केपटाऊन SA vs PAK 2nd ODI : दक्षिण आफ्रिका क्रिकेट संघाचा फिरकी गोलंदाज केशव महाराज डाव्या हाताच्या दुखापतीमुळं पाकिस्तानविरुद्धच्या उर्वरित वनडे मालिकेतून बाहेर पडला आहे. मंगळवारी पर्ल इथं पहिल्या वनडे सामन्यापूर्वी सराव करताना महाराजला दुखापत झाली. त्याच्या जागी वेगवान गोलंदाज अष्टपैलू अँडिले फेहलुकवायोचा दक्षिण आफ्रिकेच्या संघात समावेश करण्यात आलं होतं. महाराज उपचारासाठी डरबनला परतणार आहे, तर त्याच्या जागी ब्योर्न फॉर्च्युइनला पाकिस्तानविरुद्धच्या उर्वरित दोन वनडे सामन्यांसाठी संघात स्थान देण्यात आलं आहे, जे अनुक्रमे गुरुवार आणि रविवारी केपटाऊन आणि जोहान्सबर्ग इथं खेळले जाणार आहेत.
SQUAD UPDATE 🗞️
— Proteas Men (@ProteasMenCSA) December 19, 2024
Keshav Maharaj has been ruled out for the remainder of the One-Day International (ODI) series against Pakistan after scans revealed a left adductor strain.
He will return home to Durban for rehabilitation and will be reassessed ahead of the first Test against… pic.twitter.com/YTg8XFGchc
काय म्हणालं क्रिकेट दक्षिण आफ्रिका : क्रिकेट दक्षिण आफ्रिकेनं यासंदर्भात एका पोस्टमध्ये म्हटलं आहे की, "पाकिस्तानविरुद्धच्या पहिल्या कसोटीपूर्वी त्याच्या स्थितीचं पुनर्मूल्यांकन केलं जाईल. अंतिम दोन वनडे सामन्यांसाठी त्याच्या जागी ब्योर्न फोर्टुइनची निवड करण्यात आली आहे," असंही त्यात म्हटलं आहे. महाराजच्या दुखापतीमुळं दक्षिण आफ्रिकेच्या अनुपलब्ध गोलंदाजांच्या वाढत्या यादीत भर पडली आहे. यजमान ॲनरिक नॉर्टजे (फॅक्चर्ड टाय), गेराल्ड कोएत्झी (ग्रोइन), लुंगी एनगिडी (हिप), नांद्रे बर्जर (पाठीचा खालचा भाग) आणि वियान मुल्डर (फॅक्चर्ड बोट) या दिग्गज गोलंदाजां शिवाय खेळत आहेत. अलीकडेच, गकेबराहा इथं श्रीलंकेविरुद्धच्या सामन्याच्या अंतिम दिवशी दक्षिण आफ्रिकेच्या विजयात महाराजनं मोलाची भूमिका बजावत 76 धावांत 5 गडी बाद केले होते.
🟢🟡Match Day
— Proteas Men (@ProteasMenCSA) December 19, 2024
The Proteas are still in it, as they take on Pakistan in the 2nd ODI at World Sports Betting Newlands Cricket Ground, Cape Town!🇿🇦vs🇵🇰
Watch them battle it out to level the series at 1-1, before heading up to Joburg.🏏💥
📺Watch the action on SuperSport Channel… pic.twitter.com/ASzQzMcb2Y
त्याच्या जागी कोणाला संधी : महाराजच्या अनुपस्थितीत, दक्षिण आफ्रिका पाकिस्तानविरुद्धच्या कसोटी मालिकेसाठी डेन पीट आणि सेनुरान मुथुसामी या फिरकी गोलंदाजी पर्यायांकडे वळू शकतं. इतर संभाव्य उमेदवारांमध्ये फलंदाजी अष्टपैलू नील ब्रँडचा समावेश आहे, जो डावखुरा फिरकी गोलंदाजी करतो आणि या वर्षाच्या सुरुवातीला न्यूझीलंडचा दौरा केला होता; लेगस्पिनर शॉन वॉन बर्ग, ज्यानं त्याच दौऱ्यात पदार्पण केलं; आणि डावखुरा फिरकीपटू तबरेझ शम्सी, त्यानं शेवटचा 2021 मध्ये प्रथम श्रेणी सामना खेळला होता.
Big blow for the Proteas as key spinner is ruled out of the remainder of the #SAvPAK ODIs.https://t.co/jZAZCh2JaB
— ICC (@ICC) December 19, 2024
पाकिस्तानविरुद्ध विजयाची गरज : पाकिस्तानविरुद्धच्या दोन सामन्यांच्या मालिकेतील पहिला कसोटी सामना 26 डिसेंबरपासून सेंच्युरियनमध्ये सुरु होणार आहे. जागतिक कसोटी चॅम्पियनशिप गुणतालिकेत सध्या पहिल्या क्रमांकावर असलेल्या दक्षिण आफ्रिकेला अंतिम फेरीत स्थान निश्चित करण्यासाठी आणखी एका विजयाची गरज आहे.
हेही वाचा :
