ठाण्यात जादुई रंगपंचमी; होळीसाठी बाजारपेठेत "कलर लगाओ, कलर भगाओ छू मंतर" - Holi Festival 2024

Holi Festival 2024 : होळी, रंगपंचमीमुळं (Rang Panchami) बाजारात विविध आकारातील पिचकाऱ्या, विविध रंग आणि सणासाठीचे इतर साहित्य दाखल झाले आहेत. त्यामुळं नागरिकांची बाजारात रेलचेल दिसून येत आहे. विशेषत: विविध आकारातील पिचकाऱ्या चिमुकल्याना आकर्षित करू लागल्या आहेत.

ठाणे Holi Festival 2024 : होळी आणि रंगपंचमीचा सण (Rang Panchami) अवघ्या काही तासांवर येऊन ठेपला आहे. ठाण्याची बाजारपेठांमध्ये तसेच चौका चौकात उभारण्यात आलेल्या स्टॉलवर पिचकारी, मुखवटे, टोप्या, विविध प्रकारचे नैसर्गिक रंग विक्रीसाठी दाखल झाले आहेत. रंग खरेदी करण्यासाठी नागरिकांची एकच झुंबड उडाली आहे. यंदा बाजारपेठत "कलर लगाओ, कलर भगाओ...असा "छू मंतरच्या" जादूच्या कलरची भुरळ बच्चेकंपनीला पडली आहे.

जादूच्या कलरचं 'हे' आहे वैशिष्ट्य : रंगपंचमी सणानिमित्त बाजार रंगीबेरंगी रंगानी फुलुन गेली आहे. जादूच्या कलरनं अनेकांना आकर्षित केलं आहे. जादू कलर घेण्यासाठी चिमुकल्यांसह महिलांना देखील मोह आवरता येत नाही. या जादूच्या कलरचं वैशिष्ट्य म्हणजे हा कलर अंगाला अथवा कपड्याला लावल्यानंतर अवघ्या काही मिनिटातच कलर गायब होत असल्यानं सर्वांच्या पसंतीस उतरत आहे. अवघ्या पन्नास रुपयामध्ये जादूचा कलर बाजारात उपलब्ध झाला असल्यानं पालकांना देखील मुलांचं लाड पुरवता येणार आहेत. अनेक जणांना रंगपंचमी खेळताना ओला रंग अंगाला लावलेला आवडत नाही. अशांना जादूच्या रंगानं कोरडी रंगपंचमी खेळता येणार आहे. जांभळी नाका, नौपाडा मार्केट तसेच कळव्यातील दुकानांत जादूचे रंग विक्रीसाठी उपलब्ध आहेत.

पर्यावरणपूरक रंगांची जनजागृती : ठाण्यात जांभळी नाका बाजारात विविध आकारातील पिचकाऱ्यांनी दुकानं सजली आहेत. छोटा भीम पिचकारी मुलांच्या पसंतीस उतरत आहेत. रंगांमध्ये रासायनिक आणि पर्यावरणपूरक असे दोन प्रकार आहेत. रासायनिक रंग हे त्वचेसाठी घातक असल्यानं गेल्या काही वर्षांपासून नागरिकांमध्ये पर्यावरणपूरक रंग वापरण्याबाबत मोठ्या प्रमाणावर जनजागृती होत आहे.

हेही वाचा -