ହାଇଦ୍ରାବାଦ: ଗତ କିଛି ଦିନ ହେବ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ଏକ ଭିଡିଓ । ତାମିଲନାଡୁ ରାଜଧାନୀ ଚେନ୍ନାଇରେ ଷ୍ଟ୍ରିଟଫୁଡ ବିକ୍ରି କରି ନିଜର ଗୁଜୁରାଣ ମେଣ୍ଟାଉଛନ୍ତି ଜଣେ ଯୁବକ । ଯିଏକି ଜଣେ ‘ପିଏଚଡି’ ସ୍କଲାର । ଜଣେ ଆମେରିକୀୟ ପର୍ଯ୍ୟଟକ ତଥା ବ୍ଲଗରଙ୍କ ନଜରକୁ ଏହି ଘଟଣା ଆସିବା ପରେ, ଭିଡିଓଟିକୁ ନେଇ ଏବେ ଚର୍ଚ୍ଚା ଜୋର ଧରିଛି ।
- PhD ସ୍କଲାରଙ୍କ ଫାଷ୍ଟଫୁଡ୍ ଷ୍ଟଲ:
ଆମେରିକୀୟ ବ୍ଲଗର କ୍ରିଷ୍ଟୋଫର ଲ୍ୟୁଇସ ତାମିଲନାଡୁ ପରିଭ୍ରମଣରେ ଆସିଥିଲେ । ବିଭିନ୍ନ ସ୍ଥାନ ବୁଲିବା ପାଇଁ ସେ ଗୁଗୁଲ ସର୍ଚ୍ଚ କରୁଥିବା ବେଳେ ହଠାତ ତାଙ୍କ ନଜରକୁ ଆସିଥିଲା ଚେନ୍ନାଇରେ ଥିବା ଏହି ଫୁଡ୍ କାର୍ଟ । ତେଣୁ ସେ ସେହି ସ୍ଥାନକୁ ଯିବା ପାଇଁ ମନସ୍ଥ କଲେ । ସେଠାରେ ପହଞ୍ଚି ଯେତେବେଳେ ଦୋକାନୀଙ୍କ ସହ କଥାବାର୍ତ୍ତା କଲେ ସେତେବେଳେ ଲ୍ୟୁଇସଙ୍କ ଆଶ୍ଚର୍ଯ୍ୟର ସୀମା ରହିଲା ନାହିଁ । ଜାଣିବାକୁ ପାଇଲେ ଷ୍ଟ୍ରିଟଫୁଡ ବିକୁଥିବା ଯୁବକ ହେଉଛନ୍ତି ଜଣେ ପିଏଚଡି ସ୍କଲାର ।
- ଦୋକାନୀଙ୍କ ରିସର୍ଚ୍ଚ ଆର୍ଟିକିଲ ଦେଖି ତାଜୁବ ବ୍ଲଗର:
Google my name,Tarul Rayan , you will find my PhD research paper' on Biotechnology.
— CEO Voice (@CeoVoice_) August 7, 2024
PhD Scholar from Tamil Nadu selling street food 👌🙌 hardworking student 💪 pic.twitter.com/EcYa93THMQ
ଦୋକାନୀ ଜଣଙ୍କ ଲ୍ୟୁଇସଙ୍କୁ କହିଲେ, "ମୁଁ ବାଇଟେକନୋଲୋଜିରେ PhD ଅଧ୍ୟୟନ କରୁଛି । ଯଦି ଆପଣ ମୋ ନାଁ ଗୁଗୁଲରେ ସର୍ଚ୍ଚ କରନ୍ତି, ତେବେ ମୋର ଆର୍ଟିକିଲଗୁଡିକ ମଧ୍ୟ ଦେଖିବାକୁ ପାଇବେ ।" ଏହାପରେ ବ୍ଲଗର ଜଣଙ୍କ ତୁରନ୍ତ ଗୁଗୁଲ ସର୍ଚ୍ଚ କରି ସତକୁ ସତ ଦୋକାନୀଙ୍କ ଦ୍ବାରା ଲେଖାଯାଇଥିବା ଅନେକ ଆର୍ଟିକିଲ ଦେଖିଥିଲେ । ଦୋକାନୀଙ୍କ ନାଁ ତରୁଲ ରାୟାନ ହୋଇଥିବା ବେଳେ ସେ ଏସଆରଏମ ବିଶ୍ବବିଦ୍ୟାଳୟର ଛାତ୍ର ।
ଏହା ବି ପଢନ୍ତୁ...Crorepati Paan wala: MBA ପାନ ବାଲା, ଚାକିରି ଛାଡି କରିଛନ୍ତି ଦୋକାନ, ପାନ ବିକି କୋଟିପତି - MBA Paan Wala |
- ଆଖି ପିଛୁଳାକେ ଭାଇରାଲ ହେଲା ଭିଡିଓ:
ଗଣମାଧ୍ୟମ ରିପୋର୍ଟ ଅନୁସାରେ, ଆମେରିକୀୟ ବ୍ଲଗରଙ୍କ ଏହି ଭିଡିଓଟିକୁ ସଙ୍ଗେ ସଙ୍ଗେ 81.8K ରୁ ଅଧିକ ଲୋକେ ଦେଖିଥିଲେ । ଏଥିରେ ୟୁଜର୍ସମାନେ କମେଣ୍ଟ ଦେଇଛନ୍ତି ଯେ, ତାମିଲନାଡୁ ଛାତ୍ରମାନେ ବହୁତ ପରିଶ୍ରମୀ । ତେଣୁ ସେମାନେ ପାଠ ପଢିବା ସହ ନିଜର ପାର୍ଟ ଟାଇମ କମ ମଧ୍ୟ କରିଥାନ୍ତି ।
