पुणे Pune Aircraft Accident : पुणे विमानतळावर गुरुवारी (16 मे) एअर इंडियाचं विमान धावपट्टीच्या दिशेनं जात असताना विमानाला 'पुश बॅक टग'ची टक्कर झाली. यावेळी विमानात सुमारे 180 प्रवासी होते.
यासंदर्भात अधिक माहिती देत पुणे विमानतळाच्या अधिकाऱ्यानं सांगितलं की, "सुमारे 180 प्रवाशांना घेऊन जाणाऱ्या विमानाचा समोरील भाग आणि लँडिग गिअरजवळील टायरचं नुकसान झालं. विमानातील सर्व प्रवासी आणि कर्मचारी सुरक्षित आहेत. अपघातानंतर प्रवाशांना तात्काळ विमानातून उतरविण्यात आलं. त्यानंतर त्यांना दिल्ली जाण्यासाठी पर्यायी विमानाची व्यवस्था करण्यात आली."
विमानाच्या किरकोळ अपघाताची नागरी विमान वाहतूक महासंचालनालयानं गंभीर दखल घेतली आहे. विमानाची टग ट्रकला धडक कशी झाली?, याबाबत संबंधितांची चौकशी सुरू केली. नागरी विमान वाहतूक महासंचालनालयानं (DGCA) टक्कर होण्याचं कारण शोधण्यासाठी चौकशी सुरू केली आहे. तसंच असे अपघात टाळण्यासाठी डीजीसीएकडून उपाययोजना करण्यात येणार आहेत. अपघातानंतर विमानतळाचे कामकाज नियमितपणं सुरू होतं. त्यानंतर विमानाची तपासणी आणि दुरुस्त करण्यासाठी विमान उड्डाणाकरिता वापरण्यात आलं. अखेर हे विमान दुरुस्त करण्यात आलंय.
इंदिरा गांधी विमानतळाला उडविण्याची मिळाली होती धमकी- नुकतेच दिल्लीच्या इंदिरा गांधी विमानतळावर दिल्ली-वडोदरा एअर इंडियाच्या फ्लाइटमध्ये विमानाच्या टॉयलेटमध्ये बॉम्ब हा शब्द लिहिलेला टिश्यू पेपर आढळला होता. क्रू मेंबरनं माहिती दिल्यानंतर सुरक्षा यंत्रणांनी तपास केला. त्यानंतर हा खोडसाळपणा असल्याचं आढळून आलं. मात्र, पोलिसांनी खबरदारी म्हणून प्रवाशांना विमानातून खाली उतरवून विमानात तपासणी केली होती. यापूर्वी रविवारी ईमेलद्वारे इंदिरा गांधी आंतरराष्ट्रीय विमानतळ बॉम्बनं उडविण्याची धमकी देण्यात आली होती. तीदेखील धमकी केवळ अफवा पसण्याचा हेतू असल्याचं सुरक्षा यंत्रणेला आढळून आलं.
हेही वाचा -
