राकेश रोशनचा वयाच्या 74 व्या वर्षीही फिटनेस उत्साह पाहून तुम्हीही व्हाल चकित - Rakesh Rsohan Fitness

Rakesh Rsohan Fitness : अभिनेता हृतिक रोशनने त्याचे 74 वर्षीय वडील राकेश रोशन जिममध्ये वर्कआउट करतानाचा व्हिडिओ शेअर केला आहे. व्हिडीओमध्ये राकेश जिममध्ये जोरदार कसरत करताना दिसत आहेत.

मुंबई - Rakesh Rsohan Fitness : चित्रपट निर्माते राकेश रोशन वयाच्या 74 व्या वर्षीही मजबूत आहेत. वयाचा फिटनेस आणि आरोग्यासाठी कोणताही अडथळा असत नाही हेच त्यांनी दाखवून दिलंय. त्यांचा मुलगा अभिनेता हृतिक रोशन स्वत: फिटनेस प्रेमी आहे. त्यानं त्याच्या सोशल मीडिया हँडलवर वडिल दैनंदिन जिममध्ये मोहनत करत असतानाचा एक व्हिडिओ शेअर केला आहे. यामध्ये ते दोरीवरच्या उड्या आणि काठी वापरून व्यायाम करतानाचा समावेश आहे.

• View this post on Instagram

  A post shared by Rakesh Roshan (@rakesh_roshan9)

इंस्टाग्राम स्टोरीवर हृतिक रोशनने त्याच्या वडिलांची वर्कआउट रील शेअर केली आणि लिहिले, "मतलब के कैसे!! अविश्वसनीय पापा!!" व्हिडिओमध्ये राकेश रोशनचे जिममधील जोरदार कसरत सेशन कॅप्चर करण्यात आले आहे. यामध्ये ते फिटनेस प्रशिक्षकाच्या मार्गदर्शनाखाली विविध व्यायाम करताना दिसतात. लाल शॉर्ट्ससह काळ्या रंगाचा टी-शर्ट परिधान केलेले अनुभवी चित्रपट निर्माते राकेश रोशन आपली ताकद आणि चपळता दाखवताना दिसतात. त्यांच्या प्रभावी फिटनेसमुळे चाहत्यांना आश्चर्य वाटले आहे.

राकेश रोशनचा फिटनेसचा प्रवास घशाच्या सुरुवातीच्या टप्प्यातील स्क्वॅमस सेल कार्सिनोमाशी झालेल्या लढाईचा विचार करता आणखी प्रेरणादायी आहे. आरोग्याच्या आव्हानांना तोंड देत असूनही, राकेश रोशनची अजिंक्य भावना आणि निरोगी राहण्यासाठी समर्पण जीवनशैली अनेकांसाठी प्रेरक आहे.

राकेश रोशन यांनी अभिनेता आणि दिग्दर्शक या दोन्ही भूमिकांसह भारतीय चित्रपटसृष्टीवर अविस्मरणीय छाप सोडली आहे. 1970 मध्ये 'घर घर की कहानी' या चित्रपटातून पदार्पण केल्यापासून ते खून भरी मांग, करण अर्जुन आणि क्रिश फ्रँचायझीसह चित्रपट दिग्दर्शित करण्यापर्यंत त्यांचा सिनेमॅटिक वारसा आश्चर्यकारक आहे.

दरम्यान कामाच्या आघाडीवर हृतिक रोशन यशराज फिल्म्सच्या बॅनरखाली आदित्य चोप्रा बनवत असलेल्या 'वॉर 2' या बहुप्रतीक्षित चित्रपटाची तयारी करत आहे. 14 ऑगस्ट 2025 रोजी रिलीज होणाऱ्या या चित्रपटात हृतिक एजंट कबीरच्या भूमिकेत दिसणार आहे. ज्युनियर एनटीआर बरोबर मोठ्या पडद्यावर त्याचे पुनरागमन होईल.

हेही वाचा -