मुंबई - Sania Mirza : 'द ग्रेट इंडियन कपिल शो'च्या आगामी एपिसोडचा प्रोमो शेअर करण्यात आला आहे. या आठवड्यात कपिल शर्माच्या शोमध्ये क्रीडा जगतातील चार दिग्गज व्यक्ती हजेरी लावणार आहेत. टेनिसपटू सानिया मिर्झा, बॅडमिंटनपटू सायना नेहवाल, नेमबाज सिफ्त कौर सामरा आणि बॉक्सर मेरी कोम या शोमध्ये धमाल करताना दिसेल. प्रोमोमध्ये सायना, सानिया आणि मेरी या तिघीही आपल्या खास स्टाइलनं शोची शोभा वाढवत आहे. प्रोमोच्या सुरुवातीला कपिल शर्मा, सानिया, सायना, सिफ्त कौर आणि मेरी यांचं भव्य पद्धतीनं स्वागत करतो. यानंतर सुनील ग्रोव्हर येतो आणि म्हणतो, दोन-चार नायिका आल्या आहेत असं वाटतंय.
द ग्रेट इंडियन कपिल शो'चा प्रोमो व्हायरल : यानंतर कपिल म्हणतो की, "त्या हिरोईन नाही, स्पोर्ट्समधून आहे." तेव्हा सुनील म्हणतो की. "त्या देशाची नायिका आहेत." यानंतर कपिल म्हणतो, "मेरी तू पहिल्यांदाच आली आहेस. एक जोरदार पंच मारून दाखव." मेरी ही कॉमेडियन राजीव ठाकूर आणि कृष्णा अभिषेक यांना जोरदार पंच मारते. कपिल मेरीला विचारतो की, "बॉक्सर असलेल्या मुलींचे पती हे साधे असतात का ? ते खरच असतात की नंतर बनतात." यावर सानिया म्हणते की. "त्यांना व्हावेच लागते." सायना नेहवालनं सांगितलं की, तिची आई जर्मन टेनिसपटूची मोठी चाहती आहे. "मी दोन महिने बॅडमिंटन खेळले, त्यानंतर माझ्या आईनं सांगितलं की मला टेनिस खेळायला पाहिजे होतं. त्यात पैसा जास्त आहे." सायनाचं म्हणणं ऐकून सर्व हसू लागतात.
