मॅकॅफीचा AI चालित डीपफेक डिटेक्टर भारतात लाँच, किंमत फक्त 499

McAfee deepfake detector : आता काही सेकंदात डीपफेक व्हिडिओ तुम्हाला शोधता येणार आहे. कारण मॅकॅफीचा एआय चालित डीपफेक डिटेक्टर भारतात लाँच झालाय.

हैदराबाद McAfee deepfake detector : जर तुम्हाला फक्त डीपफेक डिटेक्टर खरेदी करायचं असेल, तर तुम्ही फक्त हे डिपफेक डिटेक्टर 499 रुपयात खरेदी करु शकता. पण जर तुम्हाला McAfee+ चा संपूर्ण सुरक्षा पॅक घ्यायचा असेल त्या त्यासाठी तुम्हाला 2 हजार 398 रुपय मोजावे लागतील.

डीपफेक डिटेक्टर लाँच
सायबरसुरक्षा क्षेत्रातील दिग्गज कंपनी मॅकॅफीनं भारतात त्यांचं एआय-चालित डीपफेक डिटेक्टर लाँच केलं आहे. जर तुम्हाला बनावट व्हिडिओ आणि ऑडिओ ओळखाचे असतील तर, हे नवीन फीचर तुमच्यासाठी उपयुक्त ठरू शकतं. हे खास वैशिष्ट्य मायक्रोसॉफ्टच्या कोपायलट प्लस पीसी प्लॅटफॉर्मवरील निवडक उपकरणांवर उपलब्ध आहे.

एआयद्वारे छेडछाड
याबाबत मॅकॅफीनं म्हटलंय की, जर एखाद्या व्हिडिओमधील ऑडिओमध्ये एआय द्वारे छेडछाड केली गेली असेल तर, हे वैशिष्ट्य वापरकर्त्यांना त्वरित अलर्ट करतं. मनोरंजक गोष्ट म्हणजे यासाठी तुम्हाला व्हिडिओ अपलोड करण्याच्या त्रासातून जावं लागणार नाही. जर तुम्हाला फक्त डीपफेक डिटेक्टर खरेदी करायचा असेल तर त्याची किंमत फक्त 499 आहे. पण जर तुम्हाला McAfee+ चा संपूर्ण सुरक्षा पॅक घ्यायचा असेल तर तो थोडा महाग असेल. याची संपूर्ण किंमत 2 हजार 398 मध्ये रुपय आहे.

डीपफेक डिटेक्टर कसं करतं काम?
हे वैशिष्ट्य तुमच्या पीसीच्या न्यूरल प्रोसेसिंग युनिट (NPU) चा वापर करतं, ज्यामुळे बहुतेक प्रक्रिया तुमच्या डिव्हाइसवरच होऊ शकते. याचा अर्थ तुमची गोपनीयता पूर्णपणे सुरक्षित असेल. मनोरंजक गोष्ट म्हणजे हे वैशिष्ट्य केवळ जलद नाही, तर तुमच्या गोपनीयतेची देखील पूर्ण काळजी घेतं. जर तुम्हाला ऑडिओ डिटेक्शन फीचर बंद करायचं असेल तर तुम्हाला तो पर्याय देखील मिळेल.

मॅकॅफी स्मार्ट एआय हब देखील लाँच
यासोबतच, मॅकॅफीनं भारतात स्मार्ट एआय हब देखील लाँच केलं आहे. येथे तुम्हाला एआय आणि सायबर सुरक्षेशी संबंधित माहिती आणि घोटाळे टाळण्यासाठी टिप्स मिळतील. जर तुम्हाला एखादा संशयास्पद व्हिडिओ आढळला तर तुम्ही तो तपासासाठी देखील सबमिट करू शकता. तर, जर तुम्हालाही बनावट कंटेंटचा त्रास होत असेल, तर मॅकॅफीचे हे नवीन टूल तुमच्यासाठी खूप उपयुक्त ठरू शकतं.

हे वाचलंत का :