हैदराबाद : लेह, लडाखमध्ये देशातील पहिलं ॲनालॉग स्पेस मिशन सुरू झालं आहे. अनेक संस्था मिळून हे मिशन पूर्ण करत आहेत. यात इस्रो ह्युमन स्पेसफ्लाइट सेंटर, AAKA स्पेस स्टुडिओ, लडाख युनिव्हर्सिटी, IIT बॉम्बे आणि लडाख ऑटोनॉमस हिल डेव्हलपमेंट कौन्सिल यांचाही प्रकल्पात सहभाग आहे. भारतीय अंतराळवीर इतर ग्रहांवर कसे राहतील हा या मोहिमेचा मुख्य उद्देश आहे. तिथं वसाहती कशा बांधल्या जाणार? ते कसे जगतील? तिथं काय आव्हानं असतील? पृथ्वीपासून दूर असलेल्या दुसऱ्या ग्रहावर मानवाचा पाया काय असेल?,इत्यादीचा अभ्यास करण्यात येणार आहे.
मिशनमध्ये कोणाचा सहभाग असेल? : ISRO व्यतिरिक्त सरकारी संस्था, विद्यापीठांच्या संशोधन प्रयोगशाळा इत्यादींचे शास्त्रज्ञ या मिशनमध्ये सहभागी होणार आहेत. प्रतिकूल हवामानात कसे तग धरावं यावर नवीन संशोधन होणार आहे.
चाचण्या कशा घेतल्या जातील : नवीन तंत्रज्ञान, रोबोटिक उपकरणं, रोबोटिक वाहनं, अधिवास, दळणवळण, वीजनिर्मिती, गतिशीलता, पायाभूत सुविधा आणि साठवण यांची चाचणी घेतली जाईल.
मानवी वर्तनात बदल : या ॲनालॉग मिशनमध्ये, प्रतिकूल परिस्थितीत, धोकादायक हवामानात आणि इतर ग्रहांवर मानवी वर्तन कसं बदलतं, हे देखील पाहिलं जाईल. यामध्ये मानवांना एकटं ठेवलं तसंच त्यांना संघात ठेवण्यात येईल. त्यांना समान अन्नपदार्थ दिले जातील.
पूर्वीच्या मोहिमा : याआधी, पृथ्वीच्या वातावरणाच्या बाहेर जाण्यासाठी, चंद्रावर उतरण्यासाठी आणि कक्षेत पृथ्वीभोवती फिरण्यासाठी इतर देशांद्वारे आपण ॲनालॉग मोहिमा वापरल्या गेल्या आहेत. ॲनालॉग स्पेस मिशन धोकादायक आहे. कारण ते अज्ञात ठिकाणी केलं जातं. इथं लोकांना त्रास होतो. त्यांची चिडचिड होते. अशा स्थितीत अंतराळात कोणते नुकसान होईल, याचा अभ्यास केला जातो. जेणेकरून अंतराळवीरांना सुरक्षित ठेवता येईल. जसे रेडिएशन, एकाकीपणा, पृथ्वीपासूनचे अंतर, गुरुत्वाकर्षण इत्यादीपासून वाचवता येईल.
हे वचालंत का :
