कंगना रणौतनं तोडले ... तारे, वादग्रस्त वक्तव्य आणि माहितीने सगळेच झाले अवाक्! - KANGANA RANAUT

KANGANA RANAUT - नेहमीच वादग्रस्त विधानं करण्यात कंगना रणौत प्रसिद्ध आहेत. तिचं नुकतंच पहिल्या पंतप्रधानांबद्दल केलेलं वक्तव्य चांगलंच गाजत आहे. त्याअनुषंगानं खास बातमी..

कोलकाता KANGANA RANAUT : विचित्र आणि खोट्या विधानांमुळे अनेकदा वाद निर्माण होतात. अशीच वादग्रस्त विधानं मंडीची भाजपाची उमेदवार कंगना रणौत करताना दिसते. बॉलीवूडची दिवा कंगना रणौत, जिच्या अभिनय कौशल्यावरही संशय व्यक्त केला जातो. ती अशीच विधानं करण्यासाठीच ओळखली जाते. जेव्हा तिनं एका दूरचित्रवाणी मुलाखतीत सांगितलं की, नेताजी सुभाषचंद्र बोस हे भारताचे पहिले पंतप्रधान होते, जवाहरलाल नेहरू नाही. हे ऐतिहासिकदृष्ट्या चुकीचं विधान तिनं ठासून केल्याचं दिसून आलं.

कंगना रणौतचं हे विधान एका विशिष्ट राजकीय विचारसरणीला प्रोत्साहन देणारं असू शकतं, ज्यांचा असा विश्वास आहे की नेहरू हे स्वातंत्र्यानंतरचे लोकशाही पुढे ढकलणारे एक व्यक्ती होते. पण इतिहास आणि वस्तुस्थितीवर आधारित नसलेलं तिचं विधान तिच्या फॅन्सनाही पचनी पडलं नाही. वस्तुस्थिती सोडून केलेल्या तिच्या चुकीच्या विधानाने देशभरात खळबळ उडवून दिली आणि टीआरपी वाढवण्यात महत्त्वाची भूमिका बजावली.

रेकॉर्डचा विचार केला तर, नेताजी सुभाषचंद्र बोस हे प्रांतीय सरकारचे प्रमुख होते. ज्यांना त्यावेळी काही जागतिक सैन्याने त्यांच्या स्वतःच्या हेतूंसाठी अधिक आणि भारताच्या स्वातंत्र्यासाठी कमी पाठिंबा दिला होता. नेताजी सुभाषचंद्र बोस यांची नात सुगाता बोस, ज्या एक इतिहासकार देखील आहेत ज्यांनी याबद्दल लिहिलं आहे. त्यांचेही विचार पाहता हे स्पष्ट होईल की रणौतचं विधान केवळ खोटेपणाचं आहे, अनेकांनी ते स्वीकारण्यास नकार दिला.

सुगाता बोस यांनी लिहिलं, “डिसेंबर १९४३ च्या उत्तरार्धात जपान्यांनी अंदमान आणि निकोबार बेटे ताब्यात दिल्यावर (आझाद हिंद सरकारला) भारतीय भूभागाच्या एका तुकड्यावर कायदेशीर नियंत्रण मिळवलं. परंतु वास्तविक लष्करी नियंत्रण जपानी नौसैनिकांनी सोडलं नाही.” .

जगभरातील शक्ती, ज्यामध्ये जर्मनी, इटली आणि अर्थातच नाझींनी नेताजींच्या सरकारला भारताच्या स्वातंत्र्य चळवळीच्या नायकाला पाठिंबा देण्यापेक्षा ब्रिटिशांना विरोध करण्यासाठी अधिक मान्यता दिली. तसंच, आझाद हिंद सरकारच्यापूर्वी, भारतीय स्वातंत्र्य समितीने (IIC) काबूलमध्ये एक सरकार स्थापन केलं होतं, जे नेताजींसारखेच होतं. ज्याला काही सहयोगी शक्तींनी त्यांचे स्वतःचे हित जोपासण्यासाठी आणि जागतिक शक्ती म्हणून टिकून राहण्यासाठी पाठिंबा दिला होता.

काबूलचं हे निर्वासित सरकार होतं ज्यात राजा महेंद्र प्रताप अध्यक्ष होते आणि स्वातंत्र्यसैनिक मौलाना बरकतुल्ला पंतप्रधान होते. सरकारमध्ये अशा लोकांचा समावेश होता ज्यांना अनेक दशके भारतातून बाहेर काढण्यात आलं आणि भारतीय स्वातंत्र्य मिळवून देण्यासाठी आंतरराष्ट्रीय पाठिंबा मिळवण्याचा प्रयत्न त्यांनी केला. जे स्वातंत्र्य अखेरीस १९४७ मध्ये प्राप्त झाले. नेहरू स्वतंत्र भारताचे पहिले पंतप्रधान बनले.

हा सगळा इतिहास पाहता कंगना रणौतच्या विधानाचा पर्दाफाश होतो. तसंच कंगना लोकप्रिय 'व्हॉट्सॲप युनिव्हर्सिटी'च्या माध्यमातून गोळा केलेल्या तिच्या ज्ञानावर पूर्णपणे अवलंबून राहिल्यानं तिनं असं अतरंगी विधान केल्याचं स्पष्ट होतं. खोटे पडण्याचे आणि लोकांमध्ये खोट्या भावना भडकावण्याचे तिचे प्रयत्न निव्वळ मते मिळवण्यासाठी आहेत, हे यातून दिसतं.

हिमाचल प्रदेशमधून भाजपाच्या तिकिटावर लोकसभा निवडणूक लढवणाऱ्या रणौतचं वक्तव्य, भारतीयांमध्ये बिंबवण्याचा प्रयत्न होत आहे. मात्र ते सत्यापासून कोसो दूर आहे आणि देशाला स्वातंत्र्य मिळाल्यानंतरच्या 75 वर्षांच्या भारताच्या इतिहासाला खोटे ठरवते, ही शोकांतिका आहे.

140 पेक्षा कोटींपेक्षा जास्त लोकसंख्येच्या आपल्या देशात स्यूडो-नॅशनलिझमची विकण्यासाठी यापूर्वीही अनेक प्रयत्न झाले आहेत. परंतु बॉलीवूड दिवा कंगनानं त्या सगळ्यांच्यावर कढी केली असल्याचं दिसतं. मात्र यात तिचा कोणताही गुन्हा नाही, तर कंगना रणौतला इतिहासाच्या पुस्तकांची पुन्हा भेट द्यायला पाहिजे हेच यातून अधोरेखित होतं.

हे वाचलंत का...