मुंबई : महाराष्ट्रातील विधानसभा निवडणुकीपूर्वी (Maharashtra Assembly Election 2024) काँग्रेसनं पक्षाच्या 16 बंडखोर उमेदवारांवर कारवाई केली. काँग्रेसनं रविवारी बंडखोरी करत विधानसभा निवडणूक लढविणाऱ्या 16 उमेदवारांची 6 वर्षांसाठी पक्षातून हकालपट्टी केली. महाराष्ट्र काँग्रेसचे अध्यक्ष नाना पटोले यांच्या सूचनेवरून पक्षानं बंडखोरांना निलंबित करण्याचा आदेश जारी केला आहे.
राज्यात एकाच टप्प्यात निवडणूक पार पडणार असून 20 नोव्हेंबरला मतदान होणार असून 23 नोव्हेंबरला निकाल जाहीर होणार आहेत. दरम्यान, आता काँग्रेसनं बंडखोरांविरोधात कारवाईचा बडगा उगारला आहे. बंडखोरांवर कडक कारवाई केली जाईल, असं काँग्रेस पक्षानं नुकतंच जाहीर केलं होतं.
