ടെക്‌-സൂപ്പർമാർക്കറ്റ്-ഓൺലൈൻ റീടെയ്‌ല്‍ മേഖലയില്‍ കൂട്ടപ്പിരിച്ചുവിടല്‍

മൈക്രോസോഫ്റ്റ്, ഗൂഗിൾ, ആമസോൺ, മെറ്റാ, ടിക് ടോക്ക് എന്നിവയടക്കം നിരവധി കമ്പനികളില്‍ കൂട്ടപിരിച്ചുവിടല്‍. ചെലവ് ചുരുക്കുന്നതിനും കമ്പനിയുടെ പ്രവർത്തനങ്ങൾ ലളിതമാക്കുന്നതിനുമാണ് ജീവനക്കാരെ പിരിച്ചുവിടുന്നതെന്നാണ് വിശദീകരണം.

ഹൈദരാബാദ് : മൈക്രോസോഫ്റ്റ്, ഗൂഗിൾ, ആമസോൺ, മെറ്റാ, ടിക് ടോക്ക് എന്നിവയുൾപ്പെടെ ഒന്നിലധികം കമ്പനികളിലെ കൂട്ടപിരിച്ചുവിടലില്‍ വലഞ്ഞ് ജീവനക്കാര്‍ Tech Giants Layoffs. 2024 ടെക്-ഓൺലൈൻ-റീടെയ്‌ല്‍ മേഖലയിലെ ജീവനക്കാർക്ക് ബുദ്ധിമുട്ടുള്ള വർഷമാകുമെന്നാണ് വിലയിരുത്തുന്നത്. ചിലവ് കുറയ്ക്കാനും കമ്പനികളുടെ അടിത്തറ ബലപ്പെടുത്താനുമാണ് തൊഴിലാളികളെ കുറയ്ക്കുന്നതെന്ന് വിദഗ്ദ്ധര്‍ പറയുന്നു.

അടുത്തിടെ ജീവനക്കാരെ പിരിച്ചുവിട്ട ചില ടെക്, റീട്ടെയിൽ കമ്പനികൾ :

* ഗൂഗിൾ - ടെക് ഭീമനായ ഗൂഗിൾ അതിന്‍റെ ഹാർഡ്‌വെയർ, വോയ്‌സ് അസിസ്‌റ്റൻസ്, എഞ്ചിനീയറിംഗ് ടീമുകളിൽ പ്രവർത്തിക്കുന്ന നൂറുകണക്കിന് ജീവനക്കാരെ പിരിച്ചുവിടുന്നതായി പ്രഖ്യാപിച്ചു, ഇത് ഈ മാസം ആദ്യം ഇതുമായി ബന്ധപ്പെട്ട ജീവനക്കാരെ ഇക്കാര്യം ഗൂഗിൾ അറിയിച്ചു. ചെലവ് കുറയ്ക്കുമെന്ന ഗൂഗിളിന്‍റെയും അതിന്‍റെ മാതൃകമ്പനിയായ ആൽഫബെറ്റിന്‍റെയും നിര്‍ദ്ദേശത്തെ തുടർന്നാണ് പിരിച്ചുവിടല്‍. ഒരു വർഷം മുമ്പ്, ഗൂഗിൾ 12,000 ജീവനക്കാരെ, ഏകദേശം ഗൂഗിളിന്‍റെ 6% തൊഴിലാളികളെ പിരിച്ചുവിടുമെന്ന് പറഞ്ഞിരുന്നു.

* മൈക്രോസോഫ്റ്റ് - ഗെയിമിംഗ് ഡിവിഷനിലെ ഏകദേശം 1,900 ജീവനക്കാരെ പിരിച്ചുവിട്ടു.

* ലെവി - ലെവി സ്ട്രോസ് ആൻഡ് കമ്പനി, ചെലവ് ചുരുക്കി അതിന്‍റെ പ്രവർത്തനങ്ങൾ ലളിതമാക്കാൻ ശ്രമിക്കുന്നതിന്‍റെ ഭാഗമായി വർഷത്തിന്‍റെ ആദ്യ പകുതിയിൽ തൊഴിലാളികളുടെ 10% മുതൽ 15% വരെ കുറയ്ക്കുമെന്ന് ഡെനിം ജയന്‍റ് പറഞ്ഞു.

* ആമസോൺ - ആമസോണിന്‍റെ ഉടമസ്ഥതയിലുള്ള ട്വിച്ച്, ചെലവ് ചുരുക്കുന്നതിനായി 500-ലധികം ആളുകളുടെ ജോലി വെട്ടിക്കുറച്ചു. ചെലവ് ചുരുക്കലും വർദ്ധിച്ചുവരുന്ന കാര്യക്ഷമതയും കണക്കിലെടുത്താണ് ജോലി വെട്ടിക്കുറച്ചതെന്നും വീഡിയോ സ്ട്രീമിംഗ് പ്ലാറ്റ്‌ഫോമിൻ്റെ സിഇഒ ഡാൻ ക്ലാൻസി ജീവനക്കാർക്ക് അയച്ച ഇമെയിലിൽ പറഞ്ഞു.

* ഐബിഎം - ഏകദേശം 3,900 ജീവനക്കാരെ വെട്ടിക്കുറയ്ക്കുമെന്ന് ഇൻ്റർനാഷണൽ ബിസിനസ് മെഷീനുകൾ (ഐബിഎം) പറഞ്ഞതായി വാൾസ്ട്രീറ്റ് ജേണൽ റിപ്പോർട്ട് ചെയ്‌തു. കഴിഞ്ഞ വർഷം ഐബിഎം ആരംഭിച്ച ഐടി സേവന ബിസിനസ്സായ Kyndryl Holdings, ഹെൽത്ത്‌കെയർ എന്നിവയിൽ നിന്നാണ് തൊഴിലാളികളെ വെട്ടിക്കുറയ്ക്കുന്നത്.

* ഡെൽ - ഡിജിറ്റൽ ഇലക്ട്രോണിക് ലിങ്ക് ലൈബ്രറി (DELL) ഫെബ്രുവരി ആദ്യം തങ്ങളുടെ തൊഴിലാളികളുടെ 5% അല്ലെങ്കിൽ ഏകദേശം 6,650 ജീവനക്കാരെ പിരിച്ചുവിടുമെന്ന് അറിയിച്ചു. 130,000-ലധികം ജീവനക്കാരുമായാണ് കമ്പനി ഈ വർഷം ആരംഭിച്ചത്, എന്നാൽ "സാമ്പത്തികമാന്ദ്യത്തിൻ്റെ ആഘാതങ്ങളിൽ മുന്നിൽ നിൽക്കുന്നതിനാലാണ് തൊഴിലാളികളെ വെട്ടിക്കുറച്ചതെന്ന് കമ്പനി അറിയിച്ചു.

* ആര്‍ ഇ ഐ- റിക്രിയേഷണൽ എക്യുപ്‌മെൻ്റ് (REI) 357 തൊഴിലാളികളെ പിരിച്ചുവിടുന്നു. ഔട്ട്‌ഡോർ റീട്ടെയിലർ ആസ്ഥാനത്തും വിതരണ കേന്ദ്രങ്ങളിലും ജോലി ചെയ്യുന്ന ജീവനക്കാരെയാണ് കൂടുതലും പിരിച്ചുവിടുന്നതെന്ന് സിഇഒ എറിക് ആർട്ട്സ് അറിയിച്ചു. കഴിഞ്ഞ വർഷത്തിൽ ഇതിനെ മറികടക്കാൻ REI യ്ക്ക് കഴിഞ്ഞെങ്കിലും, 2024 ൽ ബുദ്ധിമുട്ടുള്ള സാഹചര്യങ്ങൾ പ്രതീക്ഷിക്കുന്നുവെന്നും അദ്ദേഹം കൂട്ടിച്ചേര്‍ത്തു.

* ടിക് ടോക്ക് - ടിക് ടോക്ക് അതിന്‍റെ പരസ്യ, വിൽപ്പന യൂണിറ്റിലെ ഡസൻ കണക്കിന് തൊഴിലാളികളെ പിരിച്ചുവിടുന്നതായി അറിയിച്ചു. സോഷ്യൽ മീഡിയ പ്ലാറ്റ്‌ഫോം 60 ജോലികൾ വെട്ടിക്കുറയ്ക്കുന്നതായി കമ്പനിയുടെ വക്താവ് സ്ഥിരീകരിച്ചു. ബീജിംഗ് ആസ്ഥാനമായുള്ള ബൈറ്റ്ഡാൻസിന്‍റെ ഉടമസ്ഥതയിലുള്ള ടിക് ടോക്ക്, പിരിച്ചുവിടലിനുള്ള കാരണം വ്യക്തമാക്കിയിട്ടില്ല.

* റയറ്റ് ഗെയിംസ് - ചൈനീസ് ടെക്‌നോളജി ഭീമനായ ടെൻസെന്‍റിന്‍റെ ഉടമസ്ഥതയിലുള്ള, വീഡിയോ ഗെയിം ഡെവലപ്പർ റയറ്റ് ഗെയിംസ് അതിന്‍റെ 11% ജീവനക്കാരെ അതായത് 530 ജീവനക്കാരെ പിരിച്ചുവിടുമെന്ന് പ്രഖ്യാപിച്ചു. ജനപ്രിയമായ "ലീഗ് ഓഫ് ലെജൻഡ്‌സ്" മൾട്ടിപ്ലെയർ യുദ്ധ ഗെയിമിന് പിന്നിലെ കമ്പനി, നിരവധി മേഖലകളിലേക്ക് വ്യാപിപ്പിച്ചതിന് ശേഷം ചെലവ് കുറയ്ക്കേണ്ടതിന്‍റെ ആവശ്യകതയെ കുറിച്ച് പറയുകയും ഗെയിം ഡിവിഷനിൽ കൂടുതൽ ശ്രദ്ധ കേന്ദ്രീകരിക്കാൻ പദ്ധതിയിടുന്നുണ്ടെന്ന് വ്യക്തമാക്കുകയും ചെയ്‌തു.

* ഇ ബേയ് - ഓൺലൈൻ റീട്ടെയിലർ ഇ ബേയ് (eBay) ഏകദേശം 1,000 തൊഴിലാളികളെ അല്ലെങ്കിൽ തൊഴിലാളികളുടെ 9% പേരെ പിരിച്ചുവിടുന്നതായി പ്രഖ്യാപിച്ചു. മന്ദഗതിയിലുള്ള സമ്പദ്‌വ്യവസ്ഥയിൽ തങ്ങളുടെ ജീവനക്കാരുടെ എണ്ണവും ചെലവും ബിസിനസ് വളർച്ചയില്‍ കവിഞ്ഞതായി കമ്പനി അറിയിച്ചു.

* വേഫെയർ - ഓൺലൈൻ ഫർണിച്ചർ വിൽപ്പനക്കാരനായ വേഫെയർ, അതിന്‍റെ തൊഴിലാളികളുടെ 13% അതായത് ഏകദേശം 1,650 ജീവനക്കാരെ പിരിച്ചുവിടുന്നതായി വെള്ളിയാഴ്‌ച പ്രഖ്യാപിച്ചു. ടീമിന്‍റെ വലുപ്പം കുറയ്ക്കുന്നതിനും ചില റോളുകളിലെ സീനിയോരിറ്റി കുറയ്ക്കുന്നതിനുമാണ് ഈ പിരിച്ചുവിടലെന്ന് വേഫെയർ സിഇഒയും സഹസ്ഥാപകനുമായ നീരജ് ഷാ പറഞ്ഞു.

* മാസി - മാസി അതിന്‍റെ മൊത്തം ഹെഡ്‌കൗണ്ടിന്‍റെ 3.5% ആളുകളെ പിരിച്ചുവിടുന്നു, ഏകദേശം 2,350 ജീവനക്കാരെയാണ് പിരിച്ചുവിടുന്നത്. ഐക്കണിക് ഡിപ്പാർട്ട്‌മെന്‍റ് സ്‌റ്റോർ വിർജീനിയയിലെ ആർലിംഗ്‌ടണിൽ അഞ്ച് സ്ഥലങ്ങളും അടച്ചുപൂട്ടുകയാണ് : സാൻ ലിയാൻഡ്രോ, കാലിഫോർണിയ; ലിഹ്യൂ, ഹവായ്; സിമി വാലി, കാലിഫോർണിയ; ഒപ്പം ഫ്ലോറിഡയിലെ ടാലഹാസിയും ആണ് അടച്ചുപൂട്ടുന്നത്.

* ഓഡിബിൾ - ആമസോണിന്‍റെ ഉടമസ്ഥതയിലുള്ള ഓൺലൈൻ ഓഡിയോബുക്ക്, പോഡ്‌കാസ്‌റ്റ് സേവനമായ ഓഡിബിൾ അതിന്‍റെ 5% തൊഴിലാളികളെ പിരിച്ചുവിടുന്നതായി ജീവനക്കാർക്ക് അയച്ച മെമ്മോയിൽ, ഓഡിബിൾ സിഇഒ ബോബ് കാരിഗൻ പറഞ്ഞു. കമ്പനി നല്ല നിലയിലാണെന്നും എന്നാൽ "വർദ്ധിച്ചുവരുന്ന വെല്ലുവിളി നിറഞ്ഞ അന്തരീക്ഷം" അഭിമുഖീകരിക്കുന്നു എന്നും അദ്ദേഹം കൂട്ടിച്ചേര്‍ത്തു. കൂടാതെ, ആമസോണിൻ്റെ പ്രൈം വീഡിയോയും എംജിഎം സ്‌റ്റുഡിയോ യൂണിറ്റും വിജയകരമാകാത്ത മേഖലകൾ വെട്ടിക്കുറച്ചതിനാൽ നൂറുകണക്കിന് ജീവനക്കാരെ പിരിച്ചുവിടേണ്ടി വരുന്നുവെന്നും അദ്ദേഹം അറിയിച്ചു.