लातूर Lok Sabha Election 2024 : शहर महानगरपालिकेच्या (Latur City Municipal Corporation) संकेतस्थळावर लातूर शहराच्या मतदारांची यादी (Voters List) ऐवजी कोल्हापूर जिल्ह्याच्या इचलकरंजी महानगरपालिकेच्या मतदारांची यादी प्रकाशित झाल्याची धक्कादायक बाब समोर आलीय. लातूर शहर महानगरपालिकेच्या mclatur.org या संकेतस्थळावर लातूर शहरातील मतदारांची अंतिम यादी शोधली असता, तेथे इचलकरंजी महानगरपालिकेच्या तोरणा नगर, आर.के नगर भागातील मतदारांची यादी दिसत आहे. ही यादी दिनांक 5 जुलै 2022 रोजी प्रसिद्ध केल्याचा उल्लेख या संकेतस्थळावर आहे.
आता आपल्याकडं कुठलीही मतदार यादी नसते. जेव्हा महापालिकेची निवडणूक असते तेव्हा मतदार यादी जाहीर होत असते. ती यादी अद्याप अपडेट झालेली नसेल. मी अधिकाऱ्यांना तपासण्यासाठी सूचना दिल्या आहेत. मतदार यादी ही भारतीय निवडणूक आयोगाकडं असते. जेव्हा निवडणुकीचा कार्यक्रम राज्य निवडणूक आयोगातून जाहीर होतो. तेव्हा राज्य निवडणूक आयोग भारत निवडणूक आयोगानं जी मतदार यादी तयार केलेली आहे. त्याची कट ऑफ डेट ठरवून ती यादी महापालिका प्रशासनाकडं पाठवत असते. निवडणूक काळात लातूर महानगरपालिकेच्या संकेतस्थळावर कुठलीच मतदार यादी असणं अपेक्षित नाही. जी मतदार यादी लातूर महापालिकेच्या संकेतस्थळावर आहे ती तात्काळ काढली जाईल. - बाबासाहेब मनोहरे, आयुक्त, लातूर शहर महानगरपालिका
