ଚଣ୍ଡିଗଡ: ଆସିସାରିଛି ହରିୟାଣା ଜନାଦେଶ । ବୁଥ ବାହୁଡା ମତର ସବୁ ଆକଳନକୁ ଫେଲ କରିଛି ଫଳାଫଳ । ହରିୟାଣାର ୯୦ ବିଧାନସଭା ଆସନରୁ ୪୮ ଆସନରେ ବାଜିମାତ କରିଛି ପଦ୍ମ ଦଳ । ସେହିପରି କଂଗ୍ରେସକୁ ୩୭ ଆସନ ମିଳିଥିବା ବେଳେ ଭାରତୀୟ ଜାତୀୟ ଲୋକଦଳକୁ ୨ ଓ ସ୍ବାଧୀନ ଖାତାକୁ ୩ ଆସନ ଯାଇଛି । ଲଗାତର ତୃତୀୟ ଥର ପାଇଁ ସରକାର ଗଢିବାକୁ ଯାଉଛି ଭାରତୀୟ ଜନତା ପାର୍ଟି । ପ୍ରାରମ୍ଭିକ ଟ୍ରେଣ୍ଡରେ ଆଗରେ ଥିଲା କଂଗ୍ରେସ । ପରେ ପଲଟିଯାଇଥିଲା ବାଜି । ଏଥର ହରିୟାଣା ନିର୍ବାଚନରେ କେଉଁଠି ଜେଜେ-ନାତୁଣି ତ କେଉଁଠି ଭାଇ-ଭାଇ ପୁଣି ଶ୍ବଶୁର-ବୋହୂ ମଧ୍ୟରେ ଲଢେଇ ଦେଖିବାକୁ ମିଳିଥିଲା । ରାଜନୀତି ରଙ୍ଗରେ ରଙ୍ଗେଇ ହୋଇଥିଲା ପରିବାର ସମ୍ପର୍କ ।
| ବିଧାନସଭା ସିଟ | ପ୍ରାର୍ଥୀଙ୍କ ମଧ୍ୟରେ ସମ୍ପର୍କ | ପ୍ରାର୍ଥୀଙ୍କ ନାଁ | ବିଜୟୀ |
| ତୋଶାମ | ଭାଇ-ଭଉଣୀ | ଶ୍ରୁତି ଚୌଧୁରୀ-ଅନିରୁଦ୍ଧ ଚୌଧୁରୀ | ଶ୍ରୁତି ଚୌଧୁରୀ |
| ବାହାଦୁରଗଡ | ଦାଦା-ପୁତୁରା | ରାଜେନ୍ଦ୍ର ଜୁନ-ରାଜେଶ ଜୁନ | ରାଜେନ୍ଦ୍ର ଜୁନ |
| ବଲ୍ଲଭଗଡ | ଜେଜେ-ନାତୁଣି | ମୁଲଚନ୍ଦ ଶର୍ମା-ପରାଗ ଶର୍ମା | ମୁଲଚନ୍ଦ ଶର୍ମା |
| ରାନିୟା | ଜେଜେ-ନାତି | ରଣଜିତ ଚୌଟଲା-ଅର୍ଜୁନ ଟୌଟଲା | ଅର୍ଜୁନ ଟୌଟଲା |
| ଡବ୍ବାଲି | ଭାଇ-ଭାଇ-ଜେଜେ | ଆଦିତ୍ୟ ଚୌଟଲା-ଦିଗବିଜୟ ଚୌଟଲା-ଅମିତ ସିହାଗ | ଆଦିତ୍ୟ ଚୌଟଲା |
| ପୁହ୍ନାନା | ଭାଇ-ଭାଇ | ଏଜାଜ ଖାନ- ମହମ୍ମଦ ଇଲିୟାସ | ମହମ୍ମଦ ଇଲିୟାସ |
| ଅଟେଲି | ଶ୍ବଶୁର-ବୋହୂ | ଠାକୁର ଉତରଲାଲ-ସାଧନା | ବିଜେପି ପ୍ରାର୍ଥୀ |
ମଇଦାନରେ ଶ୍ବଶୁର-ବୋହୂ:
#WATCH | Mumbai, Maharashtra: BJP leader Shaina NC and others celebrate BJP's lead in Haryana, outside the BJP office at Nariman Point.
— ANI (@ANI) October 8, 2024
Out of 90 assembly seats in Haryana, BJP has won 25 and is leading on another 25 seats as of 4 pm. pic.twitter.com/t2ojNasaCS
ଅଟେଲି ବିଧାନସଭା ସିଟରେ ଶ୍ବଶୁର ବୋହୂ ମଧ୍ୟରେ ଲଢେଇ ଦେଖିବାକୁ ମିଳିଥିଲା । ଏଠାରୁ ଶ୍ବଶୁର ଇନେଲୋ-ବସପା ମେଣ୍ଟରୁ ଠାକୁର ଉତରଲାଲ ନିର୍ବାଚନ ଲଢୁଥିବା ବେଳେ ତାଙ୍କ ବିପକ୍ଷରେ ବୋହୂ ସାଧନା ସ୍ବାଧୀନ ଭାବେ ନିର୍ବାଚନ ଲଢିଥିଲେ । ଶ୍ବଶୁର ବନାମ ବୋହୂ ଲଢେଇରେ ବିଜେପି ପ୍ରାର୍ଥୀ ଜିତିଥିଲେ ।
ଭାଇ-ଭଭଣୀ ଲଢେଇ:
ତୋଶାମ ଆସନରୁ ଭାଇ-ଭଉଣୀ ଲଢେଇ ଦେଖିବାକୁ ମିଳିଥିଲା । ଏଠାରେ କଂଗ୍ରେସ ଟିକଟକୁ ପ୍ରଶାସକକୁ ନେତା ପାଲଟିଥିବା ଅନିରୁଦ୍ଧ ଚୌଧରୀ ତାଙ୍କ ଭଉଣୀ ତଥା ବିଜେପି ପ୍ରାର୍ଥୀ ଶ୍ରୁତି ଚୌଧରୀଙ୍କ ବିପକ୍ଷରେ ପ୍ରତିଦ୍ବନ୍ଦିତା କରିଥିଲେ । ହେଲେ ଏଥିରେ ଭଉଣୀ ଶ୍ରୁତି ଚୌଧରୀ ବାଜିମାତ କରିଛନ୍ତି ।
#WATCH | Ambala, Haryana: BJP's winning candidate from Ambala Cantt seat, Anil Vij says, " let them dismiss the election results. will it change the country's democracy or the people's opinion? the verdict of the people must be respected..." pic.twitter.com/X9kGIx903A
— ANI (@ANI) October 8, 2024
ଦାଦା-ପୁତୁରା ଲଢେଇ:
ବାହଦୁରଗଡ ଆସନରେ ଦାଦା ବନାମ ପୁତୁରା ଲଢେଇ ଦେଖିବାକୁ ମିଳିଥିଲା । ଦାଦା ବିପକ୍ଷରେ ପ୍ରାର୍ଥୀ ହୋଇଥିଲେ ପୁତୁରା । ଦାଦା କଂଗ୍ରେସ ଟିକଟରୁ ମଇଦାନକୁ ଓହ୍ଲାଇଥିବା ବେଳେ ସ୍ବାଧୀନ ଭାବେ ମଇଦାନକୁ ଓହ୍ଲାଇଥିଲେ ପୁତୁରା । ଦାଦା ରାଜେନ୍ଦ୍ର ଜୁନ ନିର୍ବାଚନ ଜିତିଛନ୍ତି ।
ଭାଇ ବନାମ ଭାଇ:
ପୁହ୍ନାନା ଆସନରୁ ଏଜାଜ ଖାନ ବିଜେପିରୁ ଲଢୁଥିବା ବେଳେ ତାଙ୍କ ଭାଇ ଏଲିୟାସ କଂଗ୍ରେସ ଟିକଟରୁ ଲଢୁଥିଲେ । ଏଜାଜ ଓ ଏଲିୟାସ ଦୁଇ ଜଣ ସମ୍ପକୀୟ ଭାଇ । ହେଲେ ଏଥର ନିର୍ବାଚନରେ ଏଲିୟାସ ବିଜୟ ଲାଭ କରିଛନ୍ତି ।
#WATCH | Kurukshetra: Haryana CM Nayab Singh Saini says " i want to thank the 2.80 crore people of haryana for putting a stamp on the works of bjp for the third time. all this is only because of pm modi. under his leadership, we are moving forward. he spoke to me and gave his… pic.twitter.com/jPmMecyA8D
— ANI (@ANI) October 8, 2024
ଜେଜେ-ନାତୁଣି ଲଢେଇ:
ଫରିଦାବାଦର ବଲ୍ଲଭଗଡ ଆସନରେ ଜେଜେ ଓ ନାତୁଣି ମଧ୍ୟରେ ଲଢେଇ ଦେଖିବାକୁ ମିଳିଥିଲା । ଏହି ଆସନରୁ ବିଜେପି ପ୍ରାର୍ଥୀ ମୁଲଚନ୍ଦ ଶର୍ମା ଓ ସମ୍ପର୍କୀୟ ନାତୁଣି ପରାଗ ଶର୍ମା କଂଗ୍ରେସ ଟିକଟରୁ ନିର୍ବାଚନ ଲଢିଥିଲେ । ଏଥିରେ ଜେଜେ ମୁଲଚନ୍ଦ ଶର୍ମା ନିର୍ବାଚନରେ ବାଜିମାତ କରିଛନ୍ତି ।
ଜେଜେ-ନାତି ଲଢେଇ:
ସିରସାର ଦେବିଲାଲ ପରିବାର ୨ଟି ସିଟରେ ଜେଜେ-ନାତି ଲଢେଇ ଦେଖିବାକୁ ମିଳିଛି । ରାନିୟା ସିଟରେ ଜେଜେ ରଣଜିତ ଚୌଟଲାଙ୍କ ପ୍ରତିଦ୍ବନ୍ଦ୍ବୀ ପ୍ରାର୍ଥୀ ତଥା ନାତି ଅର୍ଜୁନ ଚୌଟଲା ବିପକ୍ଷରେ ଲଢିଥିଲେ । ଏଥିରେ ଜେଜେ ରଣଜିତ ଚୌଟଲାଙ୍କ ଜିତାପଟ ହୋଇଛି ।
ଏଠି ୩ ଜଣଙ୍କ ଭିତରେ ଲଢେଇ:
ଡବ୍ବାଲି ଆସନରେ ପରିବାର ୩ ସଦସ୍ୟ ମୈଦାନକୁ ଓହ୍ଲାଇଥିଲେ । ଆଦିତ୍ୟ ଚୌଟଲା, ଦିଗବିଜୟ ଚୌଟଲା ଓ ଅମିତ ସିହାଗ ମଧ୍ୟରେ ଲଢେଇ ହୋଇଥିଲା ।ଏଥିରେ ଆଦିତ୍ୟ ଚୌଟଲା ବାଜିମାତ କରିଛନ୍ତି ।
