नवी दिल्ली Rampage Missile In Indian Air Force : शत्रूंना त्यांच्या घरात घुसून मारण्याची क्षमता फक्त अमेरिकेत आहे, असं आतापर्यंत जगभरात बोललं जात होतं. मात्र, आता भारतानंही या दिशेनं बरीच पावलं उचलली आहेत. एकीकडं भारत स्वत:साठी लढाऊ शस्त्रं बनवत आहे, तर दुसरीकडं मित्र देशांकडून प्रगत आणि धोकादायक शस्त्रांची खरेदीही भाारताकडून केली जात आहे.
- रॅम्पेज क्षेपणास्त्राचा ताफ्यात समावेश : नुकताच भारतानं इस्रायलच्या रॅम्पेज क्षेपणास्त्राचा आपल्या लढाऊ विमानांच्या ताफ्यात समावेश केलाय. भारतीय हवाई दलानं आपल्या लढाऊ विमानांच्या ताफ्यात 250 किलोमीटर अंतरापर्यंतच्या वस्तूंवर मारा करण्याची क्षमता असलेल्या रॅम्पेज लाँग-रेंज सुपरसॉनिक एअर-टू-ग्राउंड क्षेपणास्त्रांचा समावेश केला आहे.
इस्रायलकडून इराणविरुद्ध वापरले गेले : भारतीय वायुसेनेमध्ये हाय-स्पीड लो ड्रॅग-मार्क 2 क्षेपणास्त्र म्हणून ओळखले जाणारे, हे शस्त्र इराणच्या लक्ष्यांविरुद्ध अलीकडील ऑपरेशन्स दरम्यानदेखील वापरण्यात आले होते. संरक्षण सूत्रांनी दिलेल्या माहितीनुसार, भारतीय हवाई दलानं रशियन विमानांच्या ताफ्यात रॅम्पेजसह Su-30 MKI आणि MiG-29 लढाऊ विमानांसह जग्वार लढाऊ विमानांचा समावेश केलाय. तसंच भारतीय नौदलानं आपल्या ताफ्यात मिग-29K नौदल लढाऊ विमानांसाठी क्षेपणास्त्रांचा समावेश केला आहे.
सूत्रांनी दिलेल्या माहितीनुसार, स्टँड-ऑफ शस्त्रामुळं भारतीय लढाऊ वैमानिकांना दळणवळण केंद्रे किंवा रडार स्टेशन्ससारख्या लक्ष्यांवर हल्ला करण्याचा आणि त्यांना गोळ्या घालण्याचा पर्याय मिळेल. ही खरेदी 2020 मध्ये चीनसोबतचा संघर्ष सुरू झाल्यानंतर सशस्त्र दलांना गंभीर शस्त्रं आणि उपकरणं सुसज्ज करण्यासाठी संरक्षण मंत्रालयानं दिलेल्या आपत्कालीन अधिकारांचा एक भाग होती. भारतीय हवाई दल आता मेक इन इंडिया कार्यक्रमांतर्गत रॅम्पेजची निर्मिती करता येईल का?, याचाही विचार करत आहे.
- बालाकोटमध्ये वापरण्यात आलेल्या स्पाईस-2000 पेक्षा रॅम्पेज हे लांब पल्ल्याचे क्षेपणास्त्र आहे.
- नुकतेच इस्रायलनं इराणबरोबरील संघर्षात काही ठिकाणी हे क्षेपणास्त्र डागलं होतं.
- हे क्षेपणास्त्र उड्डाणाच्या मध्यभागी आपला मार्ग बदलून लक्ष्यावर अचूक मारा करण्यास सक्षम आहे.
- हे क्षेपणास्त्र सर्व ऋतूंमध्ये वापरले जाऊ शकते.
हेही वाचा -
