मुंबई - Aditi Rao Hydari-Siddharth Marriage: अभिनेत्री आदिती राव हैदरी आणि साऊथ अभिनेता सिद्धार्थ लग्नाच्या बेडीत अडकले आहेत. या दोघांनी गुपचूप लग्न केल्याचा आता खुलासा झाला आहे. अचानक लग्न करून आदितीनं तिच्या चाहत्यांना सुखद धक्का दिला आहे. इन्स्टाग्रामवर तिनं पती सिद्धार्थबरोबर काही फोटो शेअर केले आहेत. यामध्ये तिनं एक सुंदर संदेश तिच्या पतीसाठी लिहिला आहे. दरम्यान दोघांनी वानपर्थीच्या 400 वर्षे जुन्या मंदिरात लग्न केलं आहे. फोटो शेअर करत आदितीनं लिहिलं, 'तू माझा सूर्य, माझा चंद्र आणि माझे सर्व तारे आहेस... नेहमीसाठी माझा पिक्सी सोलमेट राहा...मिसेस आणि मिस्टर अदु-सिद्धू,'
आदिती राव हैदरीनं शेअर केले लग्नाचे फोटो : आदितीनं शेअर केलेले फोटोग्राफ्स खूप आकर्षक आहेत. तिनं आणि सिद्धार्थनं वानपर्थीच्या 400 वर्ष जुन्या मंदिरात लग्न करण्याचा निर्णय घेतला होता. आदितीनं या मंदिराबाबत सांगितलं होतं की,"लग्न हे 400 वर्षे जुन्या वानपर्थी मंदिरात होणार आहे, जे माझ्या कुटुंबासाठी खूप महत्त्वाचे आहे." आता आदितीनं शेअर केलेल्या पोस्टवर अनेक चाहते या जोडप्यावर अभिनंदनाचा वर्षाव करत आहेत. या पोस्टवर एका चाहत्यानं शुभेच्छा देत लिहिलं, 'जोडी खूप सुंदर आहे, खूप खूप अभिनंदन.' दुसऱ्या एकानं लिहिलं, 'तुम्ही दोघेही एकत्र खूप सुंदर दिसता.' आणखी एकानं लिहिलं, 'अभिनंदन एकत्र राहा.' याशिवाय अनेकजण हार्ट आणि फायर इमोजी या पोस्टवर शेअर करत आहेत. तसेच सेलिब्रिटींनी कमेंट सेक्शनमध्ये नवविवाहित जोडप्याला शुभेच्छा दिल्या आहेत.
आदिती आणि सिद्धार्थची प्रेमकहाणी : आदिती आणि सिद्धार्थनं यावर्षी मार्चमध्ये साखरपुडा केला होता. तेव्हापासून प्रत्येकजण त्यांच्या लग्नाची वाट पाहत होते. दरम्यान आदिती आणि सिद्धार्थच्या प्रेमकहाणीबद्दल सांगायचं झालं तर, दोघेही 2021 मध्ये तेलुगू चित्रपट 'महा समुद्रम'च्या सेटवर भेटले होते. हे जोडपं गेल्या काही वर्षांपासून डेट करत आहे. त्यांनी 16 सप्टेंबर रोजी गुपचूप विवाह करून चाहत्यांना आश्चर्यचकित केलंय. दरम्यान अदिती रावचं पहिलं लग्न 2009 मध्ये अभिनेता सत्यदीप मिश्राबरोबर झालं होतं. लग्नानंतर अवघ्या चार वर्षांनी त्यांचा घटस्फोट झाला. सत्यदीपनं 2023 मध्ये अभिनेत्री नीना गुप्ता यांची मुलगी मसाबा गुप्ताबरोबर लग्न केलं. मसाबा गुप्ताचंही हे दुसरे लग्न होतं. याशिवाय सिद्धार्थनं 2003 मध्ये पहिलं लग्न केलं होतं. यानंतर त्याचा लग्नाच्या चार वर्षानंतर घटस्फोट झाला होता. आज सिद्धार्थचं वय 44 आणि आदितीचं वय 37 वर्षे आहे.
हेही वाचा :
- 'हिरामंडी'मधील 'बिब्बोजान' अदिती राव हैदरीला साईमा पुरस्कारानं सन्मानित - ACTRESS ADITI RAO HYDARI
- 'हीरामंडी' प्रीमियरमध्ये अदिती राव हैदरी आणि सिद्धार्थ दिसले एकत्र, व्हिडिओ व्हायरल - ADITI RAO HYDARI AND SIDDHARTH
- अदिती राव हैदरी आणि सिद्धार्थनं केला साखरपुडा; फोटो व्हायरल - Aditi and siddharth engagement
