भव्य शक्तीप्रदर्शन करत रमेश बागवे यांनी भरला उमेदवारी अर्ज

पुणे : विधानसभेच्या महासंग्रामला सुरुवात झाली असून सर्वच पक्षाकडून उमेदवारी जाहीर झाली आहे. आज पुण्यासह राज्यातील वेगवेगळ्या मतदारसंघात उमेदवारांकडून उमेदवारी अर्ज भरण्यात येत आहे. पुणे शहरात देखील विविध मतदारसंघातील उमेदवारांकडून आज आपला उमेदवारी अर्ज दाखल करण्यात येत आहे. पुण्यातील कॅन्टोन्मेंट मतदारसंघात काँग्रेसचे उमेदवार माजी मंत्री रमेश बागवे यांनी देखील मोठं शक्तीप्रदर्शन करत आपला उमेदवारी अर्ज भरला आहे. पुण्यातील भवानी माता मंदिर येथं भवानी माताचं दर्शन घेत प्रचार रॅलीला सुरूवात झाली. या रॅलीमध्ये महाविकास आघाडीचे पदाधिकारी तसंच मोठ्या संख्येनं कार्यकर्ते उपस्थित होते. लोकसभेत पुणे कॅन्टोन्मेंट मतदारसंघातून जे लीड काँग्रेस उमेदवाराला देण्यात आलं, त्यापेक्षा जास्त मतांनी या विधानसभा निवडणुकीत जिंकणार असल्याचा विश्वास बागवे यांनी व्यक्त केला.