दुबई Hardik Pandya No 1 All Ronder : भारतीय क्रिकेट संघाचा अष्टपैलू खेळाडू हार्दिक पांड्यानं भारताला यावर्षी T20 विश्वचषक जिंकून देण्यात महत्त्वाची भूमिका बजावली. तेव्हापासून, तो गोलंदाजी आणि फलंदाजीत T20 क्रिकेटमध्ये भारतीय संघासाठी महत्त्वपूर्ण योगदान देत आहे. अलीकडेच, हार्दिक पांड्यानं दक्षिण आफ्रिका दौऱ्यातही चांगली कामगिरी केली, त्याचा फायदा त्याला ICC क्रमवारीत झाला. हार्दिक पांड्या आता ICC क्रमवारीत नंबर 1 T20 अष्टपैलू खेळाडू बनला आहे. पांड्यानं 2 स्थानांनी झेप घेत हा मोठा टप्पा गाठला. भारतीय अष्टपैलू खेळाडूनं इंग्लंडचा दिग्गज अष्टपैलू खेळाडू लियाम लिव्हिंगस्टोनकडून अव्वल स्थान हिसकावून घेतलं.
A return to No.1 for one of India's best in the latest T20I Rankings 👊https://t.co/NpVQN2k53C
— ICC (@ICC) November 20, 2024
दुसऱ्यांदा पटकावलं अव्वल स्थान : हार्दिक पांड्यानं 2024 मध्ये दुसऱ्यांदा ICC पुरुषांच्या T20I अष्टपैलू रँकिंगमध्ये अव्वल स्थान पटकावलं आहे. यावरुन तो या फॉरमॅटमध्ये भारतीय संघासाठी किती महत्त्वाचा आहे याचा अंदाज लावला जाऊ शकतो. या वर्षी हार्दिकनं T20I क्रिकेटमध्ये 352 धावा केल्या आहेत. याशिवाय त्यानं यावर्षी 16 विकेट्सही आपल्या नावावर केल्या आहेत. हार्दिकनं दक्षिण आफ्रिका दौऱ्यावर शेवटच्या T20I सामन्यात गोलंदाजीत अप्रतिम कामगिरी केली होती. त्यानं 3 षटकांत केवळ 8 धावा देत 1 बळी घेण्याचा महान पराक्रम केला होता. यादरम्यान त्यानं एक मेडन ओव्हरही टाकला होता.
🚨 HARDIK PANDYA - THE NEW NO.1 RANKED T20I ALL ROUNDER. 🚨 pic.twitter.com/SykrcWpVpm
— Mufaddal Vohra (@mufaddal_vohra) November 20, 2024
हार्दिकनं वर्षभरात दुसऱ्यांदा अव्वल स्थान पटकावलं : हार्दिक 244 रेटिंग गुणांसह T20I अष्टपैलूंच्या क्रमवारीत अव्वल स्थानावर आहे तर नेपाळचा दीपेंद्र सिंग ऐरी दुसऱ्या स्थानावर आहे. लियाम लिव्हिंगस्टोन 2 स्थानांनी घसरुन तिसऱ्या स्थानावर आहे. ऑस्ट्रेलियाचा मार्कस स्टॉइनिस चौथ्या तर श्रीलंकेचा वानिंदू हसरंगा पाचव्या स्थानावर आहे. अफगाणिस्तानचा मोहम्मद नबी सहाव्या तर झिम्बाब्वेचा सिकंदर रझा सातव्या स्थानावर आहे. ICC क्रमवारीत अव्वल-10 अष्टपैलू खेळाडूंमध्ये वेस्ट इंडिजचा रोमॅरियो शेफर्ड 8व्या, दक्षिण आफ्रिकेचा एडन मार्कराम 9व्या आणि गेरहर्ड इरास्मस 10व्या स्थानावर आहे.
हार्दिक पांड्या ऑस्ट्रेलिया दौऱ्यावर गेलेल्या कसोटी संघाचा भाग नाही. तो बऱ्याच काळापासून कसोटी संघाबाहेर आहे. तथापि, पांड्या लवकरच त्याचा भाऊ कृणाल पांड्याच्या नेतृत्वाखाली आगामी सय्यद मुश्ताक अली ट्रॉफीमध्ये बडोद्यासाठी देशांतर्गत क्रिकेट खेळताना दिसणार आहे.
हेही वाचा :
