लॉस एंजेलिस - Oscar 2024 : क्रिस्टोफर नोलनच्या बायोग्राफिकल थ्रिलर चित्रपट 'ओपेनहायमर'साठी सर्वोत्कृष्ट अभिनेत्याचा ऑस्कर पुरस्कार जिंकून सिलियन मर्फीनं (cillian murphy ) एक इतिहास रचला आहे. ऑस्कर 2024 मध्ये 'ओपेनहायमर' (Oppenheimer Movie) चित्रपटानं सर्वाधिक ऑस्कर जिंकले आहेत. 'ओपेनहायमर' फेम स्टार सिलियन मर्फीनं पहिला ऑस्कर जिंकला आहे. ऑस्करच्या मंचावर, हातात ऑस्कर ट्रॉफी घेऊन, सिलियन मर्फीनं आपल्या भाषणामध्ये असं काही म्हटलं, ज्यामुळे आता अनेकजण त्याचं सोशल मीडियावर कौतुक करत आहेत. सिलियन मर्फीनं आपल्या भाषणात 'ओपेनहायमर' चित्रपटाचे दिग्दर्शक क्रिस्टोफर नोलन यांचे आभार मानले आहेत. (J Robert Oppenheimer)
- " class="align-text-top noRightClick twitterSection" data="">
सिलियन मर्फीनं मिळवला ऑस्कर : सिलियननं म्हटलं, ''क्रिस्टोफरनं त्याच्या या मोठ्या चित्रपटासाठी मला सक्षम मानले आणि मला एक उत्तम भूमिका करण्याची संधी दिली, ही माझ्यासाठी खूप मोठी गोष्ट आहे. यासाठी मी तुमचा आभारी आहे. हा पुरस्कार ओपेनहाइमरच्या संपूर्ण टीमला समर्पित आहे. हा आपल्या सर्वांचा विजय आहे आणि सर्वात महत्त्वाचं म्हणजे, मी हा पुरस्कार शांततेत जगण्याचा संदेश देणारे अणुबॉम्बचे जनक रॉबर्ट जे. ओपेनहायमर यांना समर्पित करतो. (Cillian dedicates J Oppenheimer) '' 'ओपेनहायमर' चित्रपटाला 13 श्रेणींमध्ये नामांकन मिळालं होतं. या चित्रपटानं सर्वोत्कृष्ट चित्रपट, सर्वोत्कृष्ट दिग्दर्शक, सर्वोत्कृष्ट अभिनेता, सर्वोत्कृष्ट चित्रपट एडिटिंग, सर्वोत्कृष्ट मूळ स्कोअर, सर्वोत्कृष्ट सिनेमॅटोग्राफी, सर्वोत्कृष्ट अभिनेता सहाय्यक भूमिका या 7 श्रेणींमध्ये ऑस्कर जिंकलं आहे.
- " class="align-text-top noRightClick twitterSection" data="">
96 वा ऑस्कर पुरस्कार 2024 : 11 मार्च रोजी पहाटे 4 वाजता भारतात भारतीय प्रमाण वेळेनुसार 96 व्या ऑस्कर अवॉर्ड्सचं थेट प्रक्षेपण करण्यात आलं. 96व्या ऑस्कर पुरस्कार 2024 ची आज 11 मार्च रोजी सांगता झाली आहे. लॉस एंजेलिस (अमेरिका) येथील डॉल्बी थिएटरमध्ये झालेल्या पुरस्कार सोहळ्यात 23 श्रेणींमध्ये पुरस्कारांचं वितरण करण्यात आलं होतं. दरम्यान ऑस्कर विजेता सिलियन मर्फीनं करिअरमध्ये एकापाठोपाठ एक हिट चित्रपट दिले आहेत. त्यांनी एका मुलाखतीत सांगितलं होतं की, मी बाहेर जात नाही, मी घरीच राहतो. माझ्या मित्रांसोबत मी माझ्या चित्रपटांचे प्रमोशनही करत नाही आणि मला फोटो काढण्याचीही आवड नाही.
हेही वाचा :
