ପାଟନା: ବିହାରରେ ରାଜନୈତିକ ହଟଚମଟ ଜାରି ରହିଥିବା ବେଳେ ଆଜି ରାଜ୍ୟରେ ପ୍ରବେଶ କରିଛି ରାହୁଲ ଗାନ୍ଧୀଙ୍କ ଭାରତ ଯୋଡ ନ୍ୟାୟ ଯାତ୍ରା । ରାଜ୍ୟରେ ଜେଡିୟୁ-ଏନଡିଏ ମେଣ୍ଟ ସରକାର ଆରମ୍ଭ ହେବାର ଗୋଟିଏ ଦିନ ପରେ କଂଗ୍ରେସ ଏହି ଯାତ୍ରା ଆରମ୍ଭ କରିଛି । ବିହାରର କିଶାନଗଞ୍ଜରେ ପ୍ରବେଶ କରିବ ରାହୁଲ ଗାନ୍ଧୀଙ୍କ ଭାରତ ଯୋଡ ନ୍ୟାୟ ଯାତ୍ରା ଆରମ୍ଭ ହୋଇଛି । ଆସନ୍ତା ଚାରି ଦିନ ମଧ୍ୟରେ ସାତଟି ଜିଲ୍ଲାରେ ଏହି ଯାତ୍ରା ପ୍ରବେଶ କରିବ ।
ଏହା ମଧ୍ୟ ପଢନ୍ତୁ-ଭାରତ ଯୋଡୋ ନ୍ୟାୟ ଯାତ୍ରା ପାଇଁ ଦାନ ମାଗିଲା କଂଗ୍ରେସ, 670 ଟଙ୍କା ଦେଲେ ଟି-ସାର୍ଟ ଦେବେ ରାହୁଲ
-
#WATCH | Kishanganj: Congress' Bharat Jodo Nyay Yatra enters Bihar. pic.twitter.com/9nfYCfNDro
— ANI (@ANI) January 29, 2024 " class="align-text-top noRightClick twitterSection" data="
">#WATCH | Kishanganj: Congress' Bharat Jodo Nyay Yatra enters Bihar. pic.twitter.com/9nfYCfNDro
— ANI (@ANI) January 29, 2024#WATCH | Kishanganj: Congress' Bharat Jodo Nyay Yatra enters Bihar. pic.twitter.com/9nfYCfNDro
— ANI (@ANI) January 29, 2024#WATCH | Kishanganj: Congress' Bharat Jodo Nyay Yatra enters Bihar. pic.twitter.com/9nfYCfNDro
— ANI (@ANI) January 29, 2024
ସକାଳ ସମୟରେ ପଶ୍ଚିମବଙ୍ଗର ଉତ୍ତର ଦିନାଜପୁରର ଚୋପ୍ରା ଅଞ୍ଚଳରୁ ଏହି ଯାତ୍ରା ଆରମ୍ଭ ହୋଇଥିଲା । ରାହୁଲ ଗାନ୍ଧୀଙ୍କ ସହ ଶହ ଶହ କଂଗ୍ରେସ କର୍ମୀ ଏଥିରେ ସାମିଲ ହୋଇଛନ୍ତି । ଏଠାରେ ଯାତ୍ରା ଶେଷ ହେବା ପରେ ବିହାରରେ ପ୍ରବେଶ କରିଛି । ରାଜ୍ୟରେ ବର୍ତ୍ତମାନ ରାଜନୈତିକ ମାହୋଲ ସରଗରମ ରହିଛି । ଭାଙ୍ଗିଛି ଆରଜେଡି-ଜେଡିୟୁ ମେଣ୍ଟ ସରକାର । ରବିବାରଠୁ ଆରମ୍ଭ ହୋଇଛି ଏନଡିଏ ନେତୃତ୍ବାଧିନ ସରକାର । ବିଜେପି ବିରୋଧରେ ଲୋକସଭା ନିର୍ବାଚନ ଲଢିବାକୁ ଇଣ୍ଡିଆ ମେଣ୍ଟରେ ବିରୋଧିଙ୍କୁ ଏକଜୁଟ କରୁଥିବା ନୀତିଶ କୁମାର ଏବେ ପୁଣି ଏନଡିଏଙ୍କୁ ଫେରିଛନ୍ତି ।
ରାହୁଲଙ୍କ ବିହାର ଗସ୍ତ ପୂର୍ବରୁ ନୂତନ ସରକାର: ଭାରତ ଯୋଡ ନ୍ୟାୟ ଯାତ୍ରା ଆଜି ବିହାରରେ ପ୍ରବେଶ କରିଛି । କଂଗ୍ରେସର 19 ଜଣ ବିଧାୟକ ତାଙ୍କୁ ସ୍ୱାଗତ କରିବାର କାର୍ଯ୍ୟକ୍ରମ ରହିଛି । ରାହୁଲଙ୍କ ଏହି ଯାତ୍ରା ପୂର୍ବରୁ ବିହାର ରାଜନୀତିରେ ବଡ ପରିବର୍ତ୍ତନ ହୋଇଛି । ଇଣ୍ଡିଆ ମେଣ୍ଟର ନେତା ନୀତିଶ କୁମାର ବିଜେପି ସହ ହାତ ମିଳାଇଛନ୍ତି । ରାଜ୍ୟରେ ଜେଡିୟୁ-ଏନଡିଏ ମେଣ୍ଟ ସରକାର ଆରମ୍ଭ ହୋଇଛି । ଯେଉଁ କାରଣରୁ ବିରୋଧୀଙ୍କ ମଧ୍ୟରେ ମତଭେଦ ସୃଷ୍ଟି ହୋଇଛି ।
4ଟି ଆସନରେ ରାହୁଲଙ୍କ ନଜର: ଏହି ଯାତ୍ରା ସମୟରେ ରାହୁଲ ଗାନ୍ଧୀ କିଶାନଗଞ୍ଜ, କଟିହାର, ପୂର୍ଣ୍ଣିଆ,ସାସରାମ ପରି ଚାରିଟି ସଂସଦୀୟ କ୍ଷେତ୍ରକୁ ଗସ୍ତ କରିବେ । ବିହାର ପରେ ଝାଡଖଣ୍ଡରେ ଭାରତ ଯୋଡ ନ୍ୟାୟ ଯାତ୍ରା ଆରମ୍ଭ ହେବ । ଗତ ନିର୍ବାଚନରେ କିଶାନଗଞ୍ଜରେ କଂଗ୍ରେସ ଗୋଟିଏ ଆସନରେ ବିଜୟୀ ହୋଇଥିଲା । ତେଣୁ ରାହୁଲଙ୍କ ଆଜିର ଭାରତ ଯୋଡ ନ୍ୟାୟ ଯାତ୍ରା ବେଶ ଗୁରୁତ୍ବ ବହନ କରୁଛି ।
