नवी दिल्ली 8 Runs in Zero Ball : क्रिकेट खेळाचा इतिहास खुप मोठा आहे. 147 वर्षांच्या क्रिकेटच्या इतिहासात अनेक असे आश्चर्यकारक विक्रम झाले आहेत, जे जाणून लोक विचार करायला भाग पाडतात. असाच एक आश्चर्यकारक विक्रम पाकिस्तानचा माजी मध्यमगती गोलंदाज अब्दुर रहमानच्या नावावर आहे. सध्या पाकिस्तान क्रिकेट संघ झिम्बाब्वेच्या दौऱ्यावर आहे. या दौऱ्यात त्यांनी वनडे मालिका जिंकली आहे. तर T20 मालिकेत ते आघाडीवर आहेत.
🚨 TOSS ALERT 🚨
— Pakistan Cricket (@TheRealPCB) December 3, 2024
Zimbabwe win the toss and elect to bat first 🏏#ZIMvPAK | #BackTheBoysInGreen pic.twitter.com/5x66OKGNaT
काय आहे विक्रम : वास्तविक, 2014 सालच्या आशिया कपच्या आठव्या सामन्यात पाकिस्तानचा संघ बांगलादेशशी सामना करत होता. या सामन्यात पाकिस्तानच्या कर्णधारानं 11वं षटक रहमानकडं सोपवलं. या षटकात पाकिस्तानी वेगवान गोलंदाजानं असं काही केलं, ज्यानंतर त्याचं नाव आशिया कपच्या रेकॉर्ड बुकमध्ये नोंदवलं गेलं. अब्दुर रहमाननं त्याच्या ओव्हरचा पहिला चेंडू फलंदाजाच्या डोक्यावर टाकला. गोलंदाजी करताना त्याच्या हातातून चेंडू निसटला आणि चेंडू फलंदाजाच्या डोक्यावरुन गेला. या चेंडूवर विरोधी संघाला नो बॉलच्या रुपात एक धाव मिळाली. पुढच्या चेंडूवर त्यानं पूर्ण टॉस टाकला जो कमरेच्या वर होता. पंचांनीही तो नो बॉल घोषित केला आणि विरोधी संघालाही या चेंडूवर एकच धाव मिळाली.
तीन नो बॉल टाकले : क्रिकेटच्या मैदानात अनेकदा असं दिसून येतं की, गोलंदाजानं कंबरेच्या उंचीपेक्षा सलग दोन चेंडू टाकले तर त्याला गोलंदाजी करण्यापासून काढून टाकलं जातं. रहमानच्या विरोधात अंपायरनं काहीशी नम्रता दाखवली असली तरी तो यानंतरही अपयशी ठरला. पाकच्या वेगवान गोलंदाजानं तिसराही चेंडू कमरेच्या वर टाकला आणि अंपायरनं पुन्हा एकदा तो नो बॉल घोषित केला. एवढंच नाही तर तिसऱ्या चेंडूवर चौकारही लागला. त्यामुळं फलंदाजी संघाला पाच धावा मिळाल्या.
Pakistan spinner Abdur Rehman has announced his retirement from international cricket.
— ICC (@ICC) October 10, 2018
He played 22 Tests, 31 ODIs and 8 T20Is.
➡️ https://t.co/8o0OEaSUM1 pic.twitter.com/TiozkdGbKb
एकही चेंडू न टाकता दिल्या आठ धावा : अब्दुर रहमानच्या सततच्या खराब गोलंदाजीमुळं हताश झालेल्या अंपायरनं अखेर त्याला गोलंदाजीवरुन काढून टाकावं लागलं. या षटकात त्यानं तीन चेंडू टाकले, जे तीनही नो बॉल होते. यात विरोधी संघाच्या एकूण आठ धावा झाल्या. अशा प्रकारे आशिया कपमध्ये एकही चेंडू न टाकता आठ धावा देणारा रहमान गोलंदाज ठरला.
अब्दुर रहमानचं गोलंदाजीचं समीकरण :
- पहिला चेंडू नो बॉल : एक धाव
- दुसरा चेंडू नो बॉल : एक धाव + फलंदाज धावबाद होऊन एक धाव = दोन धावा
- तिसरा चेंडू नो बॉल : एक धाव + चार = पाच धावा
हेही वाचा :
