32 वर्षांत पहिला सामना जिंकत पाहुण्यांचा संघ विक्रम करणार? निर्णायक मॅच 'इथं' पाहा लाईव्ह

भारत विरुद्ध आयर्लंड महिला क्रिकेट संघांमध्ये तीन सामन्यांची वनडे मालिका सुरु आहे. यातील पहिला सामना जिंकत भारतानं 1-0 अशी आघाडी घेतली आहे.

राजकोट INDW vs IREW 2nd ODI Live Streaming : भारतीय महिला राष्ट्रीय क्रिकेट संघ आणि आयर्लंड महिला राष्ट्रीय क्रिकेट संघ यांच्यातील तीन सामन्यांच्या वनडे मालिकेतील दुसरा वनडे सामना 12 जानेवारी रोजी खेळला जाणार आहे. दोन्ही संघांमधील हा सामना राजकोटमधील सौराष्ट्र क्रिकेट असोसिएशनच्या स्टेडियमवर खेळवला जाईल. 10 जानेवारी रोजी झालेल्या या मालिकेतील पहिल्या वनडेत भारतानं 6 विकेटनं जिंकत मालिकेत 1-0 अशी आघाडी घेतली आहे. आता दुसरा सामना जिंकत मालिका खिशात घालण्यासाठी यजमान भारतीय संघ मैदानात उतरेल.

Smiles 🔛

3⃣, 2⃣, 1⃣ & Let's 𝗚𝗢!🙌 🙌

UPDATES ▶️ https://t.co/bcSIVpjnlo#TeamIndia | #INDvIRE | @IDFCFIRSTBank pic.twitter.com/ORQzmhAAVM

— BCCI Women (@BCCIWomen) January 10, 2025

पहिल्या सामन्यात भारताचा विजय : तत्पुर्वी पहिल्या वनडे सामन्यात आयर्लंडची कर्णधार गॅबी लुईसनं नाणेफेक जिंकून प्रथम फलंदाजी करण्याचा निर्णय घेतला. पण त्यांची सुरुवात निराशाजनक झाली कारण चार फलंदाज फक्त 56 धावांवर बाद झाले. मात्र आयर्लंडकडून कर्णधार गॅबी लुईसनं 92 धावांची शानदार खेळी केल्यानं आयर्लंड संघानं निर्धारित 50 षटकांत सात गडी गमावून 238 धावा केल्या. यानंतर लक्ष्याचा पाठलाग करताना, टीम इंडियाची सुरुवात चांगली झाली आणि दोन्ही सलामीवीरांनी पहिल्या विकेटसाठी आक्रमक फलंदाजी केली आणि पहिल्या विकेटसाठी 70 धावांची भागीदारी केली. भारताकडून सलामीवीर प्रतिका रावलनं 89 धावांची शानदार खेळी केली. परिणामी टीम इंडियानं 34.3 षटकांतच चार विकेट गमावून लक्ष्य गाठलं.

Pratika Rawal's Press Conference 🎙️

Tejal Hasabnis' Maiden International Fifty ✅

Presenting a tale of two firsts from #TeamIndia's win in the First ODI 👌👌 - By @mihirlee_58 #INDvIRE | @IDFCFIRSTBank pic.twitter.com/SPangGYBcH

— BCCI Women (@BCCIWomen) January 11, 2025

भारतीय संघ नवीन कर्णधाराच्या नेतृत्वात उतरणार : या मालिकेसाठी 15 सदस्यीय भारतीय महिला संघाची घोषणा करण्यात आली आहे. या मालिकेत कर्णधार हरमनप्रीत कौरला वेगवान गोलंदाज रेणुका सिंग ठाकूरसह विश्रांती देण्यात आली आहे. हरमनप्रीतच्या अनुपस्थितीत, सलामीवीर स्मृती मंधाना कर्णधारपदाची जबाबदारी सांभाळेल, तर अष्टपैलू दीप्ती शर्मा संघाची उपकर्णधार असेल.

For her strong opening act in the chase, Pratika Rawal bags the Player of the Match award! 👍 👍

Scorecard ▶️ https://t.co/bcSIVpiPvQ#TeamIndia | #INDvIRE | @IDFCFIRSTBank pic.twitter.com/LQNMKP11nk

— BCCI Women (@BCCIWomen) January 10, 2025

आयरिश संघात अनुभवी खेळाडू : दुसरीकडे, गॅबी लुईस या मालिकेत आयर्लंडचं नेतृत्व करेल. याशिवाय, ओर्ला प्रेंडरगास्ट, अवा कॅनिंग, क्रिस्टीना कुल्टर-रेली, अलाना डालझेल यांच्यासह अनेक अनुभवी खेळाडूंना संधी देण्यात आली आहे. वेस्ट इंडिज महिलांविरुद्ध वनडे आणि T20 मालिकेत शानदार विजय मिळवल्यानंतर भारतीय महिला संघ या मालिकेत प्रवेश करेल. टीम इंडियानं वेस्ट इंडिजविरुद्ध T20 मालिका 2-1 नं तर वनडे मालिका 3-0 नं जिंकली होती.

𝗔 𝗖𝗼𝗺𝗽𝗿𝗲𝗵𝗲𝗻𝘀𝗶𝘃𝗲 𝗪𝗶𝗻! 🙌 🙌

A solid show from #TeamIndia to seal a 6⃣-wicket victory over Ireland in the series opener! 👏 👏

Scorecard ▶️ https://t.co/bcSIVpjnlo#INDvIRE | @IDFCFIRSTBank pic.twitter.com/ttWtOphIzO

— BCCI Women (@BCCIWomen) January 10, 2025

आयसीसी क्रमवारी कशी : भारत आणि आयर्लंड यांच्यातील सामना आयसीसी चॅम्पियनशिप अंतर्गत खेळला जाईल. आयसीसी वनडे क्रमवारीत आयर्लंड महिला संघ 11व्या स्थानावर आहे. तर भारतीय महिला संघ तिसऱ्या स्थानावर आहे. दोन्ही संघांमध्ये एक रोमांचक सामना पाहायला मिळतो.

𝗠𝗶𝗹𝗲𝘀𝘁𝗼𝗻𝗲 𝗨𝗻𝗹𝗼𝗰𝗸𝗲𝗱 🔓

4⃣0⃣0⃣0⃣ ODI runs and going strong! 👍 👍

Congratulations, Smriti Mandhana 👏 👏

UPDATES ▶️ https://t.co/bcSIVpiPvQ#TeamIndia | #INDvIRE | @IDFCFIRSTBank pic.twitter.com/kI32uFeRX0

— BCCI Women (@BCCIWomen) January 10, 2025

दोन्ही संघांमधील हेड-टू-हेड रेकॉर्ड काय : भारतीय महिला आणि आयर्लंड महिला संघ वनडे सामन्यांमध्ये 13 वेळा एकमेकांसमोर आले आहेत. ज्यामध्ये भारतीय महिला संघाचं वर्चस्व असल्याचं दिसून येतं. भारतीय महिलांनी 13 पैकी 13 वनडे सामने जिंकले आहेत. तर आयर्लंडला एकही विजय मिळालेला नाही. यावरुन भारतीय महिला संघ अधिक मजबूत असल्याचं दिसून येतं. त्यातच भारतीय संघाला घरच्या मैदानावर खेळण्याचा फायदा मिळू शकतो. 26 जुलै 1993 मध्ये दोन्ही संघांदरम्यान पहिला सामना खेळवण्यात आला होता. तेव्हापासून आयरिश संघाला भारताविरुद्ध विजय मिळवता आलेला नाही.

खेळपट्टी कशी असेल : निरंजन शाह स्टेडियमवर खेळल्या गेलेल्या तिन्ही वनडे सामन्यांमध्ये प्रथम फलंदाजी करणाऱ्या संघानं विजय मिळवला. ही विकेट प्रथम फलंदाजीसाठी योग्य दिसते, नंतरच्या टप्प्यात गोलंदाजांना काही मदत होईल. आतापर्यंत या मैदानावरील खेळपट्टी फलंदाजीसाठी चांगली होती. तथापि, नवीन चेंडू वेगवान गोलंदाजांना मदत करु शकतो. पण तरीही ही विकेट फलंदाजीसाठी चांगली असेल.

Congrats to @lewis_gaby - with today’s innings the Skipper becomes Ireland Women’s highest run-scorer in ODIs.

👏👏👏#BackingGreen #FuelledByCerta ☘️🏏 pic.twitter.com/E4XoGEvLYI

— Cricket Ireland (@cricketireland) January 10, 2025

भारत महिला आणि आयर्लंड महिला संघात दुसरा वनडे सामना कधी खेळला जाईल?

भारत महिला आणि आयर्लंड महिला संघांमधील दुसरा वनडे सामना रविवार, 12 जानेवारी रोजी सकाळी 11 वाजता राजकोट येथील सौराष्ट्र क्रिकेट असोसिएशन स्टेडियमवर खेळला जाईल.

भारत महिला आणि आयर्लंड महिला संघांमधील दुसरा वनडे सामना कुठं आणि कसा पाहायचा?

भारतीय महिला आणि आयर्लंड महिला वनडे मालिका स्पोर्ट्स 18 वाहिन्यांवर थेट प्रक्षेपित केली जाईल. तर या सामन्याचं लाईव्ह स्ट्रीमिंग जिओ सिनेमा अॅप आणि वेबसाइटवर उपलब्ध असेल.

That’s it. India take Game One of this three-match series. Despite the result, plenty to build on for our squad.

Join us again on Sunday morning for the second ODI.#BackingGreen #FuelledByCerta ☘️🏏 pic.twitter.com/uplrxtTQJb

— Ireland Women’s Cricket (@IrishWomensCric) January 10, 2025

सामन्यासाठी दोन्ही संघ :

भारतीय संघ : स्मृती मानधना (कर्णधार), दीप्ती शर्मा (उपकर्णधार), प्रतिका रावल, हरलीन देओल, जेमिमा रॉड्रिग्ज, उमा छेत्री (यष्टीरक्षक), ऋचा घोष (यष्टीरक्षक), तेजल हसबनीस, राघवी बिस्ट, मिन्नू मणी, प्रिया मिश्रा, तनुजा कंवर, तितस साधू, साईमा ठाकोर, सायली सातघरे

आयर्लंड संघ : गॅबी लुईस (कर्णधार), अवा कॅनिंग, क्रिस्टीना कुल्टर-रेली, अलाना डालझेल, लॉरा डेलानी, जॉर्जिना डेम्पसी, सारा फोर्ब्स, अर्लीन केली, जोआना लॉफरन, एमी मॅग्वायर, लीह पॉल, ओर्ला प्रेंडरगास्ट, उना रेमंड-होई, फ्रेया सार्जेंट, रेबेका स्टोएकेल

हेही वाचा :