मुंबई - Priyanka Chopra : बॉलिवूडपासून हॉलिवूडपर्यंत आपल्या अभिनय कौशल्याची चुणूक दाखवणारी ग्लोबल स्टार प्रियांका चोप्रा आपल्या कामावर परतली आहे. तिनं तिच्या आगामी 'द ब्लफ' चित्रपटाच्या शूटिंग सेटवरील नवीन फोटो सोशल मीडियावर पोस्ट केला आहे. गेल्या काही दिवसांपासून प्रियांकानं तिच्या कामातून थोडा ब्रेक घेतला होता. याकाळात तिनं आपल्या कुटुंबासह काही वेळ अनंत अंबानी-राधिका मर्चंटच्या लग्नासाठी घालवला होता. सर्व काम पूर्ण केल्यानंतर, अभिनेत्री ऑस्ट्रेलियाला परतली आहे आणि द ब्लफचे शूटिंग पुन्हा सुरू केलं आहे.
प्रियांका चोप्रा सोशल मीडियावर सर्वाधिक सक्रिय अभिनेत्रींपैकी एक आहे. 17 जुलै रोजी तिनं तिच्या चाहत्यांसाठी इन्स्टाग्राम स्टोरीवर एक नवीन पोस्ट शेअर केली. ही पोस्ट तिच्या आगामी हॉलिवूड चित्रपट द ब्लफच्या सेटवरील आहे. फोटोमध्ये प्रियांकाच्या हातावर शूटसाठी मेकअप होत असल्याचं दिसत आहे.
छोट्या व्हिडिओ क्लिपमध्ये प्रियांकाच्या हाताचे रुपांतर जखमी हातामध्ये होत असल्याचं दिसतं. हा फोटो शेअर करताना तिने कॅप्शनमध्ये लिहिले की, 'मला वाटते मला मॅनिक्युअरची गरज आहे.'
याआधीही प्रियांका चाप्रानं चित्रपटाच्या सेटवरील अनेक फोटो शेअर केले आहेत. आत्तापर्यंत चित्रपटाच्या सेटवरून समोर आलेल्या सर्व झलकांवरून असा अंदाज लावला जाऊ शकतो की हा चित्रपट एक जबरदस्त स्टंट, अ‍ॅक्शन आणि ड्रामा असणार आहे.
'द ब्लफ' चित्रपटाबद्दल
'द ब्लफ'चे दिग्दर्शन फ्रँक ई. फ्लॉवर्स करत आहेत. या चित्रपटात समुद्री डाकू असलेल्या महिलेची कथा दाखवण्यात येणार आहे. या आघाडीच्या महिलेची भूमिका प्रियांका चोप्रा साकारत आहे. कार्ल अर्बन, सफिया ओकले-ग्रीन, इस्माईल क्रूझ कॉर्डोव्हा आणि वेदांतन नायडू या चित्रपटात प्रियांकाबरोबर स्क्रीन स्पेस शेअर करताना दिसणार आहेत.
हेही वाचा -
- प्रियंका चोप्रापासून ते अनुष्का शर्मापर्यंत बॉलिवूड सुंदरींनी केलीय प्लास्टिक सर्जरी - World Plastic Surgery Day 2024
- अनंत अंबानींच्या लग्नात सहभागी झाल्यानंतर प्रियांका चोप्रानं ऑस्ट्रेलियातून मुलगी मालती मेरीबरोबर केला फोटो शेअर - priyanka chopra
- अनंत अंबानीच्या लग्नात नाचून प्रियांका चोप्रा खूश, म्हणाली, "सासरी हे सर्व मिस करते" - Priyanka Chopra
