भाजपाचे ज्येष्ठ नेते लालकृष्ण अडवाणींची प्रकृती बिघडली; एम्समध्ये केलं दाखल - LK Advani Admitted To AIIMS

LK Advani Admitted To AIIMS : भाजपाचे ज्येष्ठ नेते लालकृष्ण अडवाणी यांची प्रकृती बिघडली आहे. त्यामुळे त्यांना दिल्लीतील एम्स रुग्णालयात दाखल करण्यात आलं. एम्सच्या वरिष्ठ डॉक्टरांच्या निगराणीखाली लालकृष्ण अडवाणी यांच्यावर उपचार सुरू आहेत.

नवी दिल्ली LK Advani Admitted To AIIMS : भारतीय जनता पार्टीचे ज्येष्ठ नेते तथा माजी उपपंतप्रधान लालकृष्ण अडवाणी यांची प्रकृती बिघडली. त्यांना दिल्लीतील एम्स ( AIIMS ) रुग्णालयात उपचारासाठी दाखल करण्यात आलं. सध्या त्यांची प्रकृती स्थिर असून त्यांच्यावर उपचार सुरू असल्याची माहिती रुग्णालय सूत्रांनी दिली आहे.

अस्वस्थ वाटल्यानं एम्समध्ये केलं दाखल : भाजपाचे ज्येष्ठ नेते लालकृष्ण अडवाणी यांना बुधवारी सायंकाळी अस्वस्थ वाटू लागल्यानं त्यांना एम्समध्ये दाखल करण्यात आलं. लालकृष्ण अडवाणी यांच्यावर एम्समधील वरिष्ठ डॉक्टरांच्या निगराणीमध्ये उपचार सुरू आहेत. त्यांची प्रकृती स्थिर आहे, अशी माहिती एम्समधील सूत्रांनी दिली आहे. लालकृष्ण अडवाणी यांचं वय सध्या 96 वर्ष इतकं आहे.