନ ମଣ୍ଡଳୀଗୁଡ଼ିକରେ ଭଲ ପ୍ରଦର୍ଶନ କରିଛି ଜେଏମଏମ ।
#WATCH | #JharkhandElectionResults | Ranchi: Congress incharge for the state, Ghulam Ahmad Mir says, " the results have started coming in. figures will be out in next 2 hours. we had said that the alliance will cross 50 and we can see the same. so, congratulations to the public,… pic.twitter.com/Mgr0BkVEih
— ANI (@ANI) November 23, 2024
ଏହା ମଧ୍ୟ ପଢ଼ନ୍ଚୁ- ମହାରାଷ୍ଟ୍ର-ଝାଡ଼ଖଣ୍ଡ ଜନାଦେଶ: କେଉଁଠି କିଏ ମୁଖ୍ୟମନ୍ତ୍ରୀ ଚେହେରା ?ବିଧାନସଭା ଜନାଦେଶ ୨୦୨୪: ମହାରାଷ୍ଟ୍ର ଓ ଝାଡ଼ଖଣ୍ଡରେ କି’ଏ ପିନ୍ଧିବ ତାଜ୍ |
ବଟଙ୍ଗେ ତୋ କଟେଙ୍ଗେ ଏବଂ ଡେମୋଗ୍ରାଫି ଚେଞ୍ଜରୁ ହେମନ୍ତଙ୍କୁ ଫାଇଦା ?
ଚଳିତ ବିଧାନସଭା ନିର୍ବାଚନରେ ବିଜେପିର ସ୍ଲୋଗାନ ଥିଲା ବଟଙ୍ଗେ ତୋ କଟେଙ୍ଗେ ଏବଂ ଏକ ହୋ ତୋ ସେଫ୍ ହେୋ । ବିଜେପି ବାଂଲାଦେଶୀ ଅନୁପ୍ରବେଶକାରୀ, ଡେମୋଗ୍ରାଫି ପରିବର୍ତ୍ତନ ଏବଂ ରୋଟି-ବେଟି-ମାଟିକୁ ମୁଦ୍ଦା କରିଥିଲା । ପୂରା ନିର୍ବାଚନ ପ୍ରକ୍ରିୟାରେ ବାଂଲାଦେଶୀ ଅନୁପ୍ରବେଶକାରୀଙ୍କ ଉପଦ୍ରବ ଏବଂ ଆଦିବାସୀ ଯୁବତୀଙ୍କୁ ବିବାହ ସହ ଜମି କବଜା ଅଭିଯୋଗ ପ୍ରସଙ୍ଗ ଉଠାଇଥିଲା ବିଜେପି । ଅପରପକ୍ଷରେ ବିଜେପି ଲୋକଙ୍କ ମଧ୍ୟରେ ଶତ୍ରୁତା ଭରୁଥିବା ପାଲଟା ଅଭିଯୋଗ ଆଣିଥିଲା ଜେଏମଏମ । ସେହିପରି ଜେଏମଏମର ଆଦିବାସୀ ସେଣ୍ଟିମେଣ୍ଟ, ଜନାଦେଶରେ ପ୍ରତିଫଳିତ ହେଲା ।
#WATCH | Giridih: As JMM-led Mahagathbandhan continues its lead in Jharkhand, party candidate from Gandey and CM Hemant Soren's wife, Kalpana Soren celebrates#JharkhandAssemblyElection2024 pic.twitter.com/QZ4h8sErXi
— ANI (@ANI) November 23, 2024
ବିଜେପି ପାଇଁ ଭାରି ପଡ଼ିଲା ସୀତା-ଚମ୍ପାଇଙ୍କ ଦଳ ଡିଆଁ ?
ନିର୍ବାଚନ ପୂର୍ବରୁ ସୋରେନ ପରିବାର ବୋହୂ ସୀତା ସୋରେନ ବିଜେପିରେ ସାମିଲ ହୋଇଥିଲେ । ବିଧାନସଭା ନିର୍ବାଚନର ଠିକ୍ ପୂର୍ବରୁ ପୂର୍ବତନ ମୁଖ୍ୟମନ୍ତ୍ରୀ ତଥା ହେମନ୍ତଙ୍କ ଅନ୍ୟତମ ଖାସ ସହଯୋଗୀ ଚମ୍ପାଇ ସୋରେନ ଜେଏମଏମ ଛାଡ଼ି ବିଜେପି କ୍ୟାମ୍ପକୁ ଡେଇଁଥିଲେ । ରାଜନୀତି ବିଶେଷଜ୍ଞଙ୍କ ଆକଳନ, ଏହାଦ୍ବାରା ଜେଏମଏମକୁ ଯେତେ କ୍ଷତି ପହଞ୍ଚାଇନଥିଲା, ଅଧିକ କ୍ଷତି ବିଜେପି ମୁଣ୍ଡାଇଥିଲା । କାରଣ ପଦ୍ମ ଦଳରେ ଏମାନଙ୍କ ଏଣ୍ଟ୍ରିକୁ ସହଜରେ ହଜମ କରିପାରୁନଥିଲେ ବିଜେପି ନେତା ଏବଂ କ୍ୟାଡର । ଅନ୍ୟ ଏକ କାରଣ ହେଲା, ସୀତା ସୋରେନ ଏବଂ ଚମ୍ପାଇ ସୋରେନଙ୍କ ଦଳ ଡିଆଁକୁ ନେଇ ଆଦିବାସୀଙ୍କୁ ଏଭଳି ବାର୍ତ୍ତା ଦିଆଯାଇଥିଲା ଯେ, ଭାରତୀୟ ଜନତା ପାର୍ଟି ସତ୍ତା ହାସଲ ପାଇଁ ହେମନ୍ତ ସୋରେନଙ୍କ ଦଳକୁ ବୋଧହୁଏ ଭାଙ୍ଗିବାକୁ ଯଡ଼ଯନ୍ତ୍ର କରୁଛି ।
#WATCH | Ranchi: On the counting for #JharkhandElection, General Secretary of JMM, Supriyo Bhattacharya says, " i am delighted that we are moving forward on the issues we had taken up...there is only one slogan, 'ek hi naara, hemant dobara'...i will say this to the bjp let the… pic.twitter.com/HRC44C0OO1
— ANI (@ANI) November 23, 2024
ଏହା ମଧ୍ୟ ପଢ଼ନ୍ତୁ- ୱାୟନାଡ଼ରେ ରାହୁଲଙ୍କ ରେକର୍ଡ ଭାଙ୍ଗିଲେ ପ୍ରିୟଙ୍କା ଗାନ୍ଧୀ, ବଡ଼ ବିଜୟ ସହ ଲୋକସଭାକୁ ନିର୍ବାଚିତମେଁ ସମନ୍ଦର ହୁଁ, ଲୋଟକର ବାପସ ଆଉଁଗା...ସତ ହେଲା ଫଡନାବିସଙ୍କ ଭବିଷ୍ୟବାଣୀ |
ଗ୍ରହଣୀୟ ହେଲେ କଳ୍ପନା ସୋରେନ:
ହେମନ୍ତ ସୋରେନ ଜେଲ୍ ଯିବା ପରେ ଆକ୍ଟିଭ ହୋଇଥିଲେ ପତ୍ନୀ କଳ୍ପନା ସୋରେନ । ସ୍ବାମୀଙ୍କ ଅନୁପସ୍ଥିତିରେ ସେ ଦଳର ଛାମୁଆ ନେତାଙ୍କ ସହ ସଂପର୍କ ସ୍ଥାପନ କରିଥିଲେ । ଲୋକଙ୍କ ସହ ସଂପର୍କ ବଢ଼ାଇଥିଲେ । ଏହାପରେ ଗାଣ୍ଡେୟ ବିଧାନସଭା ଆସନରୁ ଉପନିର୍ବାଚନ ଲଢ଼ି ବିଜୟୀ ହେବା ସହ ସକ୍ରିୟ ରାଜନୀତିରେ ସାମିଲ ହୋଇଥିଲେ । ମାତ୍ର ପାଞ୍ଚ ମାସ ମଧ୍ୟରେ କଳ୍ପନା ୧୦୦ରୁ ଅଧିକ ନିର୍ବାଚନୀ ସଭା କରି ଭୋଟରଙ୍କ ନିକଟତର ହେବାକୁ ଉଦ୍ୟମ କରିଥିଲେ ।
କାମ କଲା ମୟା ଯୋଜନା:
ବିଧାନସଭା ନିର୍ବାଚନରେ ମହିଳାଙ୍କ ପାଇଁ ଉଦ୍ଦିଷ୍ଟ ଯୋଜନାର ପ୍ରଭାବ ଦେଖିବାକୁ ମିଳିଛି । ମହାରାଷ୍ଟ୍ରରେ ଲାଡଲି ବେହନା ଯୋଜନାକୁ ନେଇ ବିଜେପି ନେତୃତ୍ବାଧୀନ ମହାୟୁତି ଛକା ମାରିଥିବା ବେଳେ, ଝାଡ଼ଖଣ୍ଡରେ ମୟା ଯୋଜନାକୁ ନେଇ ଜୋରଦାର ଚର୍ଚ୍ଚା । ଝାଡ଼ଖଣ୍ଡ ସରକାରଙ୍କ ମୟା ଯୋଜନାରେ ମହିଳାମାନଙ୍କୁ ୧୦୦୦ ଟଙ୍କା ଦିଆଯାଉଛି । ଏହା ଆସନ୍ତା ଡିସେମ୍ବର ମାସରୁ ୨୫୦୦ ଟଙ୍କାକୁ ବଢିବାକୁ ଯାଉଛି । ଏହି ଯୋଜନା ମହିଳା ଭୋଟରଙ୍କୁ ଆକୃଷ୍ଟ କରିଥିବା କୁହାଯାଉଛି । ଚଳିତ ନିର୍ବାଚନରେ କିଛି ବିଧାନସଭା କ୍ଷେତ୍ରରେ ପୁରୁଷ ଭୋଟରଙ୍କ ତୁଳନାରେ ମହିଳା ଭୋଟ୍ ପ୍ରତିଶତ ଅଧିକ ରେକର୍ଡ କରାଯାଇଛି ।
ସରିଛି ଝାଡ଼ଖଣ୍ଡ ନିର୍ବାଚନ । ଚୂଡ଼ାନ୍ତ ଫଳାଫଳ ତାଲିକା ଆସିବାକୁ ଥିବା ବେଳେ, JMM ନେତୃତ୍ବାଧୀନ INDIA ମେଣ୍ଟ ସରକାର ଗଠନ କରିବା ନିଶ୍ଚିତ ହୋଇଯାଇଛି । ୮୧ ଆସନ ବିଶିଷ୍ଟ ବିଧାନସଭାରେ ସରକାର ଗଠନ ପାଇଁ ମ୍ୟାଜିକ ନମ୍ବର ୪୧ ହୋଇଥିବା ବେଳେ, ଏହା ହାସଲ କରିସାରିଛି ଇଣ୍ଡିଆ ମେଣ୍ଟ । ଏବେ ଅପେକ୍ଷା ସରକାର ଗଠନକୁ । କେବେ ଗଠନ ହେବ ଝାଡ଼ଖଣ୍ଡରେ ନୂଆ ସରକାର ? କିଏ ହେବେ ପରବର୍ତ୍ତୀ ମୁଖ୍ୟମନ୍ତ୍ରୀ ? ହେମନ୍ତ ସୋରନ ରିପିଟ୍ ହେବେ ନା ନୂଆ ମୁହଁକୁ ସୁଯୋଗ ଦେବେ ?
