ହାଇଦ୍ରାବାଦ: ବିହାର ପୂର୍ବତନ ଉପମୁଖ୍ୟମନ୍ତ୍ରୀ ତଥା ବିଜେପି ନେତା ସୁଶୀଲ ମୋଦିଙ୍କ ଦେହାନ୍ତ । ବିହାରର ଉପମୁଖ୍ୟମନ୍ତ୍ରୀ ସମ୍ରାଟ ଚୌଧୁରୀ ଏନେଇ ସୂଚନା ଦେଇଛନ୍ତି । ସମ୍ରାଟ ଚୌଧୁରୀ ନିଜ ଟ୍ବିଟର (x) ହ୍ୟାଣ୍ଡେଲରେ ଏ ସମ୍ପର୍କରେ ଉଲ୍ଲେଖ କରିଛନ୍ତି । ସୂଚନା ଅନୁସାରେ, କିଛି ଦିନ ହେବ କ୍ୟାନ୍ସରରେ ପୀଡିତ ହୋଇ ଚିକିତ୍ସିତ ହେଉଥିଲେ ସୁଶୀଲ ମୋଦି । ଏମ୍ସରେ ଚିକିତ୍ସାଧୀନ ଅବସ୍ଥାରେ ସେ ଆଖି ବୁଜିଛନ୍ତି ।
-
केंद्रीय गृह मंत्री अमित शाह ने X पर लिखा, "हमारे वरिष्ठ नेता सुशील कुमार मोदी जी के निधन की सूचना से आहत हूँ। आज बिहार ने राजनीति के एक महान पुरोधा को हमेशा के लिए खो दिया। ABVP से भाजपा तक सुशील जी ने संगठन व सरकार में कई महत्त्वपूर्ण पदों को सुशोभित किया। उनकी राजनीति गरीबों व… pic.twitter.com/WiBTDCZvei
— ANI_HindiNews (@AHindinews) May 13, 2024
ବିହାର ବର୍ତ୍ତମାନର ଉପମୁଖ୍ୟମନ୍ତ୍ରୀ ବିଜୟ କୁମାର ସିହ୍ନା ନିଜର ସୋସିଆଲ ମିଡିଆ ପ୍ଲାଟଫର୍ମ ଟ୍ବିଟର (X)ରେ ଏ ଦୁଃଖଦ ଖବର ବିଷୟରେ ସୂଚନା ଦେଇଛନ୍ତି । ସେ ଉଲ୍ଲେଖ କରିଛନ୍ତି, "ଭାରତୀୟ ଜନତା ପାର୍ଟିର ବରିଷ୍ଠ ନେତା ତଥା ବିହାରର ପୂର୍ବତନ ଉପମୁଖ୍ୟମନ୍ତ୍ରୀ ସୁଶୀଲ ମୋଦି ଆଉ ଆମ ଗହଣରେ ନାହାନ୍ତି । ପୁରା ଭାଜପା ସଂଗଠନ ପରିବାର ଆଜି ତାଙ୍କୁ ଝୁରୁଛି । ଦଳର ଅସଂଖ୍ୟ କର୍ମକର୍ତ୍ତା ତଥା ଦଳ ପାଇଁ ଏକ ଅପୂରଣୀୟ କ୍ଷତି ହୋଇ ରହିବ । ତାଙ୍କର ସାଂଗଠନିକ ଦକ୍ଷତା, ପ୍ରଶାସନିକ ଅବଗତି ଓ ସାମାଜିକ ତଥା ରାଜନୈତିକ ବିଷୟରେ ଅନେକ ଅଭିଜ୍ଞତା ରହିତିଲା । ସେ ସଦା ସର୍ବଦା ଆମ ହୃଦୟରେ ରହିବେ । ତାଙ୍କର ଅମର ଆତ୍ମାର ସଦଗତି ପ୍ରାର୍ଥନା କରୁଛି । ଇଶ୍ବର ତାଙ୍କର ଅମର ଆତ୍ମାକୁ ଚିର ଶାନ୍ତି ପ୍ରଦାନ କରନ୍ତୁ । ଏଭଳି ସମୟରେ ତାଙ୍କର ପରିବାରକୁ ଧୈର୍ଯ୍ୟ ଓ ସାହସ ଦିଅନ୍ତୁ ।"
ମୃତ୍ୟୁ ବେଳକୁ ତାଙ୍କ ବୟସ ପାଖାପାଖି ୭୨ ବର୍ଷ ହୋଇଥିବା ଜଣାପଡ଼ିଛି । ସେ କ୍ୟାନ୍ସରରେ ପୀଡିତ ଥିବା ଜାତୀୟ ଗଣମାଧ୍ୟମ ସୂତ୍ରରୁ ଜଣାପଡ଼ିଛି । ସୁଶୀଲ କ୍ୟାନ୍ସରରେ ପୀଡିତ ଥିବାବେଳେ ଦିଲ୍ଲୀ ସ୍ଥିତ ଏମ୍ସରେ ତାଙ୍କର ଚିକିତ୍ସା ଜାରି ରହିଥିଲା । ସେ ପୂର୍ବରୁ ବିହାରର ରାଜ୍ୟସଭା ସାଂସଦ ମଧ୍ୟ ରହିଆସିଛନ୍ତି । ୨୦୦୫ରୁ ୨୦୧୩ ଏବଂ ୨୦୧୭ରୁ ୨୦୨୦ ପର୍ଯ୍ୟନ୍ତ ସେ ମନ୍ତ୍ରୀ ଭାବେ ଦାୟିତ୍ବ ତୁଲାଇଥିଲେ । ତାଙ୍କର ଦେହାନ୍ତ ବିହାର ରାଜନୀତି ପାଇଁ ଏକ ଅପୂରଣୀୟ କ୍ଷତି । ପୂର୍ବତନ ଉପମୁଖ୍ୟମନ୍ତ୍ରୀ ତଥା ବିଜେପି ନେତା ସୁଶୀଲ ମୋଦିଙ୍କ ବିୟୋଗକୁ ନେଇ କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କ ସମେତ ଦଳର ବହୁ ବରିଷ୍ଠ ନେତା ଶୋକ ପ୍ରକାଶ କରିଛନ୍ତି ।
