'हिरामंडी'मधील 'बिब्बोजान' अदिती राव हैदरीला साईमा पुरस्कारानं सन्मानित - ACTRESS ADITI RAO HYDARI

ADITI RAO HYDARI : अदिती राव हैदरी ही नुकतीच 'हिरामंडी' या वेब सीरीजमध्ये दिसली होती. आता तिला साईमा अवार्ड पुरस्कारानं सन्मानित करण्यात आलंय.

मुंबई - ADITI RAO HYDARI : अभिनेत्री अदिती राव हैदरी सध्या तिच्या 'हिरामंडी'मधील बिब्बोजन या व्यक्तिरेखेमुळे चर्चेत आहे. 21 जुलैला ती दक्षिण भारतीय आंतरराष्ट्रीय चित्रपट पुरस्कारांमध्ये साईमा (SAIMA) पोहोचली. यावेळी तिला साईमा अवार्डनं सन्मानित करण्यात आलं. दरम्यान आदिती राव हैदरीनं एक व्हिडिओ शेअर केला आहे. व्हिडिओमध्ये ती पुरस्काराबरोबर दिसत आहे. चाहते आणि प्रेक्षकांचे आभार व्यक्त करताना अदितीनं म्हटलं, "येथे येऊन खूप छान वाटलं. या पुरस्कारासाठी मी खूप आभारी आहे. मला वेब सीरीज श्रेणीसाठी बेस्ट एक्ट्रेस पॉपुलरसाठी अवार्ड मिळाला आहे. 'हिरामंडी'ला मिळालेले प्रेम आणि यश प्रत्येकजण साजरे करत आहेत. मी नेहमीच मानतो की, आम्ही एकत्र खूप मजबूत आहोत."

#WATCH | Mumbai: On winning an award at SIIMA (South Indian International Movie Awards), Actor Aditi Rao Hydari says, " ..it is wonderful to be here and very grateful for the award...i got an award for best actress popular for a series category...we are who we are because of our… pic.twitter.com/v3b21fpUg1

— ANI (@ANI) July 22, 2024

साईमा अवार्ड कार्यक्रमात 'या' स्टार्सनं लावली होती हजेरी : या कार्यक्रमात नीना गुप्ता, अदिती भाटिया, मनीष पॉल, प्रियमणी, डोनल बिस्ट, हेलन शास्त्री, मन्नारा चोप्रा, जिम सरभ, फ्रेडी दारूवाला, दर्शन कुमार, मनीषा राणी, सुभाषश्री गांगुली, माहिरा शर्मा, मधुरिमा तुली, ईशान खट्टर, तनिषा मुखर्जी, कॉमिका आंचल, रकुल प्रीत सिंग, शोबिता धुलिपाला, ईशा मालवीय, वामिका गब्बी, नायरा बॅनर्जी, अविका गौर, नीती मोहन, सारा, कबीर खान, मनोज बाजपेयी आणि राणा दग्गुपती अनेक स्टारनं हजेरी लावली होती. दक्षिण भारतीय आंतरराष्ट्रीय चित्रपट पुरस्कार साईमा (SIIMA) सध्या सुरू आहे.

स्ट्रीमिंग प्लॅटफॉर्म : साईमा अवार्डमध्ये ओटीटी प्लॅटफॉर्मवर स्ट्रीम केलेल्या वेब सीरीज, चित्रपटांमधील सर्वोत्तम कंटेंट आणि कार्यप्रदर्शन हायलाइट केल्या जात आहे. या कार्यक्रमात हिंदी आणि प्रादेशिक दोन्ही भाषांमधील स्ट्रीमिंग प्लॅटफॉर्मवरील ओरिजिनल कंटेंटला विशेष महत्व दिले जात आहे. दरम्यान, कंटेंट श्रेणीमध्ये, ॲमेजन प्राइम (40) नामांकनांसह आघाडीवर आहे. यानंतर नेटफ्लिक्स (32), झी 5 (17), डिज्नी हॉटस्टार (15),सोनी लिव (10) आणि जीओ सिनेमा (8) नामांकनांसह आहे. दरम्यान, प्रादेशिक कंटेंट प्रकारात, अहा तेलुगू 35 नामांकनांसह आघाडीवर आहे. त्यानंतर ॲमेजन प्राइम 28, अहा तमिळ (12), डिस्ने हॉटस्टार (9), झी 5, होइचोई प्रत्येकी (5-5) आणि सोनी लिव (2) नामांकनांसह आहेत.

हेही वाचा :