ହାଇଦ୍ରାବାଦ: ଦ୍ବିତୀୟ ଥର ପାଇଁ ଲୋକସଭା ବାଚସ୍ପତି ଭାବେ ନିର୍ବାଚିତ ହୋଇଛନ୍ତି ଓମ ବିର୍ଲା । ବାଚନିକ ଭୋଟିଂରେ ନିର୍ବାଚିତ ହେବା ପରେ ଗୃହ ପରିଚାଳନା କରିଛନ୍ତି । ସଂସଦୀୟ ପରମ୍ପରା ଅନୁସାରେ, ଶାସକ ଓ ବିରୋଧୀ ସଦସ୍ୟମାନେ ତାଙ୍କୁ ଶୁଭେଚ୍ଛା ଜଣାଇଛନ୍ତି । ପ୍ରଧାନମନ୍ତ୍ରୀ ମୋଦି ମଧ୍ୟ ବିର୍ଲାଙ୍କୁ ଶୁଭେଚ୍ଛା ଜଣାଇବା ସହ ତାଙ୍କର ଗୃହ ପରିଚାଳନା ଶୈଳୀକୁ ପ୍ରଶଂସା କରିଛନ୍ତି । ବିର୍ଲାଙ୍କ ନେତୃତ୍ବରେ ଗତ ତଥା ସପ୍ତଦଶ ଲୋକସଭାରେ ବହୁ ଗୁରୁତ୍ବପୂର୍ଣ୍ଣ ନିର୍ଣ୍ଣୟରେ ପହଞ୍ଚିଛି । ସପ୍ତଦଶ ଲୋକସଭା ଭାରତୀୟ ସଂସଦୀୟ ଇତିହାସରେ ସ୍ବର୍ଣ୍ଣ ଅକ୍ଷରରେ ଲିପିବଦ୍ଧ ହୋଇ ରହିବ । ପ୍ରଧାନମନ୍ତ୍ରୀ କହିଥିଲେ,‘‘ସମଗ୍ର ଗୃହ ପକ୍ଷରୁ ମୁଁ ଆପଣଙ୍କୁ ଶୁଭେଚ୍ଛା ଜଣାଉଛି । ଅମୃତକାଳରେ ଦେଶ ପ୍ରବେଶ କରିସାରିଛି । ଏହି ସମୟରେ ଆପଣ ଦ୍ବିତୀୟ ଥର ଲୋକସଭାର ବାଚସ୍ପତି ଭାବେ ଦାୟିତ୍ବ ଗ୍ରହଣ କରୁଛନ୍ତି । ଆପଣଙ୍କ ମୁହଁରେ ଏହି ମିଠା ସ୍ମିତହାସ ସଦନକୁ ପ୍ରସନ୍ନ ରଖେ । ଏହି 5 ବର୍ଷ ଆପଣ ବେଶ ପ୍ରଭାବୀ ଭାବେ ଗୃହ ପରିଚାଳନା କରିବେ, ସେଥିରେ ସନ୍ଦେହ ନାହିଁ ।’’
#WATCH | Lok Sabha Speaker Om Birla says " i want to thank pm modi, parliamentary affairs minister kiren rijiu and all the members of the house for giving me the opportunity to work as the speaker of the house again. i want to thank everyone for showing trust in me..." pic.twitter.com/F2ZInmA3YE
— ANI (@ANI) June 26, 2024
ବାଚସ୍ପତି ନିର୍ବାଚିତ ହେବା ପରେ ବିରୋଧୀ ଦଳ ନେତା ରାହୁଲ ଗାନ୍ଧୀ ଓମ ବିର୍ଲାଙ୍କୁ ଶୁଭେଚ୍ଛା ଜଣାଇଛନ୍ତି । ଶୁଭେଚ୍ଛା ବିବୃତ୍ତିରେ ରାହୁଲ ଗୃହ ପରିଚାଳନା ପ୍ରକ୍ରିୟା ଓ ଏଥିରେ ବିରୋଧୀଙ୍କ ସ୍ବରକୁ ସ୍ଥାନ ଦେବା କଥା କହିଛନ୍ତି । ରାହୁଲ କହିଛନ୍ତି,‘‘ ଆମେ ଆତ୍ମବିଶ୍ବାସୀ ଯେ, ଆପଣ ବିରୋଧୀଙ୍କ ସ୍ବରକୁ ଗୃହରେ ଉଠାଇବା ପାଇଁ ଅନୁମତି ଦେବେ । ଦେଶବାସୀଙ୍କ ସ୍ବରକୁ ଉପସ୍ଥାନ କରିବାରେ ବିରୋଧୀ ଯଥେଷ୍ଟ ଅବସର ଓ ସୁଯୋଗ ପାଇବେ । ଗୃହ କେମିତି ପରିଚାଳନା କରାଯାଏ, ତାହା ବର୍ତ୍ତମାନର ପ୍ରଶ୍ନ ନୁହେଁ ବରଂ ଦେଶର ସ୍ବର କେମିତି ଗୃହରେ ଉପସ୍ଥାପିତ ହେବା ପାଇଁ ଅନୁମତି ପାଇବ, ତାହା ହିଁ ପ୍ରକୃତ ପ୍ରସଙ୍ଗ । ବିରୋଧୀଙ୍କ ସ୍ବରକୁ ନୀରବ କରିବା ଉପାୟ ଅଗଣତାନ୍ତ୍ରିକ । ଏହି ନିର୍ବାଚନରେ ଏହା ସ୍ପଷ୍ଟ ହୋଇଛି, ଦେଶବାସୀ ଚାହାନ୍ତି ଯେ, ବିରୋଧୀ ସେମାନଙ୍କ ସ୍ବର ଭାବେ ଗୃହରେ ଉତ୍ଥାପନ କରନ୍ତୁ । ଆମେ ଆଶା କରୁଛୁ, ବିରୋଧୀ ସେମାନଙ୍କ ସ୍ବର ଗୃହରେ ରଖିବାର ଅଧିକାର ପାଇବେ ।’’
#WATCH | Leader of Opposition, Rahul Gandhi says " i am confident that you will allow us to represent our voice, allow us to speak, allow us to represent the voice of the people of india. the question is not how efficiently the house is run. the question is how much of india's… pic.twitter.com/ZrusMlJ4uM
— ANI (@ANI) June 26, 2024
କ୍ରମାଗତ ଦ୍ବିତୀୟ ଥର ପାଇଁ ଲୋକସଭା ବାଚସ୍ପତି ଭାବେ ନିର୍ବାଚିତ ହେଲେ ବିଜେପିର ବରିଷ୍ଠ ନେତା ଓମ ବିର୍ଲା । ଆଜି ବାଚନିକ ଭୋଟିଂରେ ବିର୍ଲା ବାଚସ୍ପତି ଭାବେ ନିର୍ବାଚିତ ହୋଇଛନ୍ତି । ପ୍ରଧାନମନ୍ତ୍ରୀ ମୋଦି ବିର୍ଲାଙ୍କ ନାମରେ ପ୍ରସ୍ତାବ ଆଗତ କରିଥିଲେ । ବିରୋଧୀଙ୍କ ପକ୍ଷରୁ ମଧ୍ୟ ଇଣ୍ଡିଆ ମେଣ୍ଟ ପ୍ରାର୍ଥୀ କେ.ସୁରେଶଙ୍କ ନାମ ପ୍ରସ୍ତାବ ରଖାଯାଇଥିଲା । କାମଚଳା ବାଚସ୍ପତି ଭର୍ତ୍ତୃହରି ମହତାବ ବାଚନିକ ଭୋଟିଂ ପାଇଁ ରୁଲିଂ କରିଥିଲେ । ବିର୍ଲାଙ୍କ ସପକ୍ଷରେ ଅଧିକାଂଶ ସଦସ୍ୟ ମୌଖିକ ମତଦାନ କରିଥିଲେ । ଭଏସ ଭୋଟ ମାଧ୍ୟମରେ ବିର୍ଲାଙ୍କୁ ବାଚସ୍ପତି ଘୋଷଣା କରାଯାଇଥିଲା ।
#WATCH | NCP-SCP MP Supriya Sule says, " ...a lot has been done. in 5 years, you have done very good work. but when 150 of my colleagues were suspended, we were all saddened. so, it should be an effort to see that you do not think of suspension in the next 5 years. we are always… pic.twitter.com/MlF1g6g9dM
— ANI (@ANI) June 26, 2024
ସଂସଦୀୟ ପରମ୍ପରା ଅନୁସାରେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ବିରୋଧୀ ଦଳ ନେତା ରାହୁଲ ଗାନ୍ଧୀ ଓ ସଂସଦୀୟ ବ୍ୟାପାର ମନ୍ତ୍ରୀ କିରଣ ରିଜଜୁ ବିର୍ଲାଙ୍କୁ ବାଚସ୍ପତିଙ୍କ ପୋଡିୟମ ପର୍ଯ୍ୟନ୍ତ ପାଛୋଟି ନେଇଥିଲେ । କାମଚଳା ବାଚସ୍ପତିଙ୍କ ଠାରୁ ଦାୟିତ୍ବ ଗ୍ରହଣ କରିବା ପରେ ଗୃହରେ ଅଧ୍ୟକ୍ଷତା କରୁଛନ୍ତି ଓମ ବିର୍ଲା । ପ୍ରଧାନମନ୍ତ୍ରୀ ଓ ଅନ୍ୟ ସଦସ୍ୟମାନେ ଗୃହରେ ବିବୃତ୍ତି ରଖୁଛନ୍ତି ।
#WATCH | Lok Sabha Speaker Om Birla says " i want to thank pm modi, parliamentary affairs minister kiren rijiu and all the members of the house for giving me the opportunity to work as the speaker of the house again. i want to thank everyone for showing trust in me..." pic.twitter.com/F2ZInmA3YE
— ANI (@ANI) June 26, 2024
ବ୍ୟୁରୋ ରିପୋର୍ଟ, ଇଟିଭି ଭାରତ
