ମହାରାଷ୍ଟ୍ର ମହା ସସପେନ୍ସ ଅନ୍ତ, ଦେବେନ୍ଦ୍ର ଫଡନାବିସ ମୁଖ୍ୟମନ୍ତ୍ରୀ, କାଲି ଶପଥ

ମହାରାଷ୍ଟ୍ରର ନୂଆ ମୁଖ୍ୟମନ୍ତ୍ରୀ ହେବେ ବିଜେପି ନେତା ଦେବେନ୍ଦ୍ର ଫଡନାବିସ । ବିଜେପି କୋର କମିଟି ବୈଠକରେ ନେତା ନିର୍ବାଚିତ । ଆସନ୍ତାକାଲି ଶପଥ ସମାରୋହ ।

ମୁମ୍ବାଇ: ମହାରାଷ୍ଟ୍ରରେ ହଟିଲା ମହା ସସପେନ୍ସ । ଦେବେନ୍ଦ୍ର ଫଡନାବିସ ହେବେ ମହାରାଷ୍ଟ୍ରର ଆଗାମୀ ମୁଖ୍ୟମନ୍ତ୍ରୀ । ନିର୍ବାଚନ ଫଳାଫଳ ଆସିବା ପରେ କିଏ ବସିବ ମୁଖ୍ୟମନ୍ତ୍ରୀ ଚୌକିରେ ତାହାକୁ ନେଇ ଚାଲିଥିଲା ଛକାପଞ୍ଝା । ଦୀର୍ଘ ଦିନର ସସପେନ୍ସରେ ଲାଗିଛି ବିରାମ । ତୃତୀୟ ଥର ପାଇଁ ମୁଖ୍ୟମନ୍ତ୍ରୀ ଭାବେ ଶପଥ ନେବେ ଦେବେନ୍ଦ୍ର ଫଡନାବିସ ।

ଆସନ୍ତାକାଲି ଫଡନାବିସ ସରକାର:

Mumbai: After being unanimously elected as the Leader of Maharashtra BJP Legislative Party, Devendra Fadnavis says " ...i want to tell you all that in the next days few, there will be things of our wish and a few things will be against our wishes but we all have to work in the… pic.twitter.com/kdLFgDktbj

— ANI (@ANI) December 4, 2024

ଆସନ୍ତାକାଲି(ଡିସେମ୍ବର 5) ମହାରାଷ୍ଟ୍ରର ମୁଖ୍ୟମନ୍ତ୍ରୀ ଭାବେ ଶପଥ ନେବେ ଦେବେନ୍ଦ୍ର ଫଡନାବିସ । ନିର୍ବାଚନ ଫଳାଫଳରେ ମହାୟୁତି ମେଣ୍ଟର ଜବରଦସ୍ତ ଫଳାଫଳ ପରେ କିଏ ବସିବ ମୁଖ୍ୟମନ୍ତ୍ରୀ ଆସନରେ ତାକୁ ନେଇ ଜାରି ରହିଥିଲା ନାନା କଳ୍ପନାଜଳ୍ପନା । ଏକନାଥ ସିନ୍ଦେ ପୁଣି ବସିବେ ମୁଖ୍ୟମନ୍ତ୍ରୀ ଚୌକିରେ ନା ଦେବେନ୍ଦ୍ର ଫଡନାବିସ ହେବେ । ଏହାକୁ ନେଇ ଲଗାତାର ଗତ କିଛି ଦିନ ହେଲା ସସପେନ୍ସ ଲାଗି ରହିଥିଲା । ଶେଷରେ ଆଜି ଫଡନାବିସଙ୍କ ନାଁ ଘୋଷଣା ହୋଇଛି । ଆସନ୍ତାକାଲି(ଡିସେମ୍ବର 5)ରେ ସେ ମୁଖ୍ୟମନ୍ତ୍ରୀ ଭାବେ ଶପଥ ନେବାକୁ ଯାଉଛନ୍ତି ।

ବିଜେପି କୋର କମିଟି ବୈଠକରେ ଫଡନାବିସଙ୍କ ନାଁରେ ମୋହର:

କିଏ ହେବେ ମୁଖ୍ୟମନ୍ତ୍ରୀ ତାହା ସ୍ପଷ୍ଟ ହୋଇପାରୁନଥିବା ବେଳେ ଶେଷରେ ବିଜେପିର କୋର କମିଟି ବୈଠକରେ ଦେବେନ୍ଦ୍ର ଫଡନାବିସଙ୍କ ନାଁରେ ମୋହର ମାରିଛି । ଆଜି(ବୁଧବାର) ବିଜେପିର କୋର କମିଟି ବୈଠକ ବସିଥିଲା । ସର୍ବସମ୍ମତି କ୍ରମେ ଦେବେନ୍ଦ୍ର ଫଡନାବିସଙ୍କୁ ଆଗାମୀ ମୁଖ୍ୟମନ୍ତ୍ରୀ ପାଇଁ କମିଟି ଚୟନ କରିଛି ।

ମୁଖ୍ୟମନ୍ତ୍ରୀ ବାଛିବାକୁ ନିର୍ମଳା ଓ ବିଜୟଙ୍କୁ ଦାୟିତ୍ବ:

#WATCH | Maharashtra: Celebrations outside the residence of BJP leader Devendra Fadnavis, in Nagpur.

He has been unanimously elected as the Leader of Maharashtra BJP Legislative Party. pic.twitter.com/cIfDPDN3Tr

— ANI (@ANI) December 4, 2024

ଗତ କିଛି ଦିନ ଧରି ମହାରାଷ୍ଟ୍ର ମୁଖ୍ୟମନ୍ତ୍ରୀ କିଏ ହେବେ ସ୍ଥିର ହୋଇପାରନଥିବା ବେଳେ ମୁଖ୍ୟମନ୍ତ୍ରୀ ବାଛିବା ଦାୟିତ୍ବ ବିଜେପି ଅର୍ଥମନ୍ତ୍ରୀ ନିର୍ମଳା ସୀତାରମଣ, ଗୁଜୁରାଟର ପୂର୍ବତନ ମୁଖ୍ୟମନ୍ତ୍ରୀ ବିଜୟ ରୂପାଣୀଙ୍କୁ ଦେଇଥିଲା । ଉଭୟଙ୍କୁ ପର୍ଯ୍ୟବେକ୍ଷକ କରିଥିଲା ଦଳ । ଶେଷରେ ଫଡନାବିସଙ୍କ ନାଁରେ ମୋହର ମାରିଛି କମିଟି ।

ଆଜାଦ ମୈଦାନରେ ଶପଥ ଗ୍ରହଣ ସମାରୋହ:

ଦେବେନ୍ଦ୍ର ଫଡନାବିସଙ୍କ ନାଁ ଘୋଷଣା ପରେ ଉତ୍ସାହିତ ବିଜେପି ଶିବିର । ଶପଥ ଗ୍ରହଣ ସମାରୋହଙ୍କ ବଡ଼ ଧରଣ କରିବାକୁ ପୂରା ପ୍ରସ୍ତୁତି କରାଯାଇଛି । ସାଉଥ ମୁମ୍ବାଇର ଆଜାଦ ମୈଦାନରେ ହେବ ଶପଥ ଗ୍ରହଣ ସମାରୋହ । ଯେଉଁଥିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ପାଖାପାଖି 200 ଭିଭିଆଇପି, 40 ହଜାର କର୍ମୀ, ବହୁ କେନ୍ଦ୍ରମନ୍ତ୍ରୀ, 19 ରାଜ୍ୟର ମୁଖ୍ୟମନ୍ତ୍ରୀ ଓ ଉପମୁଖ୍ୟମନ୍ତ୍ରୀ ପ୍ରମୁଖ ଯୋଗ ଦେବାର କାର୍ଯ୍ୟକ୍ରମ ରହିଛି । ବିଜେପି ନେତା ପ୍ରସାଦ ଲାଡ କହିଛନ୍ତି, ‘ଏହି ଐତିହାସିକ ମୁହୂର୍ତ୍ତ’କୁ ଦେଖିବା ପାଇଁ ସାରା ରାଜ୍ୟରେ ଏଲଇଡି ସ୍କ୍ରିନର ବ୍ୟବସ୍ଥା କରାଯାଇଛି ।

ଏହା ମଧ୍ୟ ପଢନ୍ତୁ:

ମହାରାଷ୍ଟ୍ର ନିର୍ବାଚନ ଫଳାଫଳ:

288 ବିଶିଷ୍ଟ ମହାରାଷ୍ଟ୍ର ବିଧାନସଭାରେ ମହାୟୁତି ମେଣ୍ଟରେ ଥିବା ବିଜେପିକୁ 132 ଆସନ ମିଳିଥିବା ବେଳେ ଶିବସେନା ଓ ଏନସିପିକୁ 57 ଓ 41 ଆସନ ମିଳିଥିଲା । ବିରୋଧି ଦଳ ମହାବିକାଶ ଅଗାଡ଼ି ମେଣ୍ଟ ମାତ୍ର 46 ଆସନରେ ସନ୍ତୁଷ୍ଟ ହୋଇଥିଲା । ଯେଉଁଥିରେ କଂଗ୍ରେସକୁ 16, ଶିବସେନା (UBT) 20 ଓ ଏନସିପି(SP)କୁ 10ଟି ଆସନ ମିଳିଥିଲା ।

ମହାରାଷ୍ଟ୍ର ବିଧାନସଭା ନିର୍ବାଚନ ୨୦୨୪ ଫଳାଫଳ: ମୋଟ ଆସନ ୨୮୮

• ମହାୟୁତି (Mahayuti) ମେଣ୍ଟ- 230 ଆସନ
• ବିଜେପି- 132 ଆସନ
• ଶିବସେନା(ଏକନାଥ)- 57 ଆସନ
• ଏନସିପି(ଅଜିତ) - 41 ଆସନ

• ଏମଭିଏ (MVA) ମେଣ୍ଟ - 46 ଆସନ
• କଂଗ୍ରେସ- 16 ଆସନ
• ଶିବସେନା (UBT)- 20 ଆସନ
• ଏନସିପି (SP)- 10 ଆସନ