'बिग बॉस'च्या घरात महाचक्रव्यूह टास्कसाठी पंढरीनाथ कांबळे आणि सूरज चव्हाण यांचा संघर्ष, नवीन प्रोमो रिलीज - BIGG BOSS MARATHI 5

Bigg Boss Marathi 5 :'बिग बॉस मराठी 5' या शोचा आता अंतिम टप्पा सुरू आहे. 'बिग बॉस'च्या घरात आता वेगवेगळे टास्क प्रेक्षकांना पाहायला मिळत आहे. आता 'बिग बॉस' निर्मात्यांनी एक प्रोमो रिलीज केला आहे. यामध्ये घरातील सदस्य महाचक्रव्युह टास्क खेळताना दिसत आहेत.

मुंबई - Bigg Boss Marathi 5 : 'बिग बॉस मराठी 5'च्या महाअंतिम सोहळ्यासाठी आता काही दिवसच शिल्लक राहिले आहेत. येत्या 6 ऑक्टोबर रोजी 'बिग बॉस मराठी 5'चा विजेता अवघ्या महाराष्ट्रासमोर येईल. आता अनेक चाहते या शोच्या ग्रँड फिनालेची वाट पाहात आहेत. सध्या 'बिग बॉस'च्या घरात एकूण 8 स्पर्धक आहेत. 'बिग बॉस'च्या घरातील स्पर्धा सध्या अटीतटीची झाली आहे. सर्वच स्पर्धक केव्हाही न खेळलेला गेम खेळताना घरात दिसत आहेत. आता सोशल मीडियावर एक प्रोमो रिलीज करण्यात आला आहे. यामध्ये घरातील सदस्य एक नवीन टास्क करताना दिसत आहेत.

पंढरीनाथ कांबळे आणि सूरज चव्हाणचा संघर्ष : ह्या टास्कमध्ये स्पर्धकांना अंतिम रक्कम जिंकण्यासाठी महाचक्रव्युह पार करावं लागणार आहे. या महाचक्रव्यूह टास्कसाठी काही जोड्या तयार करण्यात आल्या आहेत. यामध्ये सूरज चव्हाण आणि पॅडी उर्फ पंढरीनाथ कांबळे यांची जोडी असल्याची प्रोमोमध्ये दिसत आहे. या दोघांमध्ये खास नातं प्रेक्षकांनी अनुभवलं आहे. यानंतर हेच नात त्यांना या टास्कदरम्यान वापरायचे आहे. आता व्हायरल झालेल्या प्रोमोमध्ये महाचक्रव्यूह टास्कदरम्यान पॅडी सूरजला मार्गदर्शन करत आहे. पॅडी यांच्या मार्गदर्शनाखाली सूरज हा टास्क पूर्ण करण्याचा प्रयत्न करत आहे. या टास्कसाठी मर्यादित वेळ आहे. यात त्यांना हा टास्क पूर्ण करायचा आहे.

View this post on Instagram

A post shared by Colors Marathi (@colorsmarathi)

यूजर्सनं केलं पॅडी आणि सूरजचं कौतुक : दिलेल्या अचूक वेळेत पॅडी सूरजला अगदी त्याला समजेल, अशा भाषेत टास्कमध्ये मदत करताना दिसत आहे. त्यामुळे आता या टास्कमध्ये पॅडी आणि सूरज बाजी मारणार का? हे आज 26 सप्टेंबरच्या भागात प्रेक्षकांना पाहायला मिळणार आहे. दरम्यान सोशल मीडियावर शेअर झालेल्या प्रोमोच्या पोस्टवर अनेकजण सुरज आणि पॅडी यांच्या खेळाचे कौतुक करत आहेत. त्यांची टास्कसाठी घेत असलेली मेहनत पाहून प्रेक्षक खूप प्रभावित झाले आहेत. एका यूजर्सनं या पोस्टवर लिहिलं, 'पॅडीदादा आणि सूरजची जोडी खूप चांगली आहे.' दुसऱ्या एकानं लिहिलं, 'अरे पॅडीदादानी एकदम मस्त त्याला समजेल अशा सोप्प्या भाषेत गाईड केलं.' आणखी एकानं लिहिलं, 'दोघ खूप चांगला गेम खेळेल.' याशिवाय काहीजण या पोस्टवर हार्ट इमोजी पोस्ट करत आहेत.

हेही वाचा :