हेमा मालिनी यांनी इस्कॉन मंदिरातील फोटो केले शेअर, उद्घाटन होईल 'या' दिवशी...

हेमा मालिनी यांनी सोशल मीडियावर इस्कॉन मंदिरातील सुंदर फोटो शेअर केली आहेत. यात त्यांनी इस्कॉन मंदिरचं कधी उद्घाटन होईल याबद्दल देखील सांगितलं आहे.

मुंबई - दिग्गज अभिनेत्री हेमा मालिनी या अनेकदा मंदिरामध्ये भेट देत असतात. दरम्यान त्यांनी खारघर, नवी मुंबई येथील इस्कॉन मंदिरामधील सुंदर फोटो सोशल मीडियावर शेअर केली आहेत. यामध्ये त्या खूप आनंदी असल्याच्या दिसत आहे. या फोटोच्या पोस्टमध्ये त्यांनी एक लांबलचक नोट देखील शेअर केली आहे. यामध्ये त्यांनी लिहिलं, 'खारघर, नवी मुंबई येथे काहीतरी सुंदर घडत आहे. माझ्या मनाच्या अगदी जवळ, इस्कॉननं एक अप्रतिम सुंदर मंदिर बांधलं आहे, जिथे प्रमुख देवता राधा मदनमोहन आहेत.'

हेमा मालिनी यांनी शेअर केले फोटो : यानंतर हेमा मालिनी यांनी पुढं लिहिलं, 'हे सर्व सूरदास प्रभूंच्या अथक परिश्रमाचे,अनेक भक्तांचे आणि कारीगरांचे आभार आहे, ज्यांनी हे मंदिर प्रत्यक्षात आणण्यासाठी 10 वर्षे परिश्रम घेतले. मी नवीन वर्षाच्या दिवशी खारघरला प्रणाम करायला गेले होते आणि मला खूप समाधान वाटले! मंदिराचे उद्घाटन 15 जानेवारी 2025 रोजी भारताचे माननीय पंतप्रधान नरेंद्र मोदीजी यांच्या हस्ते होणार आहे.' यापूर्वी हेमा मालिनी यांनी स्वच्छता मोहिमेबाबत जनजागृती करण्यासाठी काढलेल्या रॅलीमध्ये देखील सहभाग घेतला होता. त्यांनी या रॅलीमधील काही सुंदर फोटो देखील सोशल मीडियावर शेअर केली होती .

View this post on Instagram

A post shared by Dream Girl Hema Malini (@dreamgirlhemamalini)

हेमा मालिनी यांची राजकीय कारकीर्द : दरम्यान हेमा मालिनी यांच्या राजकीय कारकीर्दबद्दल बोलायचं झालं तर त्या सलग तिसऱ्यांदा मथुरा लोकसभा मतदारसंघातून विजयी झाल्या आहेत. यापूर्वी, त्यांनी 2019 च्या लोकसभा निवडणुकीत, आपली मथुरा लोकसभा जागा ही खूप चांगल्या मतानं जिंकली होती. हेमा मालिनी यांना 6,71,283 मते मिळाली होती. तसेच त्यांचे प्रतिस्पर्धी कुंवर नरेंद्र सिंह यांना 3,77,822 मते मिळाली होती. हेमा मालिनी यांनी कुचीपुडीचा अभ्यास केला आहे. त्यांनी तुलसीदासांच्या 'रामचरितमानस'मध्ये नरसिंह आणि रामासह अनेक नृत्य भूमिका केल्या आहेत. हेमा मालिनीला 2000 मध्ये पद्मश्रीनं सन्मानित करण्यात आलं होतं. याशिवाय त्यांना भारत सरकारचा चौथा सर्वोच्च नागरी सन्मान मिळाला आहे. तसेच त्यांना त्यांच्या डान्ससाठी अनेक पुरस्कार मिळाले आहेत.

हेही वाचा :