मुंबई - Stree 2 Sarkata Fame actor : सध्या बॉलिवूडमध्ये 'स्त्री 2' फेम 'सरकटा'चा थरार आहे. 'स्त्री 2' मधील 'सरकटा'ची भूमिका साकारणारा सुनील कुमार हा चर्चेत आहे. सध्या बॉक्स ऑफिसवर 'स्त्री 2' हा चित्रपट राज्य करतोय. या चित्रपटातून सुनीलनं आपल्या अभिनयानं आणि चेहऱ्यावरील भीतीदायक हावभावांनी प्रेक्षकांना घाबरवण्याचं काम खुबीनं केलं आहे. तसंच सुनीलला 'कल्की 2898 एडी'मध्ये देखील अमिताभ बच्चनची बॉडी डबल करण्याची संधी मिळाली होती. नुकतेच एका मुलाखतीत सुनील कुमारनं खुलासा केला आहे की, तो 'केजीएफ' स्टार यशबरोबर काम करत आहे.
सुनील कुमारनं अली फजलबरोबरचा फोटो केला शेअर : सुनील कुमार हा यशच्या 'टॉक्सिक' या मोस्ट अवेटेड चित्रपटात दिसणार असल्याचा अंदाज आता बांधला जात आहे. दरम्यान 'मिर्झापूर'च्या गुड्डू भैय्या उर्फ अली फजलबरोबरचा एक फोटो सोशल मीडियावर व्हायरल झाला आहे. या फोटोमध्ये सुनील आणि अली दोघेही उभे असल्याचं दिसत आहे. हा फोटो शेअर करताना सुनीलनं लिहिलं, "अली फजल, गुड्डू भैयाबरोबर शॉट." आता सुनील कुमारच्या या पोस्टवर चाहत्यांच्या प्रतिक्रियाही येऊ लागल्या आहेत. सुनीलचे बरेच चाहते या पोस्टवर लाइक बटण क्लिक करत आहेत. 'स्त्री 2'मुळे सुनील हा प्रसिद्धीझोतात आला आहे. त्याला अनेक चित्रपटांच्या आता ऑफर्स मिळू लागल्या आहेत.
'स्त्री 2'ची एकूण कमाई : दरम्यान सुनील कुमारच्या वैयक्तिक आयुष्याबद्दल बोलायचं झालं तर तो जम्मूमधील पोलीस अधिकारी आहे. 'स्त्री 2'च्या टीमनं सुनील कुमारला खूप आधी पाहिलं होतं आणि त्यांनी या चित्रपटात त्याला 'सरकटा'ची भूमिका करण्याची संधी दिली. बॉक्स ऑफिसवर 15 ऑगस्ट रोजी 'स्त्री 2' हा चित्रपट प्रदर्शित झाला होता. या चित्रपटानं जगभरात 600 कोटी रुपये आणि देशांतर्गत बॉक्स ऑफिसवर 450 कोटी रुपयांची कमाई केली आहे. 'स्त्री 2'मध्ये श्रद्धा कपूर, राजकुमार राव, पंकज त्रिपाठी, अभिषेक बॅनर्जी आणि अपारशक्ती खुराना यांनी उत्कृष्ट काम केलं आहे.
हेही वाचा :
