ନୂଆଦିଲ୍ଲୀ: ଭୁଶୁଡିଲା ଦିଲ୍ଲୀ ବିମାନବନ୍ଦରର ଛାତ । ଜାତୀୟ ରାଜଧାନୀ ଦିଲ୍ଲୀରେ କିଛି ଦିନ ହେବ ଲଗାଣ ବର୍ଷା ଜାରି ରହିଥିବା ବେଳେ ଏହାମଧ୍ୟରେ ଦିଲ୍ଲୀ ଇନ୍ଦିରା ଗାନ୍ଧୀ ଅନ୍ତର୍ଜାତୀୟ ବିମାନବନ୍ଦରରେ ବଡ ଧରଣର ଅଘଟଣ ଘଟିଛି । ବିମାନବନ୍ଦରର ଟର୍ମିନାଲ-1ର ଛାତ ଭୁଶୁଡି ଜଣଙ୍କର ମୃତ୍ୟୁ ହୋଇଥିବା ବେଳେ ୬ଜଣ ଗୁରୁତର ଆହତ ହୋଇଛନ୍ତି। ଏକାଧିକ ଗାଡି ଛାତ ତଳେ ଚାପି ହୋଇ କ୍ଷତିଗ୍ରସ୍ତ ହୋଇଛି । ଘଟଣାସ୍ଥଳରୁ ୬ଜଣ ଆହତଙ୍କୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଥିବା ବେଳେ ଚିକିତ୍ସାଧିନ ଅବସ୍ଥାରେ ଜଣଙ୍କର ମୃତ୍ୟୁ ଘଟିଛି । ଅନ୍ୟପଟେ ଅଘଟଣ ନେଇ ଦିଲ୍ଲୀ ଅଗ୍ନିଶମ ବିଭାଗ ଖବର ପାଇବା ପରେ ତୁରନ୍ତ ବିମାନବନ୍ଦରରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଛନ୍ତି ।
ଏହାମଧ୍ୟ ପଢନ୍ତୁ.. ଦିଲ୍ଲୀ ବିମାନବନ୍ଦରର ସୁରକ୍ଷା ତ୍ରୁଟି, ବିମାନ ସମ୍ମୁଖରେ ବୁଲିଲା ନିଶାସକ୍ତ ଯୁବକ
ସୂଚନା ଅନୁଯାୟୀ, ଆଜି (ଶୁକ୍ରବାର) ସକାଳ ପାଖାପାଖି ୫.୩୦ ସମୟରେ ଦିଲ୍ଲୀ ଇନ୍ଦିରା ଗାନ୍ଧୀ ଅନ୍ତର୍ଜାତୀୟ ବିମାନବନ୍ଦରର ଟର୍ମିଟାଲ-୧ ର ଛାତର କିଛି ଅଂଶ ଭୁଶୁଡି ପଡିଥିଲା । ଫଳରେ ତଳେ ଛିଡା ହୋଇଥିବା ପାଖାପାଖି ୬ ଯାତ୍ରୀ ଗୁରୁତର ଆହତ ହୋଇଥିଲେ ।ସେମାନଙ୍କୁ ତୁରନ୍ତ ଉଦ୍ଧାର କରାଯାଇ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଥିବା ବେଳେ ସେଠାରେ ଚିକିତ୍ସାଧିନ ଅବସ୍ଥାରେ ଜଣଙ୍କର ମୃତ୍ୟୁ ଘଟିଛି । ଅନେକ ଗାଡି ମଧ୍ୟ ଛାତ ତଳେ ଚାପି ହୋଇ ରହିଛି । ଅନ୍ୟପଟେ ଏନେଇ ଖବର ପାଇବା ପରେ ତୁରନ୍ତ ବିମାନବନ୍ଦରରେ ପହଞ୍ଚି ଅଗ୍ନିଶମ ବାହିନୀ ଉଦ୍ଧାର କାର୍ଯ୍ୟ ଆରମ୍ଭ କରିଛି । ଅଘଟଣ ପରେ ଯାତ୍ରୀମାନେ ଭୟଭୀତ ହେବା ସହ ଏନେଇ ଅସନ୍ତୋଷ ପ୍ରକାଶ କରିଛନ୍ତି । ଇଣ୍ଡିଗୋ, ସ୍ପାଇସଜେଟ ପକ୍ଷରୁ ବିମାନ ସେବା ସାମୟିକ ସମୟ ପାଇ ବାତିଲ କରାଯାଇଛି ।
Personally monitoring the roof collapse incident at T1 Delhi Airport. First responders are working at site. Also advised the airlines to assist all affected passengers at T1. The injured have been evacuated to hospital. Rescue operations are still ongoing.
— Ram Mohan Naidu Kinjarapu (@RamMNK) June 28, 2024
IndiGo flight operations are impacted due to structural damage to Terminal 1, Delhi Airport because of adverse weather conditions. This has led to flight cancellations at Delhi as passengers are not able to enter the terminal. Passengers already inside the terminal will be able… pic.twitter.com/wGlqUAoxXL
— ANI (@ANI) June 28, 2024
ଅଘଟଣ ପରେ ପ୍ରଭାବିତ ଉଡାଣ ସେବା: ଟର୍ମିନାଲ-୧ରେ ଅଘଟଣ ପରେ ବିମାନ ଉଡାଣ ସେବା ପ୍ରଭାବିତ ହୋଇଛି । ଇଣ୍ଡିଗୋ ପକ୍ଷରୁ ସୋସିଆଲ ମିଡିଆ ଏକ୍ସରେ ଏନେଇ ପୋଷ୍ଟ କରାଯାଇଛି । ଟର୍ମିନାଲ-୧ କ୍ଷତିଗ୍ରସ୍ତ ହେବା କାରଣରୁ ଯାତ୍ରୀମାନେ ଟର୍ମିନାଲରେ ପ୍ରବେଶ କରିପାରୁନଥିବାରୁ ଦିଲ୍ଲୀରେ ବିମାନ ଉଡାଣ ସେବା ରଦ୍ଦ କରାଯାଇଛି । ଟର୍ମିନାଲ ଭିତରେ ପୂର୍ବରୁ ଥିବା ଯାତ୍ରୀମାନେ ଉଡାଣ ଭରିପାରିବେ । ତେବେ ବିମାନବନ୍ଦରକୁ ଆସିବା ପୂର୍ବରୁ ସ୍ଥିତି ଯାଞ୍ଚ କରିନେବାକୁ ଇଣ୍ଡିଗୋ ପକ୍ଷରୁ ଯାତ୍ରୀମାନଙ୍କୁ ପରାମର୍ଶ ଦିଆଯାଇଛି ।
#WATCH | A passenger at Delhi Airport's Terminal 1 says, " i have a flight at 9 am. i came to know that the structure above (canopy) has collapsed here. some flights have been cancelled. they (officials) are now asking us to go to terminal 2..." https://t.co/CETWtY95jz pic.twitter.com/UCwHFb7FF1
— ANI (@ANI) June 28, 2024
ବେସାମରିକ ବିମାନ ଚଳାଚଳ ମନ୍ତ୍ରୀ ଘଟଣାକୁ ନେଇ ଦୁଃଖ ପ୍ରକାଶ କରିବା ସହ ପ୍ରଥମ ପ୍ରାଥମିକତା ଉଦ୍ଧାର କାର୍ଯ୍ୟ ବୋଲି ଟ୍ୱିଟ କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
