जेद्दाह Rishabh Pant Most Expensive Player in IPL History : आयपीएल 2025 साठी मेगा लिलाव सुरु आहे. सुरुवातीला 12 मार्की खेळाडूंवर बोली लावण्यात आली. यावेळी मार्की खेळाडूंच्या यादीत सात भारतीय आणि पाच परदेशी खेळाडूंचा समावेश आहे. हे सर्व खेळाडू क्रिकेट जगतात खूप लोकप्रिय आहेत, त्यांनी गेल्या काही वर्षांत T20 क्रिकेटमध्ये चांगली कामगिरी केली आहे.
𝐓𝐇𝐄 𝐑𝐄𝐂𝐎𝐑𝐃 𝐈𝐒 𝐁𝐑𝐎𝐊𝐄𝐍 𝐀𝐆𝐀𝐈𝐍! 😮
— IndianPremierLeague (@IPL) November 24, 2024
WOWZAAA 💰
Rishabh Pant goes to @LucknowIPL for INR 27 Crore! 💥💥#TATAIPLAuction
पंतनं रचला इतिहास : सर्वांच्या नजरा ऋषभ पंतवर खिळल्या होत्या. पंतला लिलावापूर्वी दिल्ली कॅपिटल्स संघानं सोडलं होतं. त्याच्यावर मोठी बोली लावली जाणार हे निश्चित होतं आणि नेमकं तेच झालं. लखनऊ सुपर जायंट्स संघानं पंतला तब्बल 27 कोटी रुपयांत खरेदी केलं. 2016 नंतर पंत पहिल्यांदाच दिल्लीशिवाय अन्य संघाकडून खेळताना दिसणार आहे. पंत अलीकडं उत्कृष्ट फॉर्ममध्ये आहे. गेल्या वर्षी कार अपघातानंतर परतल्यानंतर त्यानं खूप धावा केल्या. लखनऊचा संघ त्याला कर्णधार बनवू शकतो.
𝗥𝗲𝗰𝗼𝗿𝗱-𝗯𝗿𝗲𝗮𝗸𝗶𝗻𝗴 𝗥𝗶𝘀𝗵𝗮𝗯𝗵 🔝
— IndianPremierLeague (@IPL) November 24, 2024
Snippets of how that Historic bidding process panned out for Rishabh Pant 🎥 🔽 #TATAIPLAuction | #TATAIPL | @RishabhPant17 | @LucknowIPL | #LSG pic.twitter.com/grfmkuCWLD
अय्यरला टाकलं मागे : यासह पंत आयपीएलच्या इतिहासात सर्वाधिक किंमतीला विकला जाणारा खेळाडू बनला आहे. यात, त्यानं श्रेयस अय्यरला मागं सोडलं आहे, जो थोड्याच वेळापूर्वी 26.75 कोटी रुपयांना विकला गेला होता. ऋषभ पंतसाठी लखनऊ आणि आरसीबी यांच्यात सुरुवातीला युद्ध रंगलं होतं. पंत 2 कोटींच्या मूळ किंमतीसह लिलावात उतरला होता आणि अल्पावधीतच त्याची किंमत 10 कोटींच्या पुढं गेली होती. यादरम्यान हैदराबादही शर्यतीत सामील झाला, पण लखनऊनंही हार मानली नाही.
लखनऊनं केलं खरेदी : हैदराबादची मालक काव्या मारन आणि लखनऊचे मालक संजय गोयंका यांनी पंतसाठी लिलावाच्या टेबलावर बोली लावली आणि काही वेळातच त्याची किंमत 17 कोटींच्या पुढं गेली. हैदराबाद आणि लखनऊ इथंच थांबले नाहीत आणि पंतवरील बोली वाढतच गेली. लखनऊनं पंतसाठी 20.75 कोटी रुपयांची बोली लावली आणि हैदराबादनं माघार घेतली. मात्र, दिल्लीनं आरटीएमचा वापर केला. यानंतर लखनऊनं पंतसाठी 27 कोटींची ऑफर दिली आणि दिल्लीनं हात मागे घेतला. अशाप्रकारे पंत 27 कोटी रुपयांना विकला गेला आणि लखनऊनं त्याला आयपीएलमधील सर्वात महागडा खेळाडू म्हणून खरेदी केलं.
🚨 𝗠𝗼𝘀𝘁 𝗘𝘅𝗽𝗲𝗻𝘀𝗶𝘃𝗲 𝗣𝗹𝗮𝘆𝗲𝗿 𝗔𝗹𝗲𝗿𝘁 🚨
— IndianPremierLeague (@IPL) November 24, 2024
𝙇𝙚𝙩 𝙏𝙝𝙚 𝘿𝙧𝙪𝙢𝙧𝙤𝙡𝙡𝙨 𝘽𝙚𝙜𝙞𝙣 🥁 🥁
𝗥𝗶𝘀𝗵𝗮𝗯𝗵 𝗣𝗮𝗻𝘁 to 𝗟𝘂𝗰𝗸𝗻𝗼𝘄 𝗦𝘂𝗽𝗲𝗿 𝗚𝗶𝗮𝗻𝘁𝘀 for a gigantic 𝗜𝗡𝗥 𝟮𝟳 𝗖𝗿𝗼𝗿𝗲 🔝⚡️ #TATAIPLAuction | #TATAIPL | @RishabhPant17 | @LucknowIPL |… pic.twitter.com/IE8DabNn4V
पंतची आयपीएल कारकिर्द कशी : पंतनं 2016 पासून त्याच्या संपूर्ण आयपीएल कारकिर्दीत दिल्ली कॅपिटल्सचं (डीसी) प्रतिनिधित्व केलं आहे. या काळात त्यानं दिल्लीसाठी 110 सामन्यांमध्ये 35.31 च्या सरासरीनं एक शतक आणि 18 अर्धशतकांसह 3,284 धावा केल्या आहेत. त्याला 2021 मध्ये संघाचा कर्णधार म्हणून नियुक्त करण्यात आलं आणि त्याच हंगामात त्यानं आपल्या संघाला प्लेऑफमध्ये नेलं होतं.
हेही वाचा :
