सीमा शुल्क विभागाची मोठी कारवाई; 20 प्रकरणांमध्ये 6.75 कोटी रुपयांचे सोने, इलेक्ट्रॉनिक वस्तू जप्त - Mumbai Airport gold smuggling

मुंबई Mumbai News : मुंबई सीमाशुल्क विभागानं गेल्या तीन दिवसांत छत्रपती शिवाजी महाराज आंतरराष्ट्रीय विमानतळावर कारवाई करत 20 प्रकरणात 9.76 किलोहून अधिक सोने आणि 6.75 कोटी रुपयांचे इलेक्ट्रॉनिक्स आणि 0.88 कोटी रुपयांचे विदेशी चलन, मेणातील सोन्याची पावडर,  अशुद्ध दागिने जप्त केले आहेत. सोने, प्लॅस्टिक शॅम्पूच्या बाटल्या, रबर शीट, सॅनिटरी पॅड, गुदद्वारात आणि गुप्त ठिकाणी प्रवाशांच्या शरीरात लपवून ठेवलेले आढळून आले. मिळालेल्या माहितीनुसार, शारजा आणि मस्कत येथून मुंबईला जाणाऱ्या दोन परदेशी नागरिकांना अटक करण्यात आली. 2850 ग्रॅम सोनं त्यांनी परिधान केलेल्या कुर्त्याच्या उजव्या खिशात रबर शीटच्या दोन थरांमध्ये चिकटवून लपवले होते. तर दुबईतील 9, मस्कतमधून 1 आणि जेद्दातून 1 प्रवासी प्रवास करणाऱ्या अशा एकूण अकरा भारतीय नागरिकांना थांबवण्यात आले,  त्यांच्याकडे ट्रे हँडलमध्ये लपवून ठेवलेले 2418.00 ग्रॅम सोने आणि इतर वस्तू आढळून आल्या. प्रवाशांचे विविध उच्च किंमतीचे मोबाईल फोन आहेत. विमानाच्या झडतीदरम्यान, 24 KT सोन्याच्या पट्ट्या (04 नग) आणि मेणातील 24 KT सोन्याची पावडर (01 नग) जप्त करण्यात आले. जप्त केलेल्या सोन्याचे वजन एकूण वजन 1103.00 ग्रॅम होते.