मिरा भाईंदर Mira Bhayandar Crime : मिरारोडच्या विनय नगर परिसरात एका खासगी रुग्णालयातून 21 लाख रुपयांची रोख रक्कम चोरी झाल्याची घटना घडली होती. या प्रकरणी रुग्णालय प्रशासनाकडून काशिगाव पोलीस ठाण्यात (Kashigaon Police Station) चोरीचा गुन्हा दाखल करण्यात आला होता. या प्रकरणात पोलिसांनी तिघांना अटक केलीय.
काय आहे नेमकं प्रकरण? : मिरारोड येथील राधा रुग्णालयामध्ये एकवीस लाखाची चोरी झाल्याची घटना घडली होती. यात एक महिला बुरखा घालून रुग्णालयात चोरी करताना सीसीटीव्ही कॅमेरात कैद झाली. यातील दोघे याच रुग्णालयात कामाला होते. त्यातील मनीष कुमार मिश्राला रुग्णालयातील सर्व माहिती होती. रुग्णालय चालक कुठे पैसे ठेवतात? याचा सर्व अभ्यास करून मनीषने दोन आपल्या साथीदारांना ही माहिती दिली. कोणाला संशय येऊ नये म्हणून तो उत्तर प्रदेशाला निघून गेला. त्यानंतर बुरखा घालून 21 लाख लंपास केले.
काशिगाव पोलीस ठाण्यात गुन्हा दाखल : राधा रुग्णालयाचे मालक कपिल शुक्ला यांनी 20 सप्टेंबर रोजी काशिगाव पोलीस ठाण्यात गुन्हा दाखल केला होता. वरिष्ठ पोलीस निरीक्षक राहुल पाटील यांनी काशिगाव गुन्हे प्रकटीकरण टीमला तपासाची सूत्र सोपवली. पोलिसांनी तांत्रिकदृष्ट्या तपास करत मुख्य आरोपी मनीष कुमार मिश्राला उत्तर प्रदेशमधून ताब्यात घेतलं. तर बिहारमधून एकाला तर उत्तर प्रदेशातून तिसऱ्या आरोपीला ताब्यात घेऊन अटक केली.
चोरी केल्याची दिली कबुली : या त्रिकुटांनी चोरी केल्याचं कबूल केलं. त्यांच्याकडून 18 लाखाची रोकड हस्तगत करण्यात पोलिसांना यश आलंय. उर्वरित तीन लाख रुपये तिघांनी खर्च केल्याचं उघड झालं. ही कारवाई काशिगाव गुन्हे प्रकटीकरणचे उपनिरीक्षक अभिजीत लांडे आणि त्यांच्या टीमनं केल्याची माहिती, पोलीस उपायुक्त प्रकाश गायकवाड यांनी पत्रकार परिषदेत दिली.
हेही वाचा -
