मुंबई - बॉलिवूडचा सुपरस्टार सलमान खान याने अनंत अंबानीच्या वाढदिवसाच्या पार्टीत धमाल केली. अनंतने जामनगर येथे आपला 29 वा वाढदिवस साजरा केला. मंगळवारी रात्री झालेल्या त्याच्या बर्थडे पार्टीत अनेक सेलिब्रिटी उपस्थित होते. सेलिब्रेशनमध्ये सामील होताना, सलमान आणि बी प्राक यांनी 'अ‍ॅनिमल' चित्रपटातील 'सारी दुनिया जला देंगे' हे गाणं गायलं. हे गाणं तल्लीन होऊन सादर करतानाचा एक व्हिडिओ इंटरनेटवर व्हायरल झाला आहे.
व्हायरल झालेल्या व्हिडिओमध्ये सलमान आणि गायक बी प्राक "सारी दुनिया जला देंगे" सादर करताना दिसत आहे. सलमान आणि बी प्राकचा हा व्हिडिओ अनेक फॅन पेजवर शेअर करण्यात आला होता. यामध्ये सलमान खान पांढऱ्या जीन्स आणि निळ्या रंगाचा टी-शर्ट परिधान केलेला दिसत होता, तर बी प्राकने गुलाबी पँट आणि पांढरा शर्ट घातलेला होता. व्हिडिओ पहिल्यांदा प्राकने त्याच्या इंस्टाग्राम हँडलवर कॅप्शनसह शेअर केला होता. अनंत अंबानीच्या वाढदिवशी त्याच्यासमोर हे गाणं सादर करायला मिळाले याबद्दल त्यानं स्वतःला भाग्यवान समजलं आहे. तशा अर्थाचं कॅप्शन त्यानं व्हिडिओला दिलंय.
याआधी सलमानने जामनगरमध्ये अनंत आणि राधिका मर्चंटच्या लग्नापूर्वीच्या भव्य सोहळ्यालाही हजेरी लावली होती. त्याने आमिर खान आणि शाहरुख खान बरोबर स्टेजही शेअर केला. तो स्टेजवर शाहरुख आणि संगीतकार एकोन यांच्यासह 'छमक छल्लो' गाण्यावर नाचतानाही दिसला होता.
कामाच्या आघाडीवर, सलमान शेवटचा 'टायगर 3 मध्ये पडद्यावर झळकला होता. त्याचा हा एक जबरदस्त हिट चित्रपट होता. मनीश शर्मा दिग्दर्शित 'टायगर 3' हा चित्रपट १२ नोव्हेंबर २०२३ रोजी थिएटरमध्ये प्रदर्शित झाला. सलमान खान आगामी काळात रिलीज होणाऱ्या निर्माता साजिद नाडियादवाला आणि एआर मुरुगादास यांच्या बरोबर एका मनोरंजक चित्रपटासाठी काम केले आहे. सलमान खानकडे विष्णुवर्धन दिग्दर्शित 'द बुल' देखील आहे.
हेही वाचा -
