मुंबई - Bigg Boss 17 Mannara Chopra: देसी गर्ल आणि ग्लोबल स्टार प्रियांका चोप्राची चुलत बहीण मन्नारा चोप्रा 'बिग बॉस 17'मुळे सध्या चर्चेत आहे. मन्नारा 'बिग बॉस 17' च्या टॉप 3 स्पर्धकांमध्ये सामील होती. ती ट्रॉफी जिंकण्यापासून फक्त दोन पावले दूर होती, मात्र तिनं अनेकांच मनं जिंकली आहेत. 'बिग बॉस 17' हा शो संपल्यानंतर बॅक-स्टेजवरुन जाताना मन्नारा चोप्रानं बहीण प्रियांका चोप्राचं आभार मानलं आहे. प्रियांकानं 'बिग बॉस 17'च्या फिनालेच्या एक दिवस आधी एक पोस्ट शेअर करून तिच्या चुलत बहिणीला प्रोत्साहन दिलं होतं. सोशल मीडियावर सध्या मन्नाराचे काही व्हिडिओ खूप व्हायरल होत आहेत.
मन्नारा टॉप 3 मध्ये पराभूत झाली : सोशल मीडियावर व्हायरल झालेल्या व्हिडिओमध्ये मन्नाराला जेव्हा सांगण्यात येते की, ती बिग बॉसच्या घरात होती तेव्हा तिला तिची बहिण प्रियांका चोप्रानं पाठिंबा दिला होता. यावर मन्नारा म्हणते,''मला पाठिंबा दिल्याबद्दल धन्यवाद दीदी.'' 'बिग बॉस 17'च्या फिनालेमध्ये मन्नारानं चमकदार हिरव्या रंगाचा ड्रेस परिधान केला होता, ज्यामध्ये ती हॉट आणि बोल्ड दिसत होती. 28 जानेवारीच्या रात्री सलमान खाननं 'बिग बॉस 17'च्या विजेत्याची घोषणा केली. या शोचा विजेता हा मुनावर फारुकी झाला.अंतिम शर्यतीत मुनावरची स्पर्धा अभिषेक कुमारशी होती. मुनावर फारुकी,अभिषेक आणि मन्नारा हे टॉप 3 च्या शर्यतीत एकत्र होते.
मन्नारानं मानले आभार : फिनालेनंतर मन्नारा आणि मुनावर यांनी एकमेकांना मिठी मारली आणि तिनं विजयासाठी मुनावरचे अभिनंदन केले. दरम्यान मन्नाराला काही रिपोर्टनं म्हटलं की, मुनावरमुळे ती टॉप 3मध्ये होती. यावर तिनं म्हटलं, ''असं काही नाही, मीही घरात स्वत:च्या जोरावर गेम खेळला आहे.'' मन्नाराचा हा व्हिडिओ अनेकांना आवडत आहे. दरम्यान मन्नाराच्या करिअरबद्दल बोलायचं झालं तर, सुरुवातीला तिनं 40 जाहिरातींमध्ये काम केलंय. यानंतर तिनं साऊथ सिनेमात पदार्पण केलं. बॉलिवूडमध्ये तिनं 'जिद' या चित्रपटात काम केलंय. मन्नाराची आई ही प्रियांका चोप्राची काकू आहे. ती सोशल मीडियावर खूप सक्रिय असते. मन्नारा अनेकदा तिचे फोटो सोशल मीडियावर चाहत्यांसोबत शेअर करत असते.
हेही वाचा :
