हैदराबाद Recovered 150 stolen mobile - फोन हरवला किंवा चोरीला गेला की तो परत मिळेल याची शाश्वती मालकाला जवळ-जवळ नसतेच. मात्र अलिकडच्या काळात फोन चोरीला गेला असला तरी तो पुन्हा मिळवता येतो याची खात्री पटू लागली आहे. नवीन तंत्रज्ञनामुळं हे शक्य झालं आहे. तेलंगणा रेल्वे पोलिसांनी ही खात्री त्यांच्या कामगिरीतून पटवून दिली आहे. नुकतेच १५० फोन तेलंगणा रेल्वे पोलिसांनी जप्त करुन त्यांच्या मालकांना दिल्याची माहिती तेलंगणा रेल्वेचे ADGP महेश भागवत यांनी दिली.
CEIR पोर्टलचा वापर करणे गरजेचे - खरं तर 19 एप्रिल 2023 रोजी तेलंगणा राज्यात सेंट्रल इक्विपमेंट आयडेंटिफाई रजिस्टर पोर्टल सुरू झालं. त्यावेळेपासून रेल्वे पोलीस तेलंगणाने आजपर्यंत एकूण 435 चोरीला गेलेले-हरवलेले मोबाईल परत मिळवले आहेत. ADG रेल्वे महेश भागवत यांनी यापूर्वी CEIR पोर्टलचे तलंगणा राज्य नोडल अधिकारी म्हणून काम केलं आहे. त्यांच्या सूचनांनुसार संपूर्ण रेल्वे पोलीस जिल्ह्यात DSRP ग्रामीण श्री.वाय.नरसिम्हा रेड्डी आणि DSRP काझीपेट यांच्या देखरेखीखाली विशेष पथके तयार करण्यात आली आहेत. श्रीनिवास राव यानी तयार केलेल्या पथकांनी एका महिन्यात १० लाख रुपये किमतीचे 150 मोबाईल जप्त केले. यामध्ये बहुतांश CEIR पोर्टलद्वारे नोंदवलेली प्रकरणं आणि मी-सेवा अर्जांचा समावेश आहे.
महाराष्ट्रातील १३ फोन जप्त - तेलंगणा राज्यासोबतच विशेष पथकांनी इतर राज्यांतूनही मोबाईल जप्त केले आहेत. त्यात केरळ-5, उत्तर प्रदेश-4, महाराष्ट्र-13, कर्नाटक-11, मध्य प्रदेश-8, बिहार-6, तामिळनाडू-7, आंध्र प्रदेश-38 आणि उर्वरित तेलंगणा-58 यांचा समावेश आहे. हे मोबाईल फोन प्रवासादरम्यान एकतर चोरीला गेलेले आहेत, जे पॅसेंजर किंवा खिडकीच्या बाजूला बसलेले होते जेथे त्यांचे फोन काही अज्ञात गुन्हेगारांनी हिसकावले किंवा चोरले गेले. यानिमित्तानं महेश भागवत यांनी सांगितलं की, पोलीस रेल्वे प्रवाशांना विनंती करतात की त्यांनी त्यांच्या सामानाची काळजी घ्यावी आणि रेल्वे स्थानकांवर मोबाइल फोन चोरीला गेल्यास, www.ceir.gov.in वर लॉग इन करून सीईआयआर पोर्टलवर आयएमईआय क्रमांक असलेले तुमचे मोबाइल फोन त्वरित ब्लॉक करावे.
विशेष तपास पथकाचे कौतुक - मोबाईल हरवलेल्या प्रवाशांनी CEIR पोर्टलचा वापर करून IMEI ब्लॉक करण्यासाठी तात्काळ जवळच्या पोलीस स्टेशनशी संपर्क साधावा. त्यानंतरफोन ट्रॅक करुन ते अनब्लॉक करुन मालकांच्या स्वाधीन करण्यात येतात. या कामगिरीचे रेल्वे पोलीस तेलंगणाचे प्रमुख ADGP महेश भागवत SP SRP सिकंदराबाद शेख सलीमा यांनी केवळ 1 महिन्यात 150 फोन रिकव्हर केल्याबद्दल विशेष पथकांचं कौतुक केलं आहे. या सगळ्यांना योग्य ते पुरस्कार दिले जातील असंही भागवत यांनी स्पष्ट केलं.
