मुंबई - Laapataa Ladies trailer releases : सुपरस्टार आमिर खानची पूर्वाश्रमीची पत्नी किरण राव प्रदीर्घ काळानंतर फिल्मी दुनियेत कमबॅक करत आहे. किरण राव सध्या तिच्या 'लापता लेडीज' या चित्रपटामुळे चर्चेत आहे. तिनं या चित्रपटाचं दिग्दर्शन केलं आहे. 'लापता लेडीज' हा तिचा एक कॉमेडी ड्रामा चित्रपट आहे. आज 24 जानेवारीला'लापता लेडीज'चा ट्रेलर रिलीज करण्यात आला आहे. या चित्रपटाचा ट्रेलर हा खूप कॉमेडी आहे. 'लापता लेडीज'चा ट्रेलर 2.25 मिनिटांचा आहे. या चित्रपटात नितांशी गोयल, प्रतिभा रंता, स्पर्श श्रीवास्तव, रवी किशन आणि छाया कदम यांच्या मुख्य भूमिका आहेत.
- " class="align-text-top noRightClick twitterSection" data="">
'लापता लेडीज'चं ट्रेलर रिलीज : 'लापता लेडीज'च्या ट्रेलरबद्दल बोलायचं झालं तर एक माणूस लग्न करून आपल्या पत्नीला घरी आणतो, तेव्हा त्याची पत्नी बदललेली असते. त्याला याबद्दलची माहिती एका विधीदरम्यान होते. यानंतर तो पोलीस स्टेशनमध्ये तक्रार दाखल करण्यासाठी जातो. तेव्हा त्याला रवी किशन पोलीस स्टेशनमध्ये मजेशीर पद्धतीनं प्रश्न विचारतो. यानंतर तो आपल्या पत्नीबद्दल माहिती पोलिसांना देतो. चित्रपटाच्या ट्रेलरच्या शेवटी रवी किशन हा जेव्हा त्याच्या खऱ्या पत्नीचा फोटो मागतो, तेव्हा तो चेहरा झाकून असलेला फोटो देतो. यानंतर तिथे उपस्थित असलेले पोलीस हसतात.
'लापता लेडीज' चित्रपटाबद्दल : जिओ स्टुडिओ प्रस्तुत 'लापता लेडीज'चे दिग्दर्शन किरण रावनं केलं असून आमिर खान, ज्योती देशपांडे यांनी या चित्रपटाची निर्मिती केली आहे. भास्कर झा, दुर्गेश कुमार, गीता अग्रवाल, पंकज शर्मा, रचना गुप्ता, अबीर जैन, कीर्ती जैन, दाऊद हुसैन, समर्थ मोहर, सतेंद्र सोनी, रवी कपाडिया आणि किशोर सोनी या चित्रपटातील इतर स्टारकास्ट आहेत. हा चित्रपट 1 मार्च रोजी प्रदर्शित होणार आहे. या चित्रपटाची वाट आता अनेकजण पाहात आहे. शेअर केलेल्या ट्रेलरच्या पोस्टवर अनेकजण किरणला या चित्रपटासाठी शुभेच्छा देताना दिसत आहे. या चित्रपटाची कहाणी जरा हटके आहे. ''लापता लेडीज'कडून आमिर खान आणि किरण रावला खूप अपेक्षा आहेत.
हेही वाचा :
