मुंबई : अभिनेता रणबीर कपूर प्रसिद्ध डिझायनर तरुण ताहिलियानीच्या शो 'बारात बाय तसवा'मध्ये सहभागी झाला होता. रणबीरनं वरातीसह मंचावर प्रवेश केलाय. शोमध्ये वराच्या लूकमुळे त्यानं सर्वांचं लक्ष वेधून घेतलं होतं. रणबीरनं डिझायनरचे कलेक्शन पाहिल्यानंतर त्याला पत्नी आलिया भट्ट आणि त्याच्या लग्नाचा दिवस आठवला. रविवारी 13 ऑक्टोबर रोजी झालेल्या फॅशन शोमध्ये रणबीरनं ढोल-ताशे आणि लग्नाच्या मिरवणुकीसह स्टायलिश कारमध्ये स्फोटक एंट्री केल्यानंतर आता याबद्दल सोशल मीडियावर चर्चा होताना दिसत आहेत. दरम्यान, यावेळी तिथे उपस्थित असणाऱ्या सर्वांच्या नजरा रणबीरवर होत्या.
रणबीर कपूरची वरात : शोनंतर मीडियाबरोबर बोलताना रणबीरनं सांगितलं की, 'आलियानं लग्नाचं प्लॅनिंग केलं होतं, मला फक्त तिनं सांगितलेल्या मार्गावर चालायचं होतं. आमचं लग्न आमच्या घरीच झालं. हे लग्न परफेक्ट होतं. या शोमध्ये पुन्हा वरात आल्यानं खरोखरच बरे वाटत आहे.' रॅम्पवर रणबीर सिल्क आयव्हरी शेरवानी आणि मॅचिंग चुरीदारमध्ये देखणा दिसत होता. त्याचा लूक परफेक्ट भारतीय वरासारखा होता. रणबीरनं घातलेल्या शेरवानीवर हातानं भरतकाम केलं होतं. शेरवानीवर सिक्विन्स असल्यानं याला एक रॉयल टच आला. रणबीरनं हस्तिदंत, गुलाबी मोजरी शूज आणि खांद्यावर दुपट्टासह आपला लूक पूर्ण केला होता. वराच्या पोशाखात तो खूप आकर्षक दिसत होता.
रणबीरचं केलं चाहत्यांनी कौतुक : रणबीरवर रंगीबेरंगी दगडांनी सजलेल्या रेशमी हस्तिदंत पगडी, पांढऱ्या मोत्याच्या ऍक्सेसरी चांगलीच उठून दिसत होती. आता रणबीरच्या चाहत्यांना त्याचे काही व्हिडीओ पसंत पडत आहेत. त्याच्या या व्हिडीओंवर अनेक चाहते आपल्या प्रतिक्रिया देऊन त्याचे कौतुक करताना दिसत आहेत. रणबीरचा 'तू झुठी, मैं मक्का'चा सहकलाकार अनुभव सिंह बस्सीदेखील वराच्या रुपात काळ्या रंगाच्या पोखात यावेळी दिसला. रणबीर कपूरच्या वर्कफ्रंटबद्दल बोलायचं झालं तर, पुढं तो संजय लीला भन्साळीच्या आगामी प्रोजेक्ट 'लव्ह अँड वॉर'मध्ये पत्नी आलिया भट्टबरोबर दिसणार आहे. याशिवाय त्याच्याकडे नितेश तिवारीचा 'रामायण'ही चित्रपट आहे.
हेही वाचा :
