नवी दिल्ली Hemant Soren ED Inquiry : अंमलबजावणी संचालनालयानं झारखंडचे मुख्यमंत्री हेमंत सोरेन यांच्या दिल्लीतील निवासस्थानी छापेमारी केली. कथित मनी लाँड्रींग प्रकरणी ही चौकशी करण्यात आली आहे. ईडीचे अधिकारी हेमंत सोरेन यांच्या दिल्लीतील घरी तब्बल 13 तास तळ ठोकून होते. यावेळी ईडीच्या अधिकाऱ्यांनी हेमंत सोरेन यांची बीएमडब्लू कारही जप्त केली आहे.
हेमंत सोरेन यांची बीएमडब्लू कार केली जप्त : अंमलबजावणी संचालनालयानं हेमंत सोरेन यांना अनेकवेळा समन्स बजावूनही ते चौकशीला हजर राहिले नाहीत. त्यामुळं ते बेपत्ता असल्याचं स्पष्ट करत त्यांच्या घराची ईडीच्या अधिकाऱ्यांनी झाडाझडती घेतली. ईडीचे अधिकारी त्यांच्या दिल्लीतील घरी सकाळी 9 वाजताच्या दरम्यान पोहोचले. यावेळी अधिकाऱ्यांनी त्यांच्या घरातून रात्री साडेदहा वाजता काढता पाय घेतला. मात्र यावेळी अधिकाऱ्यांनी हेमंत सोरेन यांची बीएमडब्लू कार जप्त केली.
हेमंत सोरेन यांच्या घरातून कागदपत्र जप्त केल्याचा दावा : ईडीचे अधिकारी सकाळी 9 वाजताच्या दरम्यान हेमंत सोरेन यांच्या दिल्लीतील घरी दाखल झाले होते. यावेळी अधिकाऱ्यांनी दक्षिण दिल्लीतील 5/1 शांतीनिकेतन इमारतीत पोहोचले. अधिकाऱ्यांनी घरातून कागदपत्र मिळाल्याची माहिती सूत्रांनी दिली. यावेळी ईडीच्या अधिकाऱ्यांनी हेमंत सोरेन यांची बीएमडब्लू कार जप्त केल्याची माहितीही यावेळी सूत्रांनी दिली.
'ईडी कारवाईच्या भीतीनं मुख्यमंत्री फरार' : हेमंत सोरेन यांना ईडीनं समन्स बजावल्यानंतर ते 27 जानेवारीला रांचीवरुन दिल्लीला रवाना झाले होते. झारखंड मुक्ती मोर्चा पक्षानं हेमंत सोरेन हे त्यांच्या वैयक्तीक कामासाठी दिल्लीला गेल्याची माहिती दिली होता. मात्र झारखंड भाजपाच्या वतीनं " ईडी कारवाईच्या भीतीनं मुख्यमंत्री हेमंत सोरेन हे फरार आहेत. त्यामुळं झारखंडची विश्वासार्हता आणि प्रतिष्ठा पणाला लागली आहे. त्यामुळं राज्यपाल सी पी राधाकृष्णन यांनी या प्रकरणाची दखल घ्यावी, अशी विनंती करण्यात आली," असा दावा करण्यात आला आहे. ईडीनं हेमंत सोरेन यांना समन्स पाठवून 29 किंवा 31 जानेवारीला चौकशीला उपस्थित राहण्यास बजावलं होतं.
ईडीचे आरोप राजकीय द्वेशानं प्रेरित : झारखंडचे मुख्यमंत्री हेमंत सोरेन यांनी ईडीला रविवारी एक ईमेल पाठवला आहे. या ईमेलमध्ये त्यांनी "राज्य सरकारच्या कामात अडथळा आणण्यासाठी ईडीकडून हा आरोप करण्यात येत आहे. ईडीचे आरोप राजकीय द्वेशानं प्रेरित आहेत." असा दावा केला होता.
हेही वाचा :
