मुंबई CM Medical Assistance Fund : मुख्यमंत्री वैद्यकीय सहाय्यता निधीतून रुग्णाना मदत मिळाली आहे. दुर्धर आजारानं ग्रस्त रुग्णांना गेल्या 2 वर्षांत एकूण 285 कोटी रुपयांची मदत मुख्यमंत्री वैद्यकीय सहाय्यता निधीतून मिळाली आहे. मुख्यमंत्री वैद्यकीय सहाय्यता कक्षाच्या माध्यमातून राज्यातील हजारो रुग्णांना यामुळं जीवदान मिळालं आहे.
प्रत्येक रुग्णाला मदत मिळाली पाहिजे : मागील 2 वर्षांत 35 हजारपेक्षा अधिक गोरगरीब, गरजू रुग्णांना एकूण 285 कोटी रुपयांची आर्थिक मदत मुख्यमंत्री वैद्यकीय सहायता कक्षाच्या माध्यमातून वितरित केली आहे. या कक्षाला मिळणारा चांगला प्रतिसाद पाहून, मुख्यमंत्री वैद्यकीय सहायता कक्ष हा महाराष्ट्र राज्य सरकारची महत्वाकांक्षी योजना ठरत असल्याचं संवेदनशील मुख्यमंत्री एकनाथ शिंदे यांनी म्हटलं आहे. तसंच येथे येणाऱ्या प्रत्येक रुग्णाला मदत मिळाली पाहिजे. एकही रुग्ण मदतीविना वंचित राहायला नको, अशी दक्षता घेण्याचे आदेश मुख्यमंत्री एकनाथ शिंदे यांनी दिले आहेत.
मदत कशी मिळवणार? : मुख्यमंत्री वैद्यकीय सहाय्यता निधीतून रुग्णांनी अर्थसहाय्य मिळविण्याची प्रक्रिया संपूर्णतः निःशुल्क आहे. यासाठी कोणत्याही संस्था, व्यक्तीला किंवा मध्यस्थांना पैसे देऊ नये, असं कक्षप्रमुख मंगेश चिवटे यांनी सांगितलं. तसंच मुख्यमंत्री वैद्यकीय सहायता मदत मिळवण्यासाठी मंत्रालयात देखील जाण्याची गरज नाही. याची प्रोसेस संपूर्णपणे ऑनलाईन आहे. यासाठी 8650567567 या टोल फ्री क्रमांकावर कॉल करून थेट आपल्या मोबाईलवर अर्ज मिळविता येतो, असं मंगेश चिवटे यांनी म्हटलं आहे आहे.
'हे' वाचलंत का :
- "निवडणूक होईपर्यंत महायुतीचा..."; मुख्यमंत्री एकनाथ शिंदेंनी दिली घोषणा - CM Eknath Shinde
- "दाऊद इब्राहिमलाच क्लीन चीट द्यायची बाकी", रवींद्र वायकर भूखंड घोटाळा प्रकरणावरुन संजय राऊतांचा हल्लाबोल - Sanjay Raut
- लोकसभेत मोदी-शाहांना दिलेलं आव्हान पूर्ण करण्यासाठी राहुल गांधी आज गुजरात दौऱ्यावर - Rahul Gandhi To Visit Gujarat
