बुलावायो ZIM vs PAK 1st T20I Live Streaming : झिम्बाब्वेविरुद्धची वनडे मालिका जिंकल्यानंतर पाकिस्तान क्रिकेट संघाची नजर आता T20 मालिकेवर आहे. पाकिस्तान आणि झिम्बाब्वे यांच्यातील T20 सामन्याची उत्सुकता आता सुरु होणार आहे. रविवारी दोन्ही संघांमध्ये पहिला सामना होणार आहे. दोन्ही संघांसाठी हा सामना खूप महत्त्वाचा आहे.
📸 The winning bunch ✌️✨#ZIMvPAK | #BackTheBoysInGreen pic.twitter.com/OjqWRIwIU0
— Pakistan Cricket (@TheRealPCB) November 28, 2024
पाकिस्ताननं जिंकली वनडे मालिका : सलमान आघाच्या नेतृत्वाखाली पाकिस्तानचा संघ पहिल्या T20 सामन्यात मैदानात उतरणार आहे. वनडे मालिकेबद्दल बोलायचं झाल्यास, झिम्बाब्वेनं पाकिस्तानविरुद्धच्या पहिल्या सामन्यात शानदार विजय मिळवला होता आणि यासह त्यांनी मालिकेत 1-0 अशी आघाडी घेतली होती. तर दुसऱ्या सामन्यात पाकिस्ताननं विजय मिळवत मालिकेत 1-1 अशी बरोबरी साधली. त्याचप्रमाणे निर्णायक सामन्यात पाकिस्तानची चमकदार कामगिरी पाहायला मिळाली आणि त्यांनी झिम्बाब्वे संघाचा पराभव करुन मालिका आपल्या नावावर केली.
पाकिस्तानच्या दिग्गजांना विश्रांती : पाकिस्तानचा संघाचा स्टार फलंदाज बाबर आझम आणि डावखुरा वेगवान गोलंदाज शाहीन आफ्रिदी यांना सहा सामन्यांच्या दौऱ्यासाठी विश्रांती देण्यात आली आहे, तर दुसरीकडे, झिम्बाब्वेवर विजय मिळविण्यासाठी पुरेशी आहे. झिम्बॉब्वे संघाकडून क्रेग एर्विन वनडे सामन्यात संघाचं नेतृत्व करणार आहे. अनुभवी अष्टपैलू शॉन विल्यम्ससह प्रमुख खेळाडू सिकंदर रझा याच्या समावेशामुळं त्यांची फळी मजबूत झाली आहे आणि त्यांना पाकिस्तानला आव्हान देण्याची संधी मिळाली आहे.
A 9️⃣9️⃣-run win in the third ODI to wrap up a series victory 👏
— Pakistan Cricket (@TheRealPCB) November 28, 2024
Onto the T20I action 🏏#ZIMvPAK | #BackTheBoysInGreen pic.twitter.com/4NRDV99ur6
दोन्ही संघाचा हेड-टू-हेड रेकॉर्ड काय : झिम्बाब्वे आणि पाकिस्तान यांच्यात आतापर्यंत 18 T20 आंतरराष्ट्रीय सामने खेळले गेले आहेत. या काळात पाकिस्तान संघाचं पारडं जड आहे. पाकिस्तान संघानं 16 सामने जिंकले आहेत. तर झिम्बाब्वेला केवळ दोनच सामने जिंकता आले आहेत.
T20 मालिकेचं वेळापत्रक :
- पहिला T20 सामना, 01 डिसेंबर, दुपारी 4:30 वाजता क्वीन्स स्पोर्ट्स क्लब, बुलावायो
- दुसरा T20 सामना, 03 डिसेंबर, दुपारी 4:30 वाजता क्वीन्स स्पोर्ट्स क्लब, बुलावायो
- तिसरा T20 सामना, 05 डिसेंबर, दुपारी 4:30 वाजता क्वीन्स स्पोर्ट्स क्लब, बुलावायो
Zimbabwe fall short as Pakistan clinch ODI series
— Zimbabwe Cricket (@ZimCricketv) November 28, 2024
Details 🔽https://t.co/jSYGn0zkVw pic.twitter.com/OCZKqHG4pB
खेळपट्टी कशी असेल : झिम्बाब्वे आणि पाकिस्तान यांच्यातील पहिला T20 सामना बुलावायो इथं होणार आहे. क्वीन्स स्पोर्ट्स क्लबच्या खेळपट्टीवर पहिल्या डावाची सरासरी 154 धावा आहे. या खेळपट्टीवर फलंदाजांना खूप मदत मिळते, परंतु वेगवान गोलंदाजांना नवीन चेंडूनं बाऊन्स आणि स्विंग मिळू शकते. या मैदानावर दुसऱ्या डावात खेळपट्टी संथ होते, ज्यामुळं फिरकीपटूंना मदत होते. या खेळपट्टीवर प्रथम फलंदाजी करताना 10 पैकी 9 सामने जिंकले आहेत. नाणेफेक जिंकणाऱ्या संघाने प्रथम फलंदाजी करावी जेणेकरून मोठी धावसंख्या फलकावर लावता येईल.
झिम्बाब्वे आणि पाकिस्तान यांच्यात पहिला T20 सामना कधी आणि कुठं होणार?
झिम्बाब्वे आणि पाकिस्तान यांच्यातील पहिला T20 सामना आज, रविवार, 01 डिसेंबर भारतीय वेळेनुसार दुपारी 4:30 वाजता बुलावायो येथील क्वीन्स स्पोर्ट्स क्लबमध्ये खेळवला जाईल. याची नाणेफेक अर्धा तास आधी म्हणजे 4 वाजता होणार आहे.
झिम्बाब्वे आणि पाकिस्तान यांच्यातील पहिला T20 सामना कुठं आणि कसा पाहायचा?
सध्या भारतातील कोणत्याही टीव्ही चॅनेलवर झिम्बाब्वे विरुद्ध पाकिस्तान यांच्यातील तीन सामन्यांच्या T20 मालिकेचं प्रसारण झाल्याची कोणतीही माहिती नाही. तथापि, झिम्बाब्वे विरुद्ध पाकिस्तान T20 मालिकेचं लाईव्ह स्ट्रीमिंग फॅनकोड ॲप आणि वेबसाइटवर भारतात उपलब्ध असेल.
मालिकेसाठी दोन्ही संघ :
झिम्बाब्वे संघ : क्रेग एर्विन (कर्णधार), फराज अक्रम, ब्रायन बेनेट, जॉयलॉर्ड गॅम्बी, ट्रेवर ग्वांडू, क्लाइव्ह मदांडे, टिनोटेंडा माफोसा, तदिवनाशे मारुमनी, ब्रँडन मावुता, ताशिंगा मुसेकिवा, ब्लेसिंग मुझाराबानी, डिओन मायर्डन, रिकान मायडर्स, डिओन मायडर्स. विल्यम्स.
पाकिस्तान संघ : आमिर जमाल, अब्दुल्ला शफीक, अबरार अहमद, अहमद डॅनियल, फैसल अक्रम, हारिस रौफ, हसिबुल्लाह (यष्टिरक्षक), कामरान गुलाम, मोहम्मद हसनैन, मोहम्मद रिझवान (यष्टिरक्षक), मोहम्मद इरफान खान, सैम अयुब, सलमान अली आगा (कर्णधार), शाहनवाज दहनी, तय्यब ताहिर.
हेही वाचा :
