नवी दिल्ली IPL 2025 : इंडियन प्रीमियर लीग (IPL) नं 2025 च्या हंगामात सामन्यांची संख्या न वाढविण्याचा निर्णय घेतला आहे. ESPNcricinfo नं दिलेल्या वृत्तानुसार, संपूर्ण हंगामात 74 सामने खेळवले जातील. 2023-27 सायकलसाठी मीडिया हक्क विकले गेले तेव्हा 2022 मध्ये शेड्यूल केलेल्या सामन्यांच्या संख्येपेक्षा ही संख्या 10 कमी आहे.
The BCCI has decided to continue with 74 matches in IPL 2025 instead of 84 matches due to players workload management..!!!! (ESPNcricinfo). pic.twitter.com/lviXxEP7t7
— Tanuj Singh (@ImTanujSingh) September 27, 2024
कोणत्या हंगामात किती सामने : नवीन हक्क चक्रासाठी निविदा दस्तऐवजात, आयपीएलनं प्रत्येक हंगामातील सामन्यांची संख्या सूचीबद्ध केली होती. यात 2023 आणि 2024 मध्ये 74-74 सामने, तर 2025 आणि 2026 मध्ये 84-84 सामन्यांचा उल्लेख करण्यात आला आहे. आयपीएल 2027 मधील 94 सामन्यांचाही निविदेत उल्लेख करण्यात आला आहे.
काय घेतला निर्णय : तथापि, अहवालात असं म्हटलं आहे की आयपीएलनं आयपीएल 2025 साठी 84 सामने न घेण्याचा निर्णय घेतला आहे, कारण यामुळं आंतरराष्ट्रीय खेळाडूंना त्यांच्या कामाचा ताण हाताळण्यास मदत होईल. तसंच, भारत सध्या जागतिक कसोटी चॅम्पियनशिप (WTC) मध्ये अव्वल स्थानावर आहे, त्यामुळं अंतिम फेरीत प्रवेश करण्यासाठी ते फेव्हरेट आहेत. भारतीय क्रिकेट नियामक मंडळाला (बीसीसीआय) भारतीय खेळाडूंना महत्त्वाच्या सामन्यांच्या तयारीसाठी पुरेशी विश्रांती हवी आहे.
NO INCREASE IN IPL MATCHES.
— Mufaddal Vohra (@mufaddal_vohra) September 27, 2024
- The BCCI has decided to continue with 74 matches for IPL 2025 instead of 84 due to players' workload management. (Espncricinfo). pic.twitter.com/SRoVr85eFX
काय म्हणाले होते जय शाह : बीसीसीआयचे सचिव जय शाह यांनी गेल्या महिन्यात आयपीएलमध्ये किती सामने खेळवले जातील याबाबत एक विधान केलं होतं. बीसीसीआयचे निवर्तमान सचिव जय शाह यांनी अलीकडेच इकॉनॉमिक टाईम्सला सांगितले की, 'आम्ही आयपीएल 2025 मध्ये 84 सामने आयोजित करण्याबाबत कोणताही निर्णय घेतलेला नाही, कारण सामन्यांची संख्या वाढल्यामुळं खेळाडूंवर होणारा बोजा आम्हाला लक्षात ठेवावा लागेल.' तो (84 सामने) कराराचा भाग असला तरी 74 किंवा 84 सामने आयोजित करायचं की नाही हे बीसीसीआयला ठरवायचं आहे, असं त्यांनी इकॉनॉमिक टाइम्सला सांगितलं होतं.
हेही वाचा :
