କୋଲକାତା: ଆରଜିକର ମେଡିକାଲ କଲେଜର ପୂର୍ବତନ ଅଧ୍ୟକ୍ଷ ସନ୍ଦୀପ ଘୋଷ ଗିରଫ । ଦୁର୍ନୀତି ମାମଲାରେ ଗିରଫ କଲା ସିବିଆଇ । ଗତ କିଛି ଦିନ ହେଲା ପଚରାଉଚରା କରୁଥିଲା ସିବିଆଇ । ଆଜି ଗିରଫ ପରେ ତାଙ୍କୁ କୋଲକାତା ନିଜାମ ପ୍ୟାଲେସକୁ ଅଣାଯାଇଛି । ସିବିଆଇର ଆଣ୍ଟି ଆକ୍ସନ ୟୁନିଟ ସନ୍ଦୀପଙ୍କ ବିରୋଧରେ ଥିବା ଦୁର୍ନୀତି ମାମଲାର ଯାଞ୍ଚ କରୁଛି । ଦୁର୍ନୀତି ନିବାରଣ ଅଧିନିୟମ ଧାରା 420 ଓ ଧାରା 7ରେ ତାଙ୍କ ନାଁରେ ମାମଲା ରୁଜୁ କରିଛି । ସନ୍ଦୀପଙ୍କୁ ଅନେକ ଦିନ ଧରି ପଚରାଉଚରା କରିବା ପରେ ଶେଷରେ ଆଜି ତାଙ୍କୁ ଗିରଫ କରିଛି ।
ସନ୍ଦୀପଙ୍କ ବିରୋଧରେ ଚାଲୁଛି ଦୁର୍ନୀତି ମାମଲା:
କୋଲକାତା ଟ୍ରେନିଂ ଡାକ୍ତରଙ୍କୁ ଦୁଷ୍କର୍ମ ଓ ହତ୍ୟା ଘଟଣା ମାମଲାରେ ଗତ ଅଗଷ୍ଟ 9ରୁ ତାଙ୍କୁ ପଚରାଉଚରା ଜାରି ରହିଛି । ଏହା ବ୍ୟତୀତ ସନ୍ଦୀପଙ୍କ ବିରୋଧରେ ଦୁର୍ନୀତି ମାମଲା ମଧ୍ୟ ଚାଲୁ ରହିଛି । ସିବିଆଇ ଏହି ମାମଲାର ସତ୍ୟ ସାମ୍ନାକୁ ଆଣିବାକୁ ସନ୍ଦୀପଙ୍କ 2 ଥର ପଲିଗ୍ରାଫ ଟେଷ୍ଟ ମଧ୍ୟ କରିଛି । ଏହା ବ୍ୟତିତ ଅନ୍ୟ 6 ଜଣଙ୍କ ମଧ୍ୟ ପଲିଗ୍ରାଫ ଟେଷ୍ଟ କରାଯାଇଛି ।
ହାଇକୋର୍ଟଙ୍କ ନିର୍ଦ୍ଦେଶ ପରେ ମାମଲାର ଯାଞ୍ଚ କରୁଛି ସିବିଆଇ:
କୋଲକାତା ଟ୍ରେନିଂ ଡାକ୍ତରଙ୍କୁ ଦୁଷ୍କର୍ମ ଓ ହତ୍ୟା ଘଟଣାକୁ ନେଇ ସାରା ଦେଶରେ ଆଲୋଡନ ସୃଷ୍ଟି ହୋଇଥିଲା । ପରେ ହାଇକୋର୍ଟ ତଦନ୍ତ ଭାର ଏସଆଇଟିଠୁ ଆଣି ସିବିଆଇକୁ ଦେଇଥିଲେ । ହସ୍ପିଟାଲର ପୂର୍ବତନ ଡେପୁଟି ସୁପରିଟେଣ୍ଡେଣ୍ଟ ଅଖତର ଅଲ୍ଲୀ ଆରଜି କର ହସ୍ପିଟାଲରେ ଆର୍ଥିକ ହେରଫେର କରାଯାଉଥିବା ନେଇ କୋର୍ଟର ଦ୍ବାରସ୍ଥ ହେବା ସହ ମାମଲାରେ ଇଡି ତଦନ୍ତ ଦାବି କରିଥିଲେ । ମାମଲା ତଦନ୍ତ କରୁଛି ସିବିଆଇ ।
ସନ୍ଦୀପ ଘୋଷଙ୍କ ବିରୋଧରେ ଅଛି ସଙ୍ଗୀନ ଅଭିଯୋଗ:
ସନ୍ଦୀପଙ୍କ ନାଁରେ ରହିଛି ବହୁ ସଙ୍ଗୀନ ଅଭିଯୋଗ । ସେ ହସ୍ପିଟାଲରୁ ମୃତଦେହ ଚାଲାଣ କରୁଥିବା ଅଭିଯୋଗ ରହିଛି । ଆରଜିକର ମେଡିକାଲ କଲେଜର ପୂର୍ବତନ ଡେପୁଟି ସୁପରିଟେଣ୍ଡେଣ୍ଟ ଅଖତର ଅଲି ବୁଧବାର ହାଇକୋର୍ଟଙ୍କ ନିକଟରେ ପହଞ୍ଚି ସନ୍ଦୀପ ଘୋଷଙ୍କ ବିରୋଧରେ ହୋଇଥିବା ଦୁର୍ନୀତି ଅଭିଯୋଗର ଯାଞ୍ଚ ଇଡିକୁ ହସ୍ତାନ୍ତର କରିବାକୁ ନିବେଦନ କରିଥିଲେ। ଦୁଷ୍କର୍ମ ଓ ହତ୍ୟା ଅଭିଯୁକ୍ତ ସଞ୍ଜୟ ରୟ ସନ୍ଦୀପ ଘୋଷଙ୍କୁ ସୁରକ୍ଷା ଦେଉଥିଲା । ପୂର୍ବତନ ଅଧ୍ୟକ୍ଷ ବାଂଲାଦେଶକୁ ବାୟୋମେଡିକାଲ ଓ୍ବେଷ୍ଟ ଚାଲାଣ ଏବଂ ଚିକିତ୍ସା ଉପକରଣ କାରବାରରେ ସାମିଲ ଥିବା କହିଥିଲେ ଅଖତର ।
ଏ ସମ୍ପର୍କିତ ଅଧିକ ଖବର ପଢନ୍ତୁ ତଳେ ଦିଆଯାଇଥିବା ଲିଙ୍କ୍ରେ:
